Lukas 10:37 - NTSHOB NSI

³⁷ A bùnte ndù: A b'a mèn z'a nko ndèn mi là. Yésu tshob yi ndù: Nène, tsho nke ngù yu be ndaṅndaṅ.

Lukas 10:37 Iomraidhean Croise

Tànkùt 14:21

Mèn z'a wag mfèl i là ghù nukebwô, là mèn z'a ko ndèn ghayennge' là b'a mènfen.

ṄWA'NI OSÉ 6:6

Nummbe me kô à nebétni, ke b'a tshule'te Nsi, nkô à nelèn Nsi, ke b'a tshu neton a kù fafa.

Mika 6:8

Wù mènntùn, bo lo ghù o lèn ju z'a bwô là, ju ze Tshùaben be mbètte ndù o ghù là. Yen nà b'a ndù o ghù nunetsine, nke nkô nu kondèn, mbèn nke nzin ntùm mbétni bin Nsi o.

Matio 20:28

Be ndaṅndaṅ, Mén mèn lo ke se' à ndù benntùn fa' yi, là ndù a fa' benntùn, mbèn mfà yôg se ndo' ntshu' benntùn yàm yi.

Matio 23:23

Nge' num bin ghalèn ṅwa'ni Nsi mba ba Férésia ghamfùm, nummbe bin be ndo' netshime, ntàmndoṅe, ywitngon, ngabte nze gham, mfà ta' bag i ghale'te Nsi, là njôg mfaṅ nu ntùn z'a be ntùm ntshù' là njam: Nunetsine, kondèn mba bamntù. A bwô neze yen ni ke faṅ yen nà njam.

Lukas 10:36

A zit mèn netèt tshen ben tat li z'o kwate ndù a b'a mfèt mèn z'a vù ntùm mbu ba fimntshu l'à?

Lukas 10:38

Ngelaṅ ze bo be num manze là, Yésu tsho ntùm mo' ngô; mo' mènnzwi lén se Marta lo' i ntùm ndà i.

2 Korintô 8:9

Nummbe bin lèn kondèn Tshùaben be Yésu Kristô, yi ngankàb lo tù' mbwoṅ num bin, ndùlala ndù bin tù' ghankàb njam bwoṅ i.

Efésô 5:2

Bin zin ntùm nkôni mba Kristô na' nkô zin mfà tu wul i num tu be mba jule'te Nsi, mba ju neghamte Nsi z'a lamte mebwô là.

1 Pétro 2:21

Yen nà b'a ju ze bo na' ntsiaṅ zin num bwe là, nummbe mba Kristô lo yen nge' num tu bin, mfaṅ mfi' bin, ndùlala ndù bin zin num ze manze, ntam njam i,

Apokalipse 1:5

mba njam Yésu Kristô, ngakwénta ze nenùne, tuswe mén netèt fe ben mba mfen fenfen num nsitsha' là. Ghamte be mèn z'a num nkô be, z'a lànte be num nukebwô be ntùm lem tse,