Lukas 10:22 - NTSHOB NSI

²² Tàa lo fà njoṅ tshu fa me; sàm mèn ke' lèn mèn ze Mén be yi là, mb'a nda' Tà; sàm mèn ke bèn ndèn mèn ze Tà be yi là, mb'a nda' Mén, mba mèn ze Mén kô nela't'é yi là.

Lukas 10:22 Iomraidhean Croise

Matio 11:25

Num yen ngelaṅ nà, Yésu tshob men ntshob li ndù: Me nyàmt'o me Tà, Tshùaben ba mfe kamànyam mba ba mànsi, wù z'o lem tshen nu li num miag ghazenu boa ghakwanu, nda'te be nda' bônke' là.

Matio 11:27

Tà lo fà njoṅ tshu fa me; sàm mèn ke' lèn Mén, mb'a nda' Tà; sàm mèn ke bèn ndèn Tà, mb'a nda' Mén, mba mèn ze Mén kô nela't'é yi là.

Matio 28:18

Là Yésu se' mbaṅ bo ntshob men ntshob li bo ndù: Nsi fà njoṅ ngù' fa me fe kamànyam mba num nsitsha'a.

Yohané 1:18

Sàm mèn ke' yoṅ nto' yen Nsi; a b'a nkwi Mén Nsi ntshù' z'a be num ndàntù Tà là, a b'a yi bèn nto't'é.

Yohané 10:15

Be ndaṅndaṅ mba Tà lèn àm, mba me yàm bèn ndèn Tà là, me fà yôg sàm num njùmbwe.

Yohané 13:3

Yésu be lèn ndù Tà lo fà njoṅ tshu fa ntùm mbu mi, ndù a fe à Nsi, mbèn nke nèn tèl à Nsi,

Yohané 17:10

Njoṅ tshu tshàm fa b'a tsho; njoṅ tshu tsho fa b'a tshàm, nkuni màm à tswite wul i num bo.

Yohané 17:2

Mb'o na' mfà ngù' yi num njoṅ benntùn fa, ndùlala ndù njoṅ i fa ts'o fà yi là, a fà yôg matmat bo là.

Yohané 17:26

Me lo ghù bo lèn lén so, me nsi bèn ghù bo lène, ndùlala ndù nkôni z'o kô àm yi là be num bo, mba me yàm be num bo.

Yohané 17:5

Ndonni, wù Tà, kuni àm mbaṅ tu wul o lèn nkuni mi me ghù mbaṅ o, kà njù njôg mbe là.

Yohané 3:35

Tà num nkô Mén; a fà njoṅ tshu fa ntùm mbu mi.

1 Korintô 15:24

yen nà nsi be tôge, a b'a miagt'é, ngelaṅ z'a nsi ba' nufen Tàab Nsi là. A nsi bwôgmbwe bagte njoṅ netô fa, njoṅ ngù' fa, mba njoṅ neta fa,

2 Korintô 4:6

Nummbe Nsi z'a tshob ndù: Nka' ké' ntùm njam nà, lo ké' ntùm ntù tshage, ndù nelèn nkuni Nsi z'a be num se Kristô là tswite wul i.

Efésô 1:21

nte i mfe tù num njoṅ netô fa, njoṅ ngù' fa, njoṅ neta fa, njoṅ tshùaben fa, mba njoṅ ndèn fa mi bo tswi, ke b'a nda' ntùm yen njù li, mba ntùm z'a nsi se' là.

Héber 2:8

o ma' njoṅ tshu fa tun nku mi. A ma' njoṅ tshu fa tun nku mi, yen nà b'a ndù Nsi ke' faṅ sàm ju ke ma' tun nku mi. Là ndonni, bag à bin ke' yoṅ njen mba Nsi ma' njoṅ i fa tun nku mi là.

1 Yohané 5:20

Là bag à bin lèn ndù Mén Nsi se'e, a fà zenu be ndù be lèn mèn nenùne; bag à bin b'a num mèn nenùne, num Mén i Yésu Kristô, a yi bèn mbe Nsi nenùne, mba yôg matmat.

2 Yohané 1:9

Mba we lo z'a nèn ngùanesà, ke ghô ntùm netswite Kristô là, ke' ghù Nsi; mèn z'a ghô ntùm yen netswite là là, ghù Tà mba Mén.