Lukas 1:76 - NTSHOB NSI

⁷⁶ Wù ménfi, bo nsi ke tsiaṅ o ndù ngatshob ntshob Nsi mfe tù, nummbe o nsi ke nzin mbwe Tshùaben, num nenabte manze tse;

Lukas 1:76 Iomraidhean Croise

Yobkwi 87:5

Bo tshob num Sion ndù: A b'a mà, nummbe bo bwe njoṅ benntùn fa à bwe. A b'a Nsi z'a be mfe tù là bèn nte nkul i.

Malashi 3:1

Tshù, me nsi tum ngantum àm; a nsi nabte manze mbwe àm. Be ndùse Tshùaben ze bin be ndiag i là nsi tsho ntùm ndà i. Tshù ngantum kàn ze bin be nkô là z'a se' là, Tshùaben tàndà ntsho bèn ntshobe.

Matio 14:5

Hèrodé lo ke ndiag nezwi i, là nke mbwôg benntùn, nummbe bo ke ndo' Yohané à mba ngatshob ntshob Nsi là.

Matio 21:26

Là, a be ze be bèn netshob ndù: A fe à benntùn nà, bag bin bwôg bwoṅ benntùn, nummbe njoṅ benntùn fa ke ndo' Yohané à mba ngatshob ntshob Nsi là.

Matio 3:11

Tu wul àm, me ke nyu' zin à ntùm ntse ndù bin kaṅ ntù tsine; là mèn z'a tshwèt nse' njam àm nà ta ntshùa àm, me ke' ku'ni neket nketo' mi. Tu wul i nsi nyu' zin à ntùm Ywèt Nelàn mba mbwôge.

Matio 3:3

A yi ze Esaya ngatshob ntshob Nsi na' ntshob ndù: Nze mèn kua' mà kônkwa ntshob ndù: Bin nabte manze Tshùaben, ndate bon manze tse, ngù a tsine.

Marko 11:32

Là, a be ze be bèn netshob ndù: A fe à benntùn nà, bo bwôg bwoṅ benntùn, nummbe njoṅ benntùn fa ke ndo' Yohané à mba kua' ngatshob ntshob Nsi là.

Lukas 1:32

A nsi be mèn ndùb, bo nsi ke ntsiaṅ i ndù Mén Nsi mfe tù. Tshùaben Nsi nsi fà diaṅ tàab David yi.

Lukas 1:35

Angél bùnte, ntshob yi ndù: Ywèt Nelàn nsi se' num o, neta mfe tù kabt'o netshaṅ i. A nsi tshùa ndùlala, kà bo tsiaṅ mén nelàn nà z'o nsi bwe là ndù Mén Nsi.

Lukas 6:35

Mba bin nà, bin kô ghakeban tsine, ngù numebwô, mbèn mfo ke nywinte nekwé sàm ju, ndùlala ndù ntsho'fa' min se' mbe mi ndùb, bin bèn mbe bon Nsi mfe tù; nummbe a num nkô ghakelèn numebwô mba ghatshùag.

Yohané 1:23

A tshob ndù: Me b'a nze mèn z'a tshwèt nkua' num kônkwa là, bin late manze Tshùaben mba Esaya ngatshob ntshob Nsi na' ntshob là, ngù a tsine.

Yohané 1:27

A tshwèt nse' njam àm, me ke' ku'ni tshàm neké'te nkù nketo' mi.

Yohané 3:28

Tu wut tsin b'a ghakwénta màm ndù me lo tshob ndù: Me ke b'a Kristô, là bo lo tum àm mbwe i.

Mfa' Ghantum 16:17

A tam njam bag, nke nkua' ntshob ndù: Tshen ben ni b'a kuan Nsi mfe tù, bo ke nsoṅ zin à nze yôg. A ghù ndùlala lé'njù yàme.