Lukas 1:37 - NTSHOB NSI

³⁷ Nummbe sàm nu mba ntshù' ke' be tshùa Nsi.

Lukas 1:37 Iomraidhean Croise

Neto'te 18:14

Mo' ju ze b'a tshùa Tshùaben nà num bwe ké? Be kua' num sen lé'njù li, num yen ngelaṅ njù li, me nsi bèn se' mbaṅ o, me nsi be se' ndù Sara ghù mén mandum.

1 Fenfen 17:16

Mbab bàn mi a be ntùm kab là ke mi, mfèt mi a be ntùm nda là ke sébte, ndaṅndaṅ mba Tshùaben na' ntshùa num ntshu Elia ntshob là.

2 Fenfen 3:18

Yen nà ke b'a mo' ju num miag Tshùaben, nummb'a nsi fà Moab ntùm mbu mine.

ṄWA'NI YOB 13:2

Ju ze bin lèn nà, mba me yàm lène. Bin ke' tshùa àm num sàm nu.

Yérémia 32:17

Ah! Tshùaben Nsi, a b'a wù bèn nabte kamànyam bo tsha'a, ntshùa à njam ngù' o ze ndùb bo bu o z'o nyit là. Mo' nu netshàm ke tse num yu bag i.

Yérémia 32:27

me b'a kua' Tshùaben, Nsi njoṅ benntùn fa. Mo' ju bwe z'a be me nke ntshàm nà ké?

Sakaria 8:6

Tshùaben tàndà ntsho tshob ndù: A be ze yen nu là be ze netshàm num miag tshé' yen nzwit mèn ni, mum tshen lé'njù là là, mb'a nsi be nu netshàm num miag màm ké? Tshùaben tàndà ntsho bèn mbètte.

Nesiaṅe 11:23

Tshùaben tshob Mosé ndù: Bu Tshùaben vôg neshu ké? O nsi yen ndonni mba ntshob màm nsi bumte num o là, ke nga lo.

Matio 19:26

Là Yésu te miag num bo, ntshob bo ndù: Yen nu là tshùa à benntùn, là Nsi ku'ni neghù njoṅ nu fa.

Marko 10:27

Yésu te miag num bo, ntshob ndù: Yen nu li tshùa à benntùn, a ke' tshùa Nsi, nummbe Nsi ku'ni neghù njoṅ nu fa.

Lukas 1:36

Tshù Elisabèt mèn ntùm tunndà o z'a b'a mba njwèn mènnzwi là, jùm mén mandum; a ndonni ṅwù ntôge, yi ze bo ke ntsiaṅ i kebwe là.

Lukas 1:38

Maria tshob ndù: Me b'a nkuan Tshùaben, a ghù num àm mb'o tshob là, Angél lo mbaṅ i nène.

Lukas 18:27

A bùnte ndù: Ju z'a num ntshùa benntùn nà ke' be tshùa Nsi.

Filipi 3:21

z'a nsi kaṅ wut nge' be, a tù' wut nkuni mi, num neta z'a ku'ni neghù a tô njoṅ tshu fa là.