Lukas 1:32 - NTSHOB NSI

³² A nsi be mèn ndùb, bo nsi ke ntsiaṅ i ndù Mén Nsi mfe tù. Tshùaben Nsi nsi fà diaṅ tàab David yi.

Lukas 1:32 Iomraidhean Croise

2 Samuél 7:16

Tunndà o bo fen so nsi ghô matmat, diaṅkwa so bèn ngum nsi matmat.

Yobkwi 132:11

Tshùaben lo tshob nsaṅlaṅ bwe David; a b'a nenùne, a ke nsi gha yen nu là. Me nsi lo' mén à num mèn z'a tum zwe' o là kà yab num ko'fen s'a be so là.

Yobkwi 132:12

A be ze bon tsho tse bandum tshùb kàn sàm, mba ntshù' mi me nsi zi'te yub yi là, mba bon tshob tse bandum mba yub tu wut nsi tswe num ko'fen so matmat.

Esaya 16:5

Diaṅkwa nsi ta nsi njam bwôntù. Mo' ngatsho'te, nshun nu ndaṅndaṅ, ngakô nunetsin nsi tswe num diaṅkwa là yàme, ntùm ndà David.

Yérémia 17:25

mba fenfen boa bon mfen tse bo nsi tswete num diaṅkwa David, ko' num nkalig boa ba nyàmdiaṅe, bo boa tàndà ntsho tshobe, ba Yuda boa ba Yérusalém nà, nsi ke tsho num ba nzendà tusô. Bo nsi tswe ntùm sen tusô là matmat.

Yérémia 22:2

Wù mfen Yuda, z'o be num diaṅkwa David là, wù bin ben tsho, mba ngô, bin tse bin be ntshùa num tshen nzendà din nà, bin ju' ntshob Tshùaben.

Daniel 2:44

Nsi nsi tsho' mo' nufen num ze ngelaṅ tshen fenfen nà, ze mo' ju ke nsi sat'é là; mo' nzwit mèn mba ntshù' ke nsi tô i. Tu wul i nsi be'te, biagte tshen nufen nà, tswe tse kua' matmat.

Matio 1:1

Ṅwa'ni tunndà Yésu Kristô, mén David, mén Abraham.

Matio 12:42

Mfen ze mènnzwi z'a fe mà ntèn nà, nsi ghù lo tù ntùm ndàntsha boa yen zwiaṅ benntùn ni, ghù a vù ntsha, nummbe a lo fe mo' bag njù, nse' neju' zenu Salomon. Tshù, mo' mèn nsen ni ndù a tshùa Salomon.

Matio 28:18

Là Yésu se' mbaṅ bo ntshob men ntshob li bo ndù: Nsi fà njoṅ ngù' fa me fe kamànyam mba num nsitsha'a.

Matio 3:11

Tu wul àm, me ke nyu' zin à ntùm ntse ndù bin kaṅ ntù tsine; là mèn z'a tshwèt nse' njam àm nà ta ntshùa àm, me ke' ku'ni neket nketo' mi. Tu wul i nsi nyu' zin à ntùm Ywèt Nelàn mba mbwôge.

Marko 14:61

Là Yésu mi ntswe, ke bùnte sàm nu. Ngale'te Nsi ze ndùb bèn mbètt'é, ntshob ndù: Wù, o b'a Kristô, mén ngambotni ké?

Marko 5:7

nkua' neta, ntshob yi ndù: Ke z'o ghù ntùm yàm nu, Yésu Mén Nsi mfe tù? Me bu' mbu wù num lén Nsi, kà ghùtni àm!

Lukas 1:15

Nummbe a nsi se' b'a mèn ndùb mbwe Tshùaben, ke nu ndu' bo nka, Ywèt Nelàn nsi dun num i fe bam màab.

Lukas 1:35

Angél bùnte, ntshob yi ndù: Ywèt Nelàn nsi se' num o, neta mfe tù kabt'o netshaṅ i. A nsi tshùa ndùlala, kà bo tsiaṅ mén nelàn nà z'o nsi bwe là ndù Mén Nsi.

Lukas 1:76

Wù ménfi, bo nsi ke tsiaṅ o ndù ngatshob ntshob Nsi mfe tù, nummbe o nsi ke nzin mbwe Tshùaben, num nenabte manze tse;

Lukas 3:16

Yohané bùnte ntshob njoṅ yub fa ndù: Yàm tu, me ke nyu' zin à ntse, là mo' mèn tshwèt nse' ndù a ta ntshùa àm; me ke' ku'ni neké'te nkù nketo' mi; tu wul i nsi nyu' zin à ntùm Ywèt Nelàne, mba mbwôge.

Lukas 6:35

Mba bin nà, bin kô ghakeban tsine, ngù numebwô, mbèn mfo ke nywinte nekwé sàm ju, ndùlala ndù ntsho'fa' min se' mbe mi ndùb, bin bèn mbe bon Nsi mfe tù; nummbe a num nkô ghakelèn numebwô mba ghatshùag.

Yohané 12:34

Ndùlala bwoṅ benntùn bùnte yi ndù: Bag lo ju' ntùm ntshù' ndù Kristô tswe yoṅ ntshù'. O ke ntshob ndù a bwô bo bù' Mén mèn tù à ndùke? Yen Mén mèn nà b'a we?

Yohané 6:69

bag lo bame, bag lo lèn ndù o b'a mèn nelàn z'a fe Nsi là.

Mfa' Ghantum 16:17

A tam njam bag, nke nkua' ntshob ndù: Tshen ben ni b'a kuan Nsi mfe tù, bo ke nsoṅ zin à nze yôg. A ghù ndùlala lé'njù yàme.

Mfa' Ghantum 2:30

Là, a na' mb'a ngatshob ntshob Nsi, ndèn ndù Nsi lo ka' yi, ntshob nsaṅlaṅ bwe ndù mo' mèn ntùm nzwil i nsi tswe num diaṅfen se,

Mfa' Ghantum 2:36

A bwô njoṅ ndà Israél fa lèn kua' nenùn ndù Nsi lo' yen Yésu li ze bin kwimt'é num fanta'tù là, ngù Tshùaben mba Kristô yi.

Mfa' Ghantum 7:48

Nda' ndù Tshùaben Nsi ke' be tswe ntùm mba' mi mbu benntùn bèn nkut là, ndaṅndaṅ mba ngatshob ntshob Nsi tshob là ndù:

Roma 1:4

num mat Ywèt Nelàne, Nsi yab i Mén i ntùm neta ntshùa num nelo num vù;

Apokalipse 3:7

Kite mba Angél ntse'te benkristô Filadélfia: Tshù ju ze mèn nelàne, mèn nenùne, mèn z'a ghù fùn David, mèn z'a be ngabe, mèn ke fùn, mfùne, mèn ke ghab, tshob là li: