Lukas 10:16 - NTSHOB NSI

¹⁶ Mèn z'a ju' zin nà, mb'a ju' àm, mèn z'a ghua' zin nà, mb'a ghua' àm; mèn z'a ghua' àm nà, mb'a ghua' mèn z'a tum àm nà.

Lukas 10:16 Iomraidhean Croise

Netume 16:7

a nsi be nkebnjù bin yen nkuni Tshùaben, nummb'a ju' mba bin tshobte tun ntô num i là. Mba bag là, bag b'a ba we kà bin nke ntshobte tun ntô num bag à?

Netume 16:8

Mosé ke ndiag netshob à ndù: Ndùse Tshùaben nsi fà mbàb mfetnjù li bin fèle, fà bàn bin nkebnjù ndamnjù là, mb'a b'a nummbe a ju' mba bin tshobte tun ntô num i là. Mba bag là, bag b'a ba we? Bin ke' tshobte tun ntô à num bag, là bin tshobt'a num Tshùaben.

Malashi 1:6

Nshum be ngù nku'ni tàab, ngafa' ghù nku'ni tàfa' i. A be ze me b'a tà là, mba nku'ni z'a lo mbwô bin ghù me là yà? A be ze me b'a tàfa' là, mba bwôg z'a lo mbwô ndù bin bwôg àm yi là yà? Tshùaben tàndà ntsho tshob ghale'te Nsi ndù: Bin be ngwag lén sàm, nke ntshob ndù: Bag wag lén so à num zit nu à?

Nesiaṅe 14:11

Tshùaben tshob Mosé ndù: Tshen ben ni nsi wag àm tà nkum à ndùke? Bo nsi tsin negha àm à ndùke? Mba mba me la'te ndèn netèt bo yàm nà à?

Nesiaṅe 14:2

Njoṅ bon ba Israél fa tshob Mosé bo Aron ndù: Bag na' nkwù à ntùm ngô Egipto mb'a lo bwô yage, ke nekwù mba num kônkwa lo.

Nesiaṅe 16:11

Ndùlala, bèn ngù, kà yu tu wut bin à bwoṅ benntùn tsho, nke nkutte se' kam Tshùaben. Aron b'a we kà bin nke ntshobt'é à?

Matio 10:40

Mèn z'a lo' zin nà lo' àm; mèn z'a lo' àm nà, lo' mèn z'a tum àm nà.

Matio 18:5

Mèn z'a nsi lo' mo' metsit ménfi mba yen ni num lén sàm nà, mba ng'é lo' à me.

Marko 9:37

Mèn z'a nsi lo' mo' metsit mén netèt tshen ni num lén sàm nà, mba ng'é lo' à me; mèn z'a lo' àm nà, mb'a ke lo' à me, là mb'a lo' à mèn z'a tum àm nà.

Lukas 9:48

Mèn z'a nsi lo' yen metsit ménfi li num lén sàm nà, mba ng'é lo' à me. Mèn z'a nsi lo' àm nà, mb'a ke ndo' à mèn z'a na' ntum àm nà. Metsit mèn z'a be netèt njoṅ zin fa là bèn mbe mèn ndùb.

Yohané 12:44

Yésu kua' ntshob ndù: Mèn z'a bam àm nà, mb'a ke' bam à me, là mèn z'a tum àm nà.

Yohané 12:48

Mèn z'a ghua' àm, ke kwé ntshob màm nà, ghù mèn z'a tsho't'é là, ntshob mi me tshob là, a yi nsi bèn tsho't'é num miagte lé'njù.

Yohané 13:20

Kua' nenùne, kua' nenùne, me tshob bin ndù: Mèn z'a lo' mèn ze me nsi tum i là, lo' àm; là mèn z'a lo' àm nà, lo' mèn z'a tum àm nà.

Mfa' Ghantum 5:4

Mba nà na' mb'a yu là, o lo ke ku'ni nelé' i ké? Ngelaṅ z'o bèn nswèn nà, o ke ku'ni nelo' nkàb i fa ké? Numk'o yab yen lèn nu là ntùm ntù o à? O ke' tatt'a benntùn, o tatt'a Nsi.

Galatia 4:14

Ntùm laṅte ze ngokèl àm yab zin bwe là, bin lo ke wag àm, ke kél àm, là bin lo lo' àm mba Angél Nsi là, mba Kristô Yésu là.

1 Tésalônikà 4:8

A ndùlala, mèn z'a wag là, ke wag à mènntùn, là, a wag à Nsi, yi z'a so Ywèt tse tse Nelàn num bin nà.