Lukas 1:48 - NTSHOB NSI

⁴⁸ Nummbe a te miag mi num mbwoṅ nkuan i ze mènnzwi. Tshù, lo sènni njoṅ nzwit benntùn fa nsi ke tsiaṅ àm ndù mènfen.

Lukas 1:48 Iomraidhean Croise

Neto'te 30:13

Léa tshob ndù: Me b'a ngafen, nummbe ngonngon nsi tsiaṅ àm ngafen ndonni. A tswi lén se ndù Aser.

2 Samuél 7:8

Ndonni tshob ngafa' àm David ndù: Tshù ju ze Tshùaben tàndà ntsho tshob li: Me lo lo' o tshwèt, njam ba mbwe, ndù o be mfen yàm nzwit mèn Israél;

Yobkwi 102:17

ngelaṅ Tshùaben a' bèn kut Sion nà, a nsi ṅwag bwe mum nkuni mi.

Yobkwi 136:23

Yi z'a na' nkwimte be ngelaṅ be na' ngwù nsi là, nummbe kondèn i be ntswe matmat.

Yobkwi 138:6

Tshùaben b'a tà mfe tù, a be njen ghafà wut nsi. A be ntsin ngùanesà ndèn ghako'tewut.

Yobkwi 72:17

A bwô ndù lén se be njoṅ ndù fa. A bwô ndù lén se be njoṅ ndù fa ze lagnyam ke' ntum nà; benntùn nsi tshùa njam i yab kàn bo bo. Njoṅ ngôngô fa nsi tshob ndù a b'a mènfen.

Esaya 66:2

Mbu màm bèn nabte njoṅ tshen tshu là fa. Njoṅ i fa be ntùn à mba me bèn nkô là. Tshùaben bèn ntshobe. Tshù mèn ze me nsi te lag num i li: A b'a num mèn z'a tshwèt njen nge', ndù ntù i bot, a nke mvètte mbwe ntshob màm nà.

Malashi 3:12

Tshùaben tàndà ntsho tshob ndù: A be ndùlala mba ngôngô nsi tsiaṅ zin ghafen, nummbe bin ke mfa' à mum ngô ze ntàm fù' mebwô be bwe là.

Lukas 1:28

Angél be kum mbaṅ i ntshob ndù: Me tsha't'o, wù ze Nsi fà kondèn i wù là; bin Tshùaben bèn mbe.

Lukas 1:42

A kua' mfà nz'é tù ntshob ndù: O b'a ngambotni netèt bènnzwi, ntàm bam so b'a ntàm mbotni.

Lukas 1:45

Ngafen b'a mènnzwi z'a bam ndù tshu tse Tshùaben tshob yi nsi bumte là.

Lukas 1:49

Nummbe a ghù tshu ndùbndùb num àm, yi Nsi nganeta, lén se b'a nelàne,

Lukas 11:27

Ngelaṅ a ke ntshob tshen nu li là, mo' mènnzwi tshob kua' mà neta netèt bwoṅ benntùn ndù: Ngafen b'a bam sen nà s'a na' nkel o mba mbùn men nà mi a nyô o là.

1 Samuél 1:11

A ghù nka'ni ntshob ndù: Tshùaben tàndà ntsho! A be z'o bame, ntam lag num sobni ngafa' o ze mènnzwi là, a be z'o kwimt'àm, ke lag ngafa' o me ze mènnzwi, a be z'o fà ta' mén mandum ngafa' o me là, mba m'a' yab i ntùm fa' so wù Tshùaben njoṅ ngelaṅ fa z'a nsi ke' ntùn nà, ke bam ndù shua' zi ntshùa tu i.

1 Samuél 2:8

A num nsô mbwoṅ ntùm mbabe, nsô njennge' ntùm bwembwôge, ngù boa ben ndùbndùb tswe nsi; a fà ta' diaṅkwa ghamte bo; nummbe ntom tsha' b'a mbu Tshùaben,