Lukas 10:3 - NTSHOB NSI

³ Bin nène, tshù, me tum zin à mba bon njùmbwe netèt ba nzwimàntô là.

Lukas 10:3 Iomraidhean Croise

Yobkwi 22:21

Béb àm num ṅwi, béb yôg sàm num ba mbù!

Sofoni 3:3

Tse kamkam be netèl i mba ngwayit tse bo tshwèt ntshu' là; tse ghatsho'te b'a mba nzwimàntô tse bo be mbe mfetnjù, mfèt ke lé' sàm ju num nkebnjù là.

Matio 10:16

Tshù, me tum zin mba njùmbwe netèt ba nzwimàntô là, ndùlala bin zete mba ba nyu là, mbèn ndàn mba ba bwoṅtambia' là.

Matio 10:22

Njoṅ benntùn fa nsi bàn zin num lén sàm, là mèn z'a fènte tà nèn miagte là, mba yen mèn nà nsi yôge.

Matio 7:15

Bin bam nà num ghatshob ntshob Nsi tse tatte tse bo be nse' mbaṅ bin ndù bo ma' ngub njùmbwe num bo, là ntùm bwe, bo b'a nzwimàntô tse bo be mfèt bon mbwe là.

Lukas 10:4

Kà bin lo' mfi', ke lo' bàm, ke lo' nketo'o, ke nebèn ntsha'te mèn manze.

Yohané 10:12

Ngafa' z'a ke' b'a ngabéb mbwe, ze njùmbwe ke' b'a ko' tse là, num njen mba nzwimàntô se' là, mfaṅ ba njùmbwe, nkù tse, nzwimàntô ghom tsemo'o, nsate tsemo'o.

Yohané 15:20

Bin kwimte ntshob mi me na' ntshob bin nà ndù: Ngafa' ke' b'a mèn ndùb ntshùa Tshùaben i. A be ze bo tsho' nku màm kebàn nà, mba bo nsi tsho' mba min nku kebàn, a be ze bo lé' ntshob màm nà, mba bo nsi lé' mba mine.

Yohané 16:2

Bo nsi sô zin ntùm ba sinagogue; mba ngelaṅ tshwèt nku'u, ze mba we lo z'a nsi zwi zin nsi kwate ndù a fa' Nsi là.

Mfa' Ghantum 20:29

Me lèn ndù ngelaṅ me nsi nèn nà, ba tshùagkèt ngwayit nsi se' mbaṅ bin, mbagte bwoṅ njùmbwe;

Mfa' Ghantum 9:16

M'a tswite njoṅ tshu fa ts'a bwô ndù a fènte num lén sàm nà yi.

Mfa' Ghantum 9:2

mbètt'é ṅwa'ni nenèn yi ntùm sinagogue ts'a be Damas là, ndù a be z'a yen ben tse bo tshwèt mbwe manze Yésu, bandum ke bènnzwi lo là, a kut yub nse' yi Yérusalém.