Lukas 10:2 - NTSHOB NSI

² ntshob bo ndù: Tshu netsho' yàm, là ghafa' b'a metsili; bin le'te tàfa' ndù a tum tsemo' ghafa' ntùm dù' fa' se.

Lukas 10:2 Iomraidhean Croise

1 Fenfen 18:22

Elia tshob ngô ndù: Me tù' à tù' me netèt ghatshob ntshob Nsi Tshùaben. Tshù, ghatshob ntshob Nsi Baal num nsen ni ntu bon tàn nkù kuà.

Yobkwi 68:11

Ben tsho lo lo' dù'ntswe yub ntùm ngô z'o na' ntshùa njam bwôntù o nabte ghayennge' là.

Yérémia 3:15

Me nsi fà ghatshagte zin à mb'a ko' ntù àm nà. Bo nsi tshagte zin à ntùm mebwô bo zenu.

Sakaria 11:17

Nge' tu ngabéb mbwe z'a ke' lèn ju là, a be ngua' njùmbwe tse. A bwô ndù ṅwi tsho mum mbu mi mba mum lag se se zwim. A bwô ndù bu i jume, lag se se zwim bi.

Sakaria 11:5

tshen mbwe tse ghajun yub be nzwite yub mèn ke tshob sàm nu là; ghaswèn yub be nke ntshob ndù: Ghamte be Tshùaben, nummb'a ghù me be ngankàb! Tshen mbwe là ghabéb yub ke' be tshètte yube.

Nesiaṅe 11:17

M'a' swe' bwe ntshob nu wù. Me nsi nèn num Ywèt z'a be num o là, nsô metsili bwe, nso num bo, bin à bo nsi tamte ket lèt netshagte benntùn, a ke bèn mba ju neket tù' wù.

Nesiaṅe 11:29

Mosé tshob yi ndù: O tù' bèn nja ntù num yàm tu ké? Njoṅ benntùn fa lo ntù' ghatshob ntshob Nsi, mba Tshùaben so ywèt tse num bo.

Matio 20:1

Nummbe nufen kamànyam fut'a mo' tàndà z'a tum nkebnjù num nelo' ghafa' ntùm nà i là.

Marko 13:34

A b'a ndaṅndaṅ mba mo' mèn z'a be nèn nkatte, mfaṅ ndà i, mfà ngù' bônke' tse, mfà mba se fa' we lo, ntshob ngabéb nzendà ndù a zi tshùalo là.

Marko 16:15

A tshob bo ndù: Bin nèn ntùm njoṅ njù fa, ntshob nkùn mebwô njoṅ benntùn fa.

Marko 16:20

Bo nèn, ntshob nkùn mebwô ntùm njoṅ dù' fa. Tshùaben nke mfa' bo à bo, mfà neta ntùm ntshob Nsi mi bo ke ntshob là, ntshùa njam nsà ts'a ke ntum bwe là.]

Lukas 9:1

Yésu tsiaṅ tse ntshob bàa gham, mfà neta mba ngù' netô njoṅ ywètkebwô fa bo, mba neyate ngokèt;

Mfa' Ghantum 11:19

Fètfèt tse bo na' nsate fe ngelaṅ bo tsho' nku mub kebàn num nu Etiènne nà, nèn ntùm dù' nzenze tà nkum mà Fénikia, Kiprô, mba Antiôkia. Bo tshob nkùn mebwô be nda' ba Yuda.

Mfa' Ghantum 13:2

Ngelaṅ bo ke mfa' fa' Tshùaben, mbèn nke ntswe nziku' là, Ywèt Nelàn tshob bo ndù: Bin sô Barnaba mba Saulo, njab me num fa' se me na' ntsiaṅ yub bwe là.

Mfa' Ghantum 13:4

Bo tse Ywèt Nelàn na' ntum yub là swe' nèn mà Selekia, ntsho kenu nèn Kiprô.

Mfa' Ghantum 20:28

Bin lôte tu wut tsin mba bwoṅ njùmbwe ze Ywèt Nelàn yab zin ghalôte netèt bwe num nebéb ntse'te ben Nsi z'a na' ndo' à be kua' lem tse ntse'te yi là.

Mfa' Ghantum 22:21

A tshob me ndù: Tam manze, nummbe m'a' tum o ngùanesà ju ghakelèn Nsi.

Mfa' Ghantum 8:4

Fètfèt tse bo sate là nèn ntùm dù' nzenze, nke nsa nkùn mebwô ntshob Nsi.

1 Korintô 12:28

Ntùm ntse'te benkristô, Nsi lo yab tsemo'o: Mbwe i, mba ghantum nà; mbatte bàa, mba ghatshob ntshob Nsi là; mbatte tat, mba ghatswite là; mbèn njab tsemo' mba ghaghù nsà, ghayate ngokèt, ghaywimte, ghatshagte mba ghatshob ntshob nzenze là.

1 Korintô 15:10

Là, a tshùa num kondèn Nsi me be ju me be là; kondèn z'a be num àm nà ke' b'a banban, me fa' ntshùa njoṅ yub fa, ke b'a me, là kondèn Nsi ze bag yi be là.

2 Korintô 6:1

Ndùlala, mba bag b'a shunfa' tse là, bag tshwèt ntagte zin ndù kà bin kwé kondèn Nsi à banban.

Filipi 2:21

Nummbe njoṅ yub fa ke ndiag à ko' tshob tshu, ke b'a tse Kristô.

Filipi 2:25

Là me lo yen ndù a bwô netum Epafrôditô, mfèl àm, nshun fa' àm, nshun ntsho àm, ze bin tum i ndù a fa' me ntùm ngùtni àm nà, bin.

Filipi 2:30

Nummbe a lo ghebte mbaṅ vù num fa' Kristô, njôg ghua' yôg se, ndùlala ndù a zwiagte ju z'a tsi num fa' se bin ke mfa' me là.

Kolosé 1:29

A b'a ju ze me num mfa' bwe, nke nde' ntsho njam neta i z'a num mfa' num àm neta là.

Kolosé 4:12

Epafra ze la' bin tsha'te zine; a b'a nkuan Kristô Yésu; a num nde' ntsho ntùm le'te Nsi njoṅ ngelaṅ fa, ndù bin tsin mba ben tse bo bwô miagte, ngô ntùm njoṅ ze nekô Nsi fa là.

1 Tésalônikà 2:9

Fèt tshag, bin kwimte fa' sage, mba ngùtni yag: Bag lo be tshob nkùn mebwô Nsi bin, nke mfa' tèttswe' mba mbwôgtshù ndù kà bag be lèt sàm mèn netèt bin.

1 Tésalônikà 5:12

Fèt tshag, bag le'te zine, bin ghù nkwate num ben tse bo tshwèt mfa' netèt bin, tse bo be ghakwé mbwe bin num Tshùaben, nke ntagte zin nà.

2 Tésalônikà 3:1

Fèt tshag, ndonni bin le'te Nsi num tu bag, ndù ntshob Tshùaben nèn mbwe, mbe neghamte mb'a be la' bin nà,

1 Timôtio 4:10

A num ndùlala ze bag à bin num mfa'a, nke nde' ntsho, nummbe bag à bin tshwèt nywinte num Nsi z'a be ntùn, z'a b'a ngayôg njoṅ benntùn fa, njôg mbe tse bo bam nà.

2 Timôtio 4:5

Là tu wul o, zete num njoṅ tshu fa, fènte nukebwô, fa' fa' ngatshob nkùn mebwô, ghù so fa' dune.

Filémon 1:1

Me Paulo, ngandàtsha Kristô Yésu, mba Timôtio mfèl àm. Yen ṅwa'ni li b'a ze Filémon ze nkôni, nshun fa' yag,

Héber 3:6

là Kristô b'a ngatô ndà i mba mén nà. Ndà i b'a be, a be ze bag à bin tshùb fènntù mba nenywinte, nta'nsoṅ be, kua' mebwô tà nèn miagte là.

Apokalipse 2:1

Kite Angél ntse'te benkristô Efésô: Tshù ju ze mèn z'a tshùb nsa sammbàa ntùm bu i ze zwim, nke nzin netèt ndambo sammbàa tshob li: