Lukas 1:17 - NTSHOB NSI

¹⁷ Tu wul i nsi bwôgmbwe zin mbwe Tshùaben, ntùm Ywèt mba neta Elia, ndù a ghù ntù ba tà bèn njam ntùm zenu ben netsine, ndù a nabte nzwit mènntùn z'a ku'ni là njab Tshùaben.

Lukas 1:17 Iomraidhean Croise

1 Fenfen 17:1

Elia ze Tishbi, mo' ze Galad tshob Akab ndù: A tshùa num lén Tshùaben Nsi Israél ze me be ngafa' i là, me tshob ndù mbaṅ ke meme' lo ke nsi be num tshen ngu'njù li, ke be ndù me bèn ntshobe.

1 Fenfen 18:18

Elia bùnte ndù: Me ke tshwèt nkag va' ntùm ngô Israél. A ke b'a me, a b'a tu wul o bin tunndà tàan, nummbe bin ghua' nkàn Tshùaben, tu wul o tam njam ba Baal.

1 Fenfen 21:20

Ndùlala Akab tshob Elia ndù: Ngakeban àm, o bèn ntèl àm ké? Elia tshob ndù: Me bèn ntèl o nummb'o swèn wul o num neke ngù nukebwô num miag Tshùaben.

2 Fenfen 1:16

Elia tshob yi ndù: Tshù ju ze Tshùaben tshob li: mb'o tum ghantum ndù bo nèn mbètte Baal-Zebub nu mba Nsi ke ntùm ngô Israél ze be bo bètt'é nu là, o ke nsi lo num kunndà ngokèt s'o nô bwe là, nummb'o nsi kwù.

1 Kronika 29:18

Tshùaben, Nsi Abraham, Isak mba Israél, tà tshag, kà bam ntù yu nzwit mèn tsho' num o, ghù lèn men nkwate ntùn nà be ntù i.

2 Kronika 29:36

Ezékia bo ngô fa tsiaṅte mba Nsi na' mfà nelànte ntù ngô là, nummbe mba zit ju lo lo tôg à be kua' ndende.

Yobkwi 10:17

Tshùaben, o be nju' ju ze ben nebétni be nkô là, o be ntswe'te ntù yube; o be nkù' ntoṅ,

Yobkwi 111:10

Nebwôg Tshùaben b'a neto'te zenu. Ben tse bo be ngù ndùlala là ghù nkwate nelàne. Ghamt'é be ntswe matmat.

Yobkwi 78:8

Ke be mba tà tshobe, nzwit ke ju' ntshu mba ghatatu, nzwit ben tse ntù tshob na' mbe ke tàn, nzwit ben tse ntù tshob na' mbe ke be nenùn num Nsi là.

Esaya 29:24

Ba ntù ke tswe' nsi ghù zenu, ben bo ke nzwete tun tô là zi'te ndène.

Amos 4:12

Israél, me nsi ghù num o be ndùlala; là, a bwô ndù o nabte wul o bin Nsi o bumte me Israél!

Matio 11:14

A be ze bin kô nebam nà, mb'a b'a Elia z'a na' mbwô ndù a se' là.

Matio 14:4

Nummbe Yohané lo ke ntshob yi ndù: Ntshù' ke' bam ndù o so i.

Matio 3:3

A yi ze Esaya ngatshob ntshob Nsi na' ntshob ndù: Nze mèn kua' mà kônkwa ntshob ndù: Bin nabte manze Tshùaben, ndate bon manze tse, ngù a tsine.

Matio 3:4

Yohané lo ghù nzwe i ze bo lo' nyiaṅ kamél nabte yi là, mba kob ngub tun i; jujù i na' mb'a ngamntàn bo ṅwa'a.

Lukas 1:16

A nsi bèn ghù tsemo' bon Israél yàm bèn njam ntèt Tshùaben Nsi yub.

Lukas 1:76

Wù ménfi, bo nsi ke tsiaṅ o ndù ngatshob ntshob Nsi mfe tù, nummbe o nsi ke nzin mbwe Tshùaben, num nenabte manze tse;

Yohané 1:13

tse bo ke' bwe yub à lem ke nekô mbàb wut, ke nekô mènntùn lo, là tse Nsi bwe yub là.

Yohané 1:34

Mba tu wul àm lo yene, me lo kwé nta ndù yen mèn ni b'a Mén Nsi.

Yohané 3:28

Tu wut tsin b'a ghakwénta màm ndù me lo tshob ndù: Me ke b'a Kristô, là bo lo tum àm mbwe i.

Mfa' Ghantum 10:33

Ndùlala me yoṅ ntum yub mbaṅ o. O ghù a bwô mb'o se' là. Ndonni, njoṅ yag fa b'a mbwe Nsi neju' ju ze Tshùaben tshob wù ndù o tshob bag là.

Roma 9:23

a be z'a kô netswite nkuni mi mi ndùb num nkab kondèn mi a na' nabte num nkuni tà fe mbwe,

Kolosé 1:12

Bin fà ghamte Tà z'a ghù bin ku'ni neghù zin bag i ntùm ntsi' ben nelàn ntùm nka' là.

2 Timôtio 2:21

A be ze mèn sô tshen tshu kebwô là num i là, mb'a nsi be kab nku'ni nelàne, z'a ywimte tàndà là, kab ze bo nabt'é num njoṅ mfa' mebwô fa là.

1 Pétro 2:9

Là bin b'a nzwit ze Nsi tsho' là, ntshufa' le'te Nsi mfen, ngô nelàne, nzwit ben tse Nsi tse'te là, ndù bin tshob mfa' mebwô mèn z'a tsiaṅ zin ntùm njame, num nka'ni i ze neghamte là.

1 Yohané 2:28

Bontsit bon tshàm, ndonni bin ghô num i ndù a be ṅwage, bag à bin ghù fènntù, mba ndù kà tuswe ko be mbwe i ngelaṅ z'a nsi se' là.

Apokalipse 20:4

Me yen nko'fen, benntùn tswe num bwe, bo fà netsho'te ntsha bo; me yen ben bo wat tu tshob num nu kwénta Yésu, num nu ntshob Nsi là, ben tse bo na' mbe ke ghamte nyàm ke neto i lo, ke bèn nkwé lèn num nkonse yub mba num bu yub là: Bo bèn mbe ntùn, ntô boa Kristô num ngu' ntsha' mbùm.

1 Samuél 7:5

Samuél tsiaṅ ba Israél ntshob bo ndù: Bin tse'te Mitspa, m'a' le'te Tshùaben num tu bin.