Lukas 1:6 - NTSHOB NSI

⁶ Ntu tshob bàa fa na' mb'a ben netsin mbwe Nsi, mbèn nke nze ntshù' mba ntag Tshùaben ke fànte.

Lukas 1:6 Iomraidhean Croise

Neto'te 17:1

Ngelaṅ ze Abram kum ngu'njù ntshob bwe'e ṅam bwe'e là, Tshùaben ṅwag mbaṅ i ntshob yi ndù: Me b'a Nsi Nganeta ntshùate, ke nzin mbwe àm, mbe kelo'.

Neto'te 6:9

Tshù tshô Noa li: Noa na' mb'a mèn netsine, mèn mebwô netèt benntùn tse bo be num ze ngelaṅ nà. Noa lo ke nzin à bo Nsi.

Neto'te 7:1

Tshùaben tshob Noa ndù: Tsho ntùm sitima, wù mba njoṅ tunndà o fa. Nummbe me yen ndù o lo be mèn netsine mbwe àm num yen zwiaṅ njù li.

1 Fenfen 15:5

Nummbe David lo ghù à be nu ndaṅndaṅ num miag Tshùaben, ke lo' mvèn i ntam ta' kàn se yi mba ntshù' num njoṅ yôg se fa, kà ntag nda' nu Uria ze Hit.

1 Fenfen 9:4

Tu wul o, a be z'o ke nzin mbwe àm à mba tàan David na' nke nzine, ntùm nenùne, bo ntù ndaṅndaṅ, nke ngù ju ze me tshob là, a be z'o ze ntshù' màm bo ntag màm nà,

2 Fenfen 20:3

Wù Tshùaben, kwimte ndù me lo zin num miag mu ntùm neju' ntshu, ntùm nefà wut nsi ntùm ntù. Bèn nkwimte ndù me lo ghù numebwô num miag mu! Ezékia fètte ntsenyà kua' yàme.

2 Kronika 17:4

nummb'a tam à njam Nsi tàab, nzin à ntùm ntag mi, ke fi'te tse Israél num mba ke lo.

ṄWA'NI YOB 1:1

Mo' mandum lo be ntùm ngô Uts, lén se Yob, mandum nà na' mb'a mèn netsine, mbe mèn ndaṅndaṅ. A lo ke mbwôg Nsi, nke ndo' mvèn i ntam nukebwô yi.

ṄWA'NI YOB 1:8

Tshùaben bètte Satan ndù: o yen ngafa' àm Yob ké? Mfuni mi ke tse num nsitsha'a. A b'a mèn ndaṅndaṅ, nke mbwôg Nsi, mbèn nke ndo' mvèn i ntam nukebwô yi.

ṄWA'NI YOB 9:2

Ṅ, me lèn ndù a b'a kua' ndùlala. Be mènntùn tum mèn netsin mbwe Nsi à ndùke?

Yobkwi 119:6

Ndùlala mba tuswe ke nsi ko àm ngelaṅ me nsi lôte ntshù' mu là.

Lukas 1:7

Bo lo ke ghù mén, nummbe Elisabèt na' mb'a kebwe, ntu tshob bàa fa bèn njwène.

Lukas 16:15

A tshob bo ndù: Bin b'a ben tse bo num ndo' wut tshob mba ben netsin num miag benntùn nà, là Nsi lèn ntù tsine! Ju z'a b'a ze ndùb mbwe benntùn nà, a num mb'a ṅu' mbwe Nsi.

Lukas 2:25

Tshù, mo' mèn lo be Yérusalém, lén se Siméon z'a na' mbe mèn netsine, nke mbwôg Nsi, nke mbéb ngafite ntù ba Israél, Ywèt Nelàn be num i là.

Mfa' Ghantum 2:25

Nummbe David num ntshob num i ndù: Me lo ke njen Tshùaben mbwe àm njoṅ ngelaṅ fa, nummbe a b'a num bu àm ze zwim, ndùlala ndù kà sàm ju nyi't'àm.

Mfa' Ghantum 23:1

Paulo te miag num ntse'te ghatsho'te ntsha, ntshob ndù: Fèt tshàm, nzentù àm ze mebwô tshwèt nsoṅ àm ndù me zin mbwe Nsi mba ménla' là tà nkum sènni.

Mfa' Ghantum 24:16

Ndùlala me num nkagtùn njoṅ ngelaṅ fa neghù à be ntù z'a ke' fàn nu mbwe Nsi mba mbwe benntùn nà.

Mfa' Ghantum 8:21

O ke' ghù yu bag i ke bèn ngù ntsi' ntùm yen nu li, nummbe ntù o ke' tsin mbwe Nsi.

Roma 8:4

ndùlala ndù a ghù nunetsin ze ntshù' num mbètte là bumte num be tse be ke' bèn nke nzin à num ze mat mbàb wut là, num ze mat Ywèt là.

1 Korintô 11:2

Me num nyàmte zin nummbe bin num nkwimt'àm num njoṅ nu fa, nke ndé' tshu nezi'te ndaṅndaṅ mba me na' ntswite zin yi là.

2 Korintô 1:12

Nta'nsoṅ mag b'a kwénta mi nzentù tshag num mfà bag, ndù bag tshwèt njôg ntùm njù ntùm nelàn mba nenùn Nsi, njôg mbe mbwe bin, ke b'a ntùm zenu mbàb wut, là ntùm kondèn Nsi là.

Nebwôgte 5:33

Bin zin a kua' num manze ze Tshùaben Nsi zin kite bin nà. A nsi tshùa ndùlala bin yôge, mbe mebwô, ntswe'njù min bèn ntènte ntùm ngô ze me nsi fà bin, a tù' zin nà.

Filipi 2:15

ndùlala ndù bin be ke lo', mbe nelàne, ntù' bon Nsi tse lo' ke num bo là netèt zwiaṅ ben kebwô mba ben neṅu'te, tse bin num nké' netèt bo mba nka' ntùm njù,

Kolosé 1:22

a lo tshùa njam vù se, ntamte zin ndonni num wut mbàb wul i, ndù bin be tsin mbwe i, mbe nelàne, kelo', ke nukebwô lo,

1 Tésalônikà 3:13

Tshùaben fà tànntù ntùm ntù tsine, ngù bin be ke lo' ntùm nelàne mbwe Nsi, Tà be, ngelaṅ Tshùaben be Yésu nsi se' ntùm nkuni mi boa njoṅ ben tse tse nelàn fa là.

2 Pétro 3:14

Fèt tshàm tse nkôni, ndùlala bin be béb yen nà, nkagtùn ndù Nsi tèt zin ke ṅu'u, kelo', ntùm fite.

1 Yohané 2:29

A be ze bin lèn ndù a b'a mèn netsin nà, bin lèn ndù mba we lo z'a ghù nunetsin nà, mb'a bèn mbwe i.

1 Yohané 2:3

A be ze bag à bin ze ntshù' mi là, mba bag à bin lèn ndù be lo lèn i.

1 Yohané 3:7

Bontsit bon tshàm, kà sàm mèn tatte zine. Mèn z'a be ngù nunetsin nà b'a mèn netsine; ndaṅndaṅ mba yen mèn nà be mèn netsin nà.