Lukas 10:11 - NTSHOB NSI

¹¹ Bag bé'te mba mbab mi a ṅab num nku mag ntùm ngô zin nà, mfaṅ bin. Bin yôg nendèn ndù nufen Nsi à ghebte.

Lukas 10:11 Iomraidhean Croise

Ezékia 2:5

Ke bo ju' wù ke bo ke ju' lo, mba mba bo nsi lèn ndù ta' ngatshob ntshob Nsi num netèt bo. Me lèn kua' ndù bo b'a nzwit ghatatu.

Matio 10:14

Mèn z'a ke' lo' zine, ke bèn nju' ntshob min nà, bin tum ntùm yen ndà là, ke ntùm yen ngô là lo, mbe tum mbé'te mbab num nku mine.

Matio 10:7

Bin be zin num manze nke ntshob ndù nufen kamànyam à ghebte.

Matio 3:2

ntshob ndù: Bin kaṅ ntù tsine, nummbe nufen kamànyam à ghebte.

Marko 6:11

A be ze mo' dù' ke' lo' zine, benntùn ke bèn nju' ntshob min nà, bin tum ntùm yen dù' là, mbé'te mbab mi a ṅab tun nku min nà, ndù a be ju nekwé nta bo.

Lukas 10:10

Mba zit ngô lo bin nsi tsho bwe bo ke lo' zin nà, bin tum nèn dù' ntse'te be là, ntshob ndù:

Lukas 10:9

bin yate ghangokèt tse bo nsi be bwe là, ntshob bo ndù nufen Nsi à ghebte mbaṅ bin.

Lukas 9:5

Ben tse bo gha nelo' zin nà, bin tum ntùm ngô yube, mbé'te mbab num nku mine; a nsi be ju nekwé nta num bo.

Mfa' Ghantum 13:26

Fèt tshàm, bon nzwit Abraham mba bin tse bin num mbwôg Nsi là, bo na' ntum ntshob sen yôg li à be.

Mfa' Ghantum 13:40

Bin bam nà ndù kà nu ze bo na' ntshob ntùm ṅwa'ni ghatshob ntshob Nsi là tshùb zine.

Mfa' Ghantum 13:46

Paulo mba Barnaba tshob bo kua' ndaṅndaṅ ndù: A lo bwô ndù bag bwôgmbwe ntshob ntshob Nsi à bin; là mba bin tshwèt nga ntshob Nsi, nke ndo' wut tsin mba bin ku'ni num yôg matmat là, tshù, ndonni bag tù' nèn tshag tèl à ghakelèn Nsi,

Mfa' Ghantum 13:51

Bo bé'te mbab num nku mub num bo, ndo nèn mà Ikônia.

Roma 10:21

Mbe se' mba Israél là, a tshob ndù: Njoṅ lé'njù fa, me lo nyit mbu màm, num nzwil àm z'a ke' bam nu àm, z'a be ngatshabte là.

Roma 10:8

A ke ntshob à ndùke? Ntshob b'a mbaṅ o, ntùm ntshu o mba ntùm ntù o. Yen nà b'a ntshob bamntù mi bag num ntshob là.

Héber 1:3

a b'a nkô nkuni Nsi mba mfuni tu wut Nsi, a num nket njoṅ tshu fa ntshob mi mi neta; a lo be miagte nelànte nukebwô, ntswe num bag bu Nsi ze zwim mfe tù;