Lukas 10:28 - NTSHOB NSI

²⁸ Yésu tshob yi ndù: O bùnte mebwô, ke ngù ndùlala o nsi yôge.

Lukas 10:28 Iomraidhean Croise

Néhémi 9:29

O lo labte yub ndù bo bèn num ntshù' mu, là bo nke nkagtùn ngô be ntùm ko'tewut, ke kô neju' nkàn mu; bo fànte ntshù' mu mi a be mfà yôg mènntùn z'a be nze là. Bo ghù nkembe' ghatatu, ntù yub sag, bo ke ju' mba ntshù'.

Tànkùt 19:16

Mèn z'a be nze ntshù' là, ke mbéb à yôg se, mèn z'a wag mba' i là nsi kwù.

Ezékia 20:11

Me lo fà nkàn màm bo, nda'te ntshù' màm mi a bwô bo ke nze, kà njôg là.

Ezékia 20:13

Là tunndà Israél lo ta tu me num kônkwa. Bo lo ke ze ntshù' màm, nga neze ntag màm, mi a bwô ndù mènntùn ke nze kà njôg là. Nke ndo' Sabbat mba kua' ju banban nà. Me lo ghù nkwate nelo' tshùagntù àm ndo yi nsi num kônkwa, mbiagte yube.

Ezékia 20:21

Là, bon ta tu me, ke ze ntshù' màm, ke ze nkàn màm, ke tshùb nkàn màm mi a bwô ndù benntùn ke nze kà njôg là. Nke ndo' Sabbat mba kua' ju banban nà. Ndùlala me kwate nelo' tshùagntù àm bo yantù àm ndo yi nsi num bo num kônkwa.

Lévitiko 18:5

Bin ke nze ntag màm boa ntshù' màm. Mèn z'a ke nze men ntag màm boa ntshù' màm nà nsi tshùa njam bwe yôge. Me b'a Tshùaben.

Matio 19:17

Là, a tshob yi ndù: Numk'o bètt'àm nu num numebwô à? Ta' mèn mebwô num bwe. A be z'o kô netsho ntùm yôg là, o nke nze ntshù' Nsi. A tshob yi ndù: Mil à?

Marko 12:34

Yésu be yen ndù yen mèn ni bùnte yi ntùm zenu, ntshob yi ndù: O ke' b'a ngùanesà num nufen Nsi. Sàm mèn ke bèn mfèn ntù nebètt'é nu.

Lukas 7:43

Simon bùnte ntshob ndù: Me kwate ndù a b'a mèn ze bo faṅ nkàb yi là, Yésu tshob yi ndù: O keb ntsha mebwô.

Roma 10:4

Nummbe Kristô b'a miagte ntshù', ndùlala ndù njoṅ benntùn fa tse bo bam i là, tù' ben netsine.

Roma 3:19

Là be lèn ndù njoṅ tshu fa tse ntshù' num ntshob là, a ke ntshob à ben tse bo be ntùm ntshù' là, ndùlala ndù njoṅ ntshu fa meme, mba ndù njoṅ njù fa be ghavù ntsha mbwe Nsi.

Roma 7:10

Me lo yen ndù ntshù' mi a b'a mi yôg là, lo tù' mi vù num àm.

Galatia 3:12

Ntshù' ke' be lôte bamntù, nummbe ntshù' num ntshob ndù: Mèn z'a ze yub là nsi yôg num bo.

Nebwôgte 6:24

Tshùaben lo tshob bag ndù bag ze njoṅ ntshù' mi fa, nke mbwôg yi Tshùaben Nsi be, a tshùa ndùlala be ke mbe be mebwô njoṅ ndù fa, a bèn nkabte yôg be mb'a tshwèt ngù sènni là.