Lukas 1:51 - NTSHOB NSI

⁵¹ A la'te neta bu i, nsate benntùn tse bo ke nkote wut ntùm nkwatenu ntù tshob là,

Lukas 1:51 Iomraidhean Croise

Neto'te 11:8

Ndùlala Tshùaben sate yub num njoṅ nsitsha' fa, bo tsin ke bèn nekut ngô.

Neto'te 6:5

Tshùaben yen ndù nukebwô mènntùn tshwèt njàm num nsitsha'a, nkwatenu ntù i nke mbe be mi kebwô njoṅ ndù fa.

Neto'te 8:21

Tshùaben fit ywèt tse, a bwô i, a tshob mum ntù i ndù: Me ke nsi zi bèn so ndon num tsha' a num mènntùn, nummbe nkwatenu ntù mènntùn b'a mi kebwô fe mônke'; me ke nsi bèn biagte njoṅ tshu fa tse me na' nabte mba me lo neghù là.

Yobkwi 118:15

Tshu'te tshùa ntsho mba ze tsiaṅte tum ntùm ntàb ben netsine: Bu Tshùaben ze zwim fa' mfa' ndùbndùb.

Yobkwi 33:10

Tshùaben be nsate nkwatenu ngôngô, mbiagte njabnu benntùn.

Yobkwi 52:9

Tshù mèn z'a na' mbe ke ke ndo' Nsi mba ngabéb i, nke njab ntù i num màmà mfu' mi, nke mbe ngatshùa ntsho ntùm nukebwô i là.

Yobkwi 63:5

Ndùlala me nsi ke ghamt'o njoṅ ngelaṅ fa me tshwèt njôg là. Me nsi ke bù' mbu màm tù num lén so.

Yobkwi 89:10

O be nkôgte ko'te wut dibantse. Ngelaṅ ze ntu'ntse ke mfe là, o kôgte yube.

Yobkwi 89:13

O lo nabte bag tu mba bag ntèn. Tabor mba Hermon be ntsiaṅte num lén so.

Yobkwi 98:1

Bin yob kwi nswe mfà Tshùaben! Nummb'a ghù mfa' nekuni, bu i ze zwim mba bu i ze nelàn ywimt'é.

Netume 18:11

Ndonni me lèn ndù Tshùaben lo b'a mèn ndùb ntshùa tsemo' nsi fa, nummbe Nsi la'te ndùlala ndùse bo ke ngùtni zin nà.

Esaya 40:10

Tshù Tshùaben Nsi là z'a tshwèt nse' à bo ngù' là; a tshwèt ndo' bu i nsa' yi. Bo nkàbfa' bèn mbe, mbe ndù nevù ntsha nsi b'a njam bwe.

Esaya 51:9

Bu Tshùaben, bame, bam num miaglo! Bam mb'o na' nke mbam num tsemo' lé'njù, mbwembwe là, mum ngu'njù ts'a tswe neshu là. A ke b'a wù na' mbèn nkôg Egipto mfà nsi ké? A ke wù na' mbèn nsobte ngamnyu ké?

Esaya 52:10

Tshùaben bù' bu i ze nelàn nsi num miag njoṅ ngôngô fa, mbe ndù njoṅ ntôg tsha' fa nsi yen yôg s'a fe Nsi be là.

Esaya 63:12

A lo tshagte Mosé bu i ze zwim, bu i ze nekuni. A lo keb ntse mbwe bo, ndù a ghù lén se ghô matmat.

Yérémia 49:15

Nummbe me nsi ghù o tù' metsil o netèt ngôngô, bo ke ngwag o netèt benntùn.

Daniel 4:37

Ndonni me Nébukanetsar, me tshwèt nyàmte, nke ndabte, nke ngamte mfen kamànyam. Njoṅ mfa' mi fa mba njoṅ tse manze fa b'a netsine. A ghù nekôg ben tse bo be nzin mum ko'tewut là ma' nsi.

Roma 1:21

Nummbe mba mba bo lèn Nsi là, bo ke' ghamt'é mba Nsi là, ke labt'é, là nkwatenu mub lo' yub nèn yi num tshu banban, ntù tshob tse kagni sènte ntùm njame.

2 Korintô 10:5

bag num nsate nkwatenu, mba ko'tewut ts'a num ntsin tù, ntshètte nelèn Nsi là, bag num ma' njoṅ nkwatenu fa ndàtsha ndù bo ju' ntshu Kristô,

Nebwôgte 4:34

Mo' nsi bwe ndù a to' se' lo' mo' nzwit mèn netèt mo' nzwit mèn njam laṅte, ba keki, ba nsà boa ntsho nele'e, ze bu i ta, nyit, njam ba nu netshàm boa fétwut là ké? Tshùaben Nsi zin lo ghù njoṅ tshen tshu là fa num miag min Egipto.

1 Pétro 5:5

Be ndaṅndaṅ, benkristô, bin fà wut nsi mbwe ghakwé mbwe. Njoṅ zin fa ke mfà wut nsi bin bin, nummbe Nsi be ntshètte ghako'tewut, là, a num mfà kondèn ghafà wut nsi.

Apokalipse 18:8

A num ndùlala, ntùm ta' lé'njù ntshù', nge' nsi se' num i, vù, ntsenyà mba nziku'u, bo ton i ntùm mbwôge; nummbe Tshùaben Nsi z'a tsho't'é là b'a mèn neta.