Lukas 1:79 - NTSHOB NSI

⁷⁹ ndù a ké' num ben tse bo tswe ntùm njam mba netshaṅ vù là, mbèn ntshagte nku be ntùm manze fite.

Lukas 1:79 Iomraidhean Croise

ṄWA'NI YOB 10:22

Ngô ze dù' sènte bwe kua' neshu là. A bwe là ze netshaṅ vùkob se ka, va' tam tu' là. Nelàn ke ntù' fute ts'a njam ntùm yen ngô là.

ṄWA'NI YOB 3:5

A bwô ndù njam bo netshaṅ vùkob kab mbu num sen lé'njù là. A bwô ndù ndot se ka num i, tshu nesèn ts'a kuni là nyi't'é.

Yobkwi 107:10

Ben tse bo be ntswe ntùm njam mba dù' nesènte là, ba ghandàtsha ntùm nge' mba mum ntùne,

Yobkwi 107:14

A ghù bo tum ntùm njame, mba ntùm dù' nesènte, a kebte nkù tshobe.

Yobkwi 23:4

Ngelaṅ me tshwèt nzin ntùm bu'to' nesènte là, me ke bwôg sàm nukebwô, nummbe bag wù bèn mbe. Shua' so mba kôg so be ntswe'te ntù àm.

Yobkwi 25:12

A zit mèn z'a be mbwô Tshùaben à? Tshùaben be nda'te manze z'a nsi tsho' là yi.

Yobkwi 44:19

Ntù tshag ke' to' lo tse num o, nku mag ke' to' lo tse num yu manze.

Tànkùt 3:17

Tse manze zenu b'a tse mebwô, tse ntshagnze be tse fite.

Tànkùt 8:20

Me ke nzin à num manze netsine, num ba manze ndaṅndaṅ.

Esaya 42:16

Me nsi ghù ba mfùmiag zin num manze ze bo ke' lèn nà. M'a' lo' yub ntshùa yi num ntshagnze tse bo ke' lèn nà. M'a' lo' njam ts'a mbwe bo là nkaṅ nelàn yi. M'a' kaṅ dù' ts'a ṅatte l'a tù' tômbo'o. Tshù ju ze me nsi ghù là. Me ke nsi ghua' yube.

Esaya 42:7

ndù o gha' miag ba mfùmiag, ngù ba kuan tum ndàtsha, ngù ben bo num ntswe ntùm njam nà tum ntô.

Esaya 48:17

Tshùaben, ngatshu' o, Mèn Nelàn Israél, a b'a me Tshùaben Nsi o z'a tshwèt nzi't'o, ndù o tshùa num bwe njù bin nà. Me ke ntshagt'o à num manze z'a bwô ndù o zin bwe là.

Esaya 48:22

Fite ke nsi be ghatshùagntù. Tshùaben bèn ntshobe.

Esaya 49:6

A bèn ntshob me ndù: Mb'o be ngafa' àm, num nebù'te nzwit Yakob mba nelo' tshé' Israél bèn yi njam nà ke' yoṅ nku'u. Me yab o ndù o be nka' nelàn ngôngô, ndo' yôg sàm nèn yi num ntôg njù.

Esaya 49:9

O nsi tshob ba kuan ndù bo tume! Tshob ben bo be ntùm njam nà ndù bo se'e! Be nsi ke fèt num manze, bo nsi tèt nenà num njoṅ nkônga fa.

Esaya 59:8

Bo ke' lèn tshob manze fite, nunetsin ke tse num tshob manze. Bo ke ntshùb yub à ntshagnze mi a ṅu'te là. Mba we lo z'a zin bwe là ke zi ndèn fite.

Esaya 9:2

Wù Tshùaben, o ghù ngô yàm neshu, o bam yi ndù a be ntùm tsiaṅte. A tshwèt ntsiaṅte mbwe o mba bo num ntsiaṅte num ngelaṅ netsho' tshu là, nke ṅwate mba bo num ṅwate num ngelaṅ neghabte ntsha' ntsho là.

Yérémia 2:6

Bo ke' bètte tu wut yub ndù: Tshùaben b'a yà? A yi na' ndo' yag nko' yi Egipto, ndo' yag nzin yi kônkwa, num tsha' njum, ze ntô yàm bwe là. Num tsha' ts'a ghage, tse netshaṅ vùkob be bwe là, num tsha' dù' ze sàm mèn ke' be tshùa bwe, sàm mènntùn ke be tswe bwe là.

Yérémia 6:16

Tshù mba Tshùaben tshob li: Bin tsin num ba manze, ndôte. Bin bètte njwèn ntshagnze; bin yen manze ntùn z'a bwe là, ntam num yen nà, bin nsi fon fite bwe mum ntù tsine. Là, bo bùnte ndù: Bag ke nsi zin num yen manze là.

Matio 4:16

benntùn tse bo ke ntswe ntùm ngô mba ntùm netshaṅ vù là, yen mà làne ndùb.

Lukas 2:32

A b'a nka' z'a nsi lànte miag ghakelèn Nsi, mbe nkuni ben tsho ba Israél là.

Yohané 1:9

A na' mb'a kua' nka' nenùne, z'a num nké' njoṅ benntùn fa bo se' ntùm njù là.

Yohané 12:46

Me se' ntùm njù à mba nka' là, ndù mba we lo z'a bam àm nà k'a ghô ntùm njame.

Yohané 8:12

Ndùlala Yésu bèn ntshob bo mo' yoṅ i ndù: Tu wul àm, me b'a nka' njù, mèn z'a tam njam àm nà ke nsi zin ntùm njame, là, a nsi ghù nka' yôg.

Yohané 9:5

Mba me ke' à ntùm njù là, me b'a nka' njù.

Mfa' Ghantum 10:36

Yen ni b'a ntshob mi Nsi na' ntum bon Israél ngelaṅ a ke ntshob nkùn fite njam Yésu Kristô bo là: A b'a Tshùaben njoṅ benntùn fa.

Mfa' Ghantum 26:18

negha' miag mub ndù bo kaṅ ntù tshob ntum ntùm njam nse' ntùm nelàne, ntum ntùm neta Satan, ntam njam Nsi, mbam àm, nkwé nelagte nukebwô tshob mbèn nkwé ntsi' netèt ben tse Nsi lànte yub là.

Roma 3:17

bo ke' lèn manze fite.

Efésô 5:8

A lo be ngelaṅ mbwe bin b'a njame, là ndonni bin b'a nka' num Tshùaben, bin zin mba bon nka' là,