Lukas 1:78 - NTSHOB NSI

⁷⁸ Yen nà b'a kua' kondèn Nsi, a se' nelôte be mba lagnyam nkebnjù z'a tum mfe tù là;

Lukas 1:78 Iomraidhean Croise

Yobkwi 25:6

Tshùaben, kwimte kondèn o mba bwôntù o, nummbe bo tswe matmat.

Esaya 11:1

Tshù, mo' ta' bu tù nsi tum num Isaï, mo' tob tù bit num nga tse.

Esaya 42:16

Me nsi ghù ba mfùmiag zin num manze ze bo ke' lèn nà. M'a' lo' yub ntshùa yi num ntshagnze tse bo ke' lèn nà. M'a' lo' njam ts'a mbwe bo là nkaṅ nelàn yi. M'a' kaṅ dù' ts'a ṅatte l'a tù' tômbo'o. Tshù ju ze me nsi ghù là. Me ke nsi ghua' yube.

Esaya 63:15

Tsin mfe kamànyam, mfe dù'ntswe o ze nelàne, ze nekuni njen me Nsi! Nkôni o bo ngù' o b'a yà? Nekù ntù z'o na' ngù num bag là tsin. Bag ke' bèn mbe ju' ntshùa kondèn o mbaṅ bag.

Esaya 63:7

Me nsi soṅ kondèn Tshùaben, soṅ ghamte Tshùaben, soṅ à ndaṅndaṅ njoṅ mfi' mb'a ghù num be là. Me nsi tshob nu num bwôntù ndùb z'a ghù num tunndà Israél là. Nummb'a ghù yi à mfi' mba kondèn i bo fu' nkôni yi Tshùaben be yi là.

Sakaria 3:8

Ndùlala ju' me Yoshua ngale'te Nsi ze ndùb, wù mba shunfa' tsho tse bo tswete mbwe o là! Tshù, me nsi ghù ngafa' à se'e. Bin b'a Nzwit. Bin b'a keki ze nese'e.

Sakaria 6:12

O nsi tshob yi ndù: Tshù ju ze Tshùaben tàndà ntsho tshob li: tshù mèn ze lén se be “Nzwit li”. Tshu nsi bit num ntshùa mi. A nsi kut ndà Tshùaben;

Nesiaṅe 24:17

Me yen i, là a ke' b'a num ndonni. Me tshwèt ndôt'é, ke yoṅ ngebte, mo' sa maṅwù tum ju Yakob, kôg nesa' ngô yi bèt ntum ze Israél. Nke nyute nge' ba Moab fa mbèn mbiagte nshumnshum Set fa.

Yohané 3:16

Nummbe Nsi lo kô njù neshu, kà mfà nkwi Mén i ntshù' ndù mba we lo z'a bam i là, k'a bi, là ndù a ghù yôg matmat.

Efésô 5:14

Njoṅ ju fa ze nka' ké't'é là b'a nka', a ndùlala, a tshob ndù: Wù z'o tshwèt nzi là, bame, lo netèt fe ben, Kristô nsi ké't'o.

Filipi 1:8

Nummbe Nsi b'a yàm nkwénta mba me num nkù ntù num njoṅ zin fa ntùm nkù Kristô Yésu là.

Filipi 2:1

Ndùlala, a be ze nefitentù be num Kristô, a be ze netsho'te lèt be ntùm nkôni, a be ze netamte be ntùm Ywèle, a be ze ntù kondèn be là,

Kolosé 3:12

Ndùlala, bin Nsi tsho' zine, bin ben nelàn mba tse Nsi kô zin nà, bin ma' kondèn, bwôntù, nefà wut nsi, fite, fènntù num bin,

2 Pétro 1:19

Bag à bin ghù ntshob ghatshob ntshob Nsi mi a ta là, bin ghù a bwô mba bin nèn mbaṅ bwe là, a b'a lambo s'a tshwèt nké' ntùm dù' nesènte tà nkum ngelaṅ lé'njù nsi se'e, nsa nkebnjù tum ntùm ntù tsin nà.

1 Yohané 3:17

A be ze mèn ghù tshu yen njù li, njen mfèl i ntùm bwoṅ, mfùn ntù i mbwe i là, mba nkôni Nsi nsi ghô num i à ndùke?

Apokalipse 22:16

Tu wul àm Yésu, me lo tum à Angél àm ndù a kwé nta tshen tshu là ts'a be num ntse'te benkristô là bin. Me b'a nga nzwit David, sa nelàn se nkebnjù.