Tshùaben tshob ndù: Tsemo' lé'njù bwe nse'e, tse me nsi ghù ta' nzwit netsin tum num David là. A nsi be mfen, lo' zenu kà tô yi. A nsi ghù nunetsin ntùm ngô bo nu ndaṅndaṅ.
Nsi nsi tsho' mo' nufen num ze ngelaṅ tshen fenfen nà, ze mo' ju ke nsi sat'é là; mo' nzwit mèn mba ntshù' ke nsi tô i. Tu wul i nsi be'te, biagte tshen nufen nà, tswe tse kua' matmat.
Ngelaṅ ze Nsi yab là lo ku'u, me Nébukanetsar me bù' miag màm mfe kamànyam, nkwate bèn nse' me. Me nyàmte Nsi z'a tà mfe tù là, me le'te, ngamte mèn z'a tswe matmat, mèn ze ze netô tswe matmat, mèn ze ze nufen tswe ngu'ngu' là.
Yen nà lo be tshùa mfen Darius kite njoṅ nzwit benntùn fa, njoṅ ngôngô fa mba njoṅ ntshob fa, tse bo be ntswe num njoṅ nsitsha' fa là, ntshob ndù: A bwô ndù mà fite ndùb be bin!
Nesa'a, netô, bo ze nezi njoṅ nufen fa ts'a tun bam kamànyam nà, nsi tù' à ze nzwit ben nelàn tse bo be tse Nsi z'a mfe tù là. Ze nesa' b'a nesa' z'a tswe matmat là; njoṅ ghatô fa nsi fa' yi bèn ju' ntshu i.
Nummbe bag à bin bèn mbe nesi ket ze nenùne, be tse be num mfa' ntùm Ywèt Nsi là, be tse be num nta' nsoṅ num Kristô Yésu, be tse be ke' be nywinte num mbàb wut là.
