Lukas 10:39 - NTSHOB NSI

³⁹ A lo ghù mfèl i ze mènnzwi lén se Maria, z'a tswe ze mbaṅ nku Tshùaben, nke nju' ntshob mi là.

Lukas 10:39 Iomraidhean Croise

2 Fenfen 4:38

Elisa bèn nse' Guilgal. Mo' nziku' lo be ntùm ngô. Mba nshumnshum ba ghatshob ntshob Nsi tswete mbw'é là, a tshob ngafa' i ndù: Te kab mbwôg na jujù yi mfà nshumnshum ba ghatshob ntshob Nsi.

Tànkùt 8:34

Mènfen b'a mènntùn z'a be nju'ni àm nà, z'a be nzi tshùalo num tshàm nzendà mba sit lé'njù lo, nke mbéb ba ntom nà.

Lukas 10:42

Là tshu yàm ke' ywimte, ta' ju ntshù' ku'u. A b'a Maria bèn ntsho' bag i ze mebwô ze be bo ke bèn nkwé yi là.

Lukas 2:46

A be tshùa lé'njù tat, bo yen i ntùm Ndà Nsi ndù a tswe nsi netèt ghatswite, nke nju' yube, mbèn nke mbètte yub ba nu.

Lukas 8:35

Benntùn tum neyen ju z'a tshùa là, nkum mbaṅ Yésu, njen mèn ze ywètkebwô tum num i là, ndù a ma' nzwe num i, ntswe mbaṅ nku Yésu, mbèn nke ntshob nu a làn. Bo bwôg.

Yohané 11:1

Mo' ngangokèt lo be bwe, Lazaro ze Bètania, ngô Maria mba Marta ngon màab.

Yohané 11:19

Ben yàm netèt ba Yuda lo se' mbaṅ Marta mba Maria ndù bo fite ntù tshob num nu mfèt yub.

Yohané 12:3

Maria lo' labinda mebwô ze tanjoṅ, njo' nku Yésu yi, mbèn ndo' nyiaṅtu tse ntshwétte nku mi yi. Ywèt labinda dun ntùm ndà.

Mfa' Ghantum 22:3

Paulo lo' nu nèn yi mbwe: Me b'a mèn Yuda ndù bo bwe àm à Tarsô mà Kilikia, là ndù me ku' à ntùm yen dù' li mbaṅ nku Gamliél, nzi'te neze ntshù' ba tà be mb'a ku'ni là, nke nkô Nsi mba njoṅ zin fa sènni là.

Nebwôgte 33:3

Tshùaben be nkô ze nzwit mèn, A be nabte tse ben. Bo b'a mbaṅ nku mu. Bo kwé ntshob mu.