Lukas 1:7 - NTSHOB NSI

⁷ Bo lo ke ghù mén, nummbe Elisabèt na' mb'a kebwe, ntu tshob bàa fa bèn njwène.

Lukas 1:7 Iomraidhean Croise

Neto'te 17:17

Abraham vù nsi kabkab nzwi i, ntshob ntùm ntù i ndù: Be mandum z'a ghù ngu'njù nkù là bwe mén mandum ké? Be Sara z'a ghù ngu'njù ṅam bwe'e là bèn mbwe ké?

Neto'te 18:11

Abraham bo Sara lo ywène, ngu'njù tshob nèn mbwe neshu. A lo be be ndù Sara ke' bèn neyen ṅwù.

Neto'te 25:21

Isak bu' mbu Tshùaben num tu nzwi i, nummb'a na' mb'a kebwe. Tshùaben ju' yi. Rébéka nzwi i jùm.

Neto'te 30:1

Rashél yen mba bo Yakob ke' bwe mén nà, nto' nete miag lànghe' num mfèl i Léa, ntshob Yakob ndù: Ghù me bwe bon bandum, ntag ndùlala mba m'a' kwù.

1 Fenfen 1:1

Mfen David lo ywène, ngu'njù tse nèn mbwe neshu. Bo kabt'é nzwe mfùag mba ndùke lo, wul i ke dumte.

2 Fenfen 4:14

Elisa bèn ntshob ndù: Kua' ke ze be bo ghù yi di à? Guéhazi tshob ndù: Yen mb'a ke' ghù nshum, ndu i ne mbèn njwène.

Lukas 1:5

A lo be ngelaṅ Hèrodé mfen Yudéa, mo' ngale'te Nsi be bwe, lén se Sakaria, num ntshufa' Abia: Nzwi i tum ntùm nzwit ngonngon Aron, lén se Elisabèt.

Lukas 1:6

Ntu tshob bàa fa na' mb'a ben netsin mbwe Nsi, mbèn nke nze ntshù' mba ntag Tshùaben ke fànte.

Lukas 1:8

A lo be num mo' lé'njù, Sakaria nke mfa' fa' nele'te Nsi, nummbe a lo kum num ze ntshufa',

Roma 4:19

A lôte wul i z'a tù' nekwù là nummbe a lo ghù nguan ngu'njù nkù, mbèn ndôte bam Sara s'a kwù là, là ke bot ntùm bamntù i,

Héber 11:11

Njam bamntù, mba Sara lo ku'ni neto'te nzwit, mba ngu'njù tse tôgte là, nummbe a lo lo' mèn z'a bù nka'ni l'a mba mèn nenùn nà.

1 Samuél 1:2

A lo ghù bènnzwi bàa, lén mo' be Ana, se mo' be Peninna, Peninna lo ghù bon, là Ana ke ghù.