Lukas 10:27 - NTSHOB NSI

²⁷ A bùnte ntshob ndù: Ke nkô Tàan Nsi o, njoṅ ntù o fa, njoṅ zwiag so fa, njoṅ nkwatenu mu fa, mba njoṅ yu neta fa, mbèn nkô mèn z'a ghebte mbaṅ o là, mba tu wul o là.

Lukas 10:27 Iomraidhean Croise

Lévitiko 19:18

Kà yagte mba'a, ke ke ngù nkwate kebwô num bon yu nzwit mèn. O nsi kô mèn z'a ghebte mbaṅ o là mba yu tu wut là. Me b'a Tshùaben.

Matio 19:19

Ke nku'ni tàan mba màan, mbèn nkô mèn z'a ghebte mbaṅ o là mba tu wul o là.

Lukas 10:26

Yésu bètt'é ndù: Ke ze bo kite ntùm ntshù' à? Ke z'o num nsiaṅ bwe à?

Roma 13:9

Nummbe men ntshù' li: Kà ghù màndà, kà zwi mèn, kà yi tshô, kà ghe'te, mba memo' ntshù' tamte mb'a ntùm men ntshob li ndù: Kô mèn z'a ghebte mbaṅ o là mba tu wul o là.

Galatia 5:13

Fèt tshàm, bo na' ntsiaṅ zin à ndù bin tum kuan, nda' ndù kà bin lo' Ywèt netum kuan nà mba dù' neyi'te bwe, mfa' mbàb wut là, là bin tshùa njam nkôni nke mfa' netèt bin, bin bin.

Nebwôgte 10:12

Israél, ndonni ke ze Tshùaben Nsi o tshwèt mbètte ndù o ghù k'a ke b'a nda' ndù o bwôg i, nke nzin num tse manze fa, nkô i nke mfa' yi Tshùaben Nsi o ngô ntù o fa bo njoṅ zwiag so fa à!

Nebwôgte 30:6

Tshùaben Nsi o nsi fà kaṅntù wù bin nzwil o, a tshùa ndùlala o ke nkô i ngô ntù o fa mba zwiag so fa, ntôg ndùlala njôge.

Nebwôgte 6:4

Ju' me Israél! Tshùaben Nsi be b'a nda' Nsi tù' i.

Nebwôgte 6:5

O nsi ke kô Tshùaben Nsi o njoṅ ntù o fa, njoṅ zwiag so fa mba njoṅ yu neta fa.

Héber 8:10

Tshùaben tshob ndù: Tshù kàn se me nsi wat bag ndà Israél, ngelaṅ tshen lé'njù là nsi tôg là: Me nsi yab ntshù' màm ntùm nkwatenu mube, me nsi kit'é ntùm ntù tshobe; me nsi be Nsi yub, bo be nzwil àm.

Yakobo 2:8

Ndùlala a be ze bin ze ntshù' mfen, mb'a be ntùm ṅwa'ni Nsi là: Ke nkô mèn z'a ghebte mbaṅ o là mb'o num nkô tu wul o là, mba bin ghù a bwô.

1 Yohané 3:18

Bon tshàm, kà bag à bin ghù nkôni à ntùm ntshobe, mba num lém, là ntùm mfa' mba ntùm nenùne.