Tshùaben, o b'a ze nenywinte Israél. Njoṅ benntùn fa tse bo ghua' o là nsi b'a ntùm tuswe. Tuswe nsi ko ben tse bo tsin ngùanesà mbaṅ o là, nummbe bo lo mbaṅ Tshùaben z'a be tumnsi ntse yôg là.
Bu àm lo nsi num ghatshob ntshob Nsi tse tshob njem b'a tse banban, ntshob mub be be mi tatte là; bo ke nsi be netèt mbumte yàm nzwit mèn. Bo ke nsi kite lén sob mum ṅwa'ni tunndà Israél. Bo ke nsi tsho mum ngô Israél. Yen ngelaṅ nà bin nsi lèn ndù me b'a Tshùaben Nsi.
Mikaél nsi lo nsi num yen ngelaṅ nà. A b'a mfen ndùb z'a be ntsin mbaṅ yu nzwit mèn nà. Yen ngelaṅ nà nsi b'a ze nge', lèn nge' z'a ke' to' be, tà nse' nkum sènni, fe mba ngô be là. Nzwil o nsi tum ntshu vù yen ngelaṅ nà, benntùn tshen nà tse bo nsi tèt ndèn mub mum Ṅwa'ni là.
Mbe se' mba Mén mèn nà, a nèn à ndaṅndaṅ mba bo na' nkite num i là, là nge' tu mèn yen nà ze bo nsi tshùa njam i kà swèn Mén mèn nà. A lo bwô yen mèn nà ndù kà bo bwe i mba nebwe.
Ṅ, me bètt'o, wù ko' nshunfa' àm ndù o ywimte tshen bènnzwi là; bo lo le' ntsho num nu nkùn mebwô, bag à bo mba Klément mba tsemo' shun fa' tshàm tse ndèn mub be ntùm ṅwa'ni yôg là.
Nyàm z'o yen nà lo be, a ke' bèn mbe; a nsi tum ntùm ghem njam nsi, nèn ntùm nebi, ba ntùm njù tse bo ke' kite ndèn mub ntùm ṅwa'ni yôg fe ngelaṅ nenabte njù là, nsi be yen nyàm tshàme, nummbe a lo be, a ke' bèn mbe, mbe ndù a ke nsi bèn be.
Me yen fe ben, tse ndùb mba tse nke'e, ndù bo tsinte tù mbwe ko'fen. Me yen ba ṅwa'ni ndù bo gha' nte nge, mo' ṅwa'ni gha' nte nge, a b'a ṅwa'ni yôg. Bo tsho'te fe ben, mba we lo num mfa' mi, mba bo kite ntùm ṅwa'ni là.