Lukas 1:35 - NTSHOB NSI

³⁵ Angél bùnte, ntshob yi ndù: Ywèt Nelàn nsi se' num o, neta mfe tù kabt'o netshaṅ i. A nsi tshùa ndùlala, kà bo tsiaṅ mén nelàn nà z'o nsi bwe là ndù Mén Nsi.

Lukas 1:35 Iomraidhean Croise

ṄWA'NI YOB 14:4

We z'a ghù nesô ju nelàn ntùm ze kelàn à? Sàm mènntùn ke bwe.

ṄWA'NI YOB 15:16

Kà njôg mbe se' mènntùn, mèn kebwô z'a bag neshu là! Mènntùn ke mi mfàn nu à ndaṅndaṅ mb'a num mi ntse là!

ṄWA'NI YOB 25:4

Be mènntùn tum mèn netsin num Nsi à ndùke? Be mèn ze mènnzwi bèn mbwe i là tum mèn nelàn mbwe i ké?

Yobkwi 2:7

Me nsi bu' keka' tshob ntshù' Tshùaben. A tshob me ndù: O b'a mén àm. A me bèn mbwe o sènni.

Yobkwi 51:5

Nummbe me lèn mfànnu màm. Nukebwô àm ke mb'a be mbwe njoṅ ndù fa.

Matio 1:18

Tshù mba bo bwe Yésu Kristô li: Maria màab na' mb'a nzwi Yosèf, ke bo ndu i yoṅ ntswe ndà, a be jùm ntshùa num neta Ywèt Nelàne.

Matio 1:20

Ngelaṅ z'a ke nkwate yen nu là là, mo' Angél Tshùaben ṅwag yi ntùm njem, ntshob ndù: Yosèf mén David, kà bwôg nelo' Maria, nzwi o la' o. Nummbe mén z'a lét là fe à Ywèt Nelàne.

Matio 14:33

Ben tse bo be ntùm kenu là se' ngwù nsi mbwe i, ntshob ndù: Kua' nenùne, o b'a Mén Nsi.

Matio 27:54

Là tà ba soyé mba ben tse bo à bo ke mbéb Yésu là be yen mba tsha' nyi'te mba tshu ts'a tshùa là, mbwôg neshu, ntshob ndù: Kua' nenùne, yen mèn ni na' mb'a Mén Nsi.

Matio 4:3

Ngalaṅte se' ntèl i, ntshob yi ndù: A be z'o b'a Mén Nsi là, o tshob ndù men ndoṅ ni kaṅ ntù' bàn.

Marko 1:1

Neto' nkùn mebwô Yésu Kristô, Mén Nsi,

Marko 1:24

ntshob ndù: Ke z'o ghù ntùm yag nu, Yésu ze Nazarèt? O se' à nebagte yag ké? Me lèn mèn z'o be yi là: O b'a mèn nelàn z'a fe Nsi là.

Lukas 1:27

mbaṅ mo' ménngon ze mo' mèn ntùm tunndà David, lén se Yosèf na' nka i là. Lén ménngon nà be Maria.

Lukas 1:34

Là Maria tshob Angél ndù: Yen nu li nsi bumt'a ndùke, mba me ke' yoṅ ndèn mandum n'à?

Lukas 1:36

Tshù Elisabèt mèn ntùm tunndà o z'a b'a mba njwèn mènnzwi là, jùm mén mandum; a ndonni ṅwù ntôge, yi ze bo ke ntsiaṅ i kebwe là.

Yohané 1:34

Mba tu wul àm lo yene, me lo kwé nta ndù yen mèn ni b'a Mén Nsi.

Yohané 1:49

Natanaél bùnte yi ndù: Rabbi, o b'a Mén Nsi. O b'a mfen ba Israél.

Yohané 20:31

là bo na' nkite tshen tshu li à ndù bin bam ndù Yésu b'a Kristô, Mén Nsi, mba ndù bin be bam i, ngù yôg num lén se.

Mfa' Ghantum 8:36

Mba bo ke nèn num manze là, bo kum mbaṅ ntse, njabmfenkun tshob ndù: Tshù ntse li, ke z'a tshwèt mbèn ntshètte ndù k'o nyu' àm ntse à? [

Roma 1:4

num mat Ywèt Nelàne, Nsi yab i Mén i ntùm neta ntshùa num nelo num vù;

Galatia 2:20

A ke b'a me bèn mbèn nke njôge, là, a b'a Kristô z'a tshwèt njôg num àm nà. Ndonni, me ke njôg à ntùm mbàb wut, mbèn nke njôg à ntùm bamntù num Mén Nsi z'a kô àm, mbèn mfà tu wul i num tu àm nà.

Efésô 2:3

mba bag yag lo be netèt tshen ben nà, njoṅ yag fa lo ke njôg ngelaṅ mbwe ntùm ba ghe'te mbàb wut yag, nke ngù tshu tse mbàb wut mba nkwate nukebwô kô là, ntùm neyene, mba bag yag na' mb'a bon yantù mba tsemo' ben nà.

Héber 4:15

Nummbe ngale'te Nsi ze ndùb ze bag à bin ghù là ku'ni neyen nge' bag à bin ntùm ze be nebole; bo lo laṅt'é num njoṅ tshu fa, nummbe a lo b'a mba be là kà ntag nda' nukebwô.