Lukas 1:68 - NTSHOB NSI

⁶⁸ Ghamte be Tshùaben Nsi ba Israél, mb'a se' ndôte mbèn ntshu' ben tse,

Lukas 1:68 Iomraidhean Croise

Neto'te 14:20

Ghamte be Nsi z'a tà mfe tù, z'a fà ghakeban tsho ntùm mbu mu là. Abram ghabte njoṅ ntsha' fa nze gham, mfà nze ntshù' Mélkisédék.

Neto'te 24:27

Ntshob ndù: Ghamte be Tshùaben, Nsi tàfa' àm Abraham; a ghù bwôntù i num tàfa' àm, mbèn mbe mèn nenùn yi. A Tshùaben bèn ntshagt'àm num manze tà nèn nkum ndà fèt tàfa' àm.

Neto'te 9:26

Mbèn ntshob mba ndù: Ghamte be Tshùaben, Nsi Sém, a bwô ndù Kanaan be nkuan Sém.

1 Fenfen 1:48

Mfen bèn ntshob mba ndù: Ghamte be Tshùaben, Nsi Israél z'a fà njùndà àm me sènni num diaṅkwa sàm, mbèn mbam me ndù me yen i yàm nà.

1 Fenfen 8:15

A tshob ndù: Ghamte be Tshùaben, Nsi Israél, ze tu wul i na' ntshob nu tàa David ntshu i là. Tu wul i tshwèt nzwiagte yen nka'ni là ntùm neta nke ntshob ndù:

1 Kronika 29:10

David nyàmte Tshùaben mbwe njoṅ mbumte fa, ntshob ndù: Bag nyàmt'o wù Tshùaben Nsi tà yag Israél matmat.

1 Kronika 29:20

David tshob mbumte fa ndù: Bin nyàmte Tshùaben, Nsi zin. Mbumte nyàmte Tshùaben, Nsi tà tshobe. Bo vù nsi nte nkekwi' mub nsi mbwe Tshùaben mba mbwe mfen.

Yobkwi 106:48

Ghamte be Tshùaben, Nsi Israél, fe ndùke lo tà nèn nkum mba ndùke lo. Njoṅ ze nzwit mèn fa nsi tshob ndù: Amén! Aléluya! Ghamte be Nsi.

Yobkwi 111:9

A lo tum netshu' ze nzwit mèn; a lo kite kàn se matmat, lén se b'a se nelàne, se nekuni.

Yobkwi 130:8

A b'a yi nsi mbèn tshu' Israél num njoṅ nukebwô tse fa.

Yobkwi 41:13

O lo tomt'àm nummbe me b'a mbu'u. O nsi te àm mbwe o yoṅ ntshù'.

Netume 4:31

Ngô bam yen nu là. Ndùse bo ju' ndù Tshùaben lo lo nsi netshètte ze njam bon Israél, mba ndù a yen nge' yub là, bo vù nsi kabkab, ngamt'é.

Lukas 1:71

A kwé be mbu ghakeban be, mba mbu ben tse bo num mbàn be là.

Lukas 19:44

Bo nsi bagt'o, wù bin à bon tsho ts'o ghù là, ke bèn mfaṅ mo' loṅ num mo'o, nummbe o ke' lèn ngelaṅ yen nà ze Nsi se' nelôt'o là.

Lukas 2:38

Mba yi lo se' num yen ngelaṅ nà, ngamte Nsi, ntshob nu njoṅ benntùn fa tse bo ke mbéb netshu' Yérusalém nà, mfà num i.

Lukas 24:21

Bag lo ke nywinte ndù a b'a yi z'a nsi tshu' ba Israél là; tshù, a b'a mbatte lé'njù tat li mba tshen nu là tshùa là.

Lukas 7:16

Bwôg tshùb njoṅ yub fa, bo nke ngamte Nsi ntshob ndù: Mo' ngatshob ntshob Nsi ze ndùb se' netèt bag; Nsi se' ndôte ben tse.

Efésô 1:3

Ghamte be Nsi mba Tà Tshùaben be Yésu Kristô, z'a naṅ njoṅ mbotni Ywèt fa ts'a mfe kamànyam nà num be, num Kristô là.

Efésô 1:7

Bag à bin ghù netshu' num i njam lem tse, ngù nelagte mfànnu be njam kondèn i ze ndùb,

Héber 9:12

a tsho ntùm dù' nelàn ntshùate yoṅ ntshù' num njoṅ yoṅ tse fa, ke tshùa njam lem mfot mbwe mba mfotmfô, là, a tshùa njam ko' tse lem, mfon netshu' z'a tswe yoṅ ntshù' là.

1 Pétro 1:3

Ghamte be Nsi mba Tà Tshùaben be Yésu Kristô: Ntùm kondèn i ze ndùb, a lo bèn mbwe be njam nelo num vù Yésu Kristô ndù be ghù nenywinte z'a be ntùn nà,

1 Samuél 25:32

David tshob Abigail ndù: Ghamte be Tshùaben Nsi Israél z'a tum o mbwe àm sènni là!