Lukas 1:13 - NTSHOB NSI

¹³ Là Angél tshob yi ndù: Kà bwôg me Sakaria, nummbe Nsi ju' le't'o, nzwi o Elisabèt nsi bwe mén mandum wù, o tswi lén se ndù Yohané.

Lukas 1:13 Iomraidhean Croise

Neto'te 17:10

Tshù kàn se bin nsi ke ze netèt bin, wù bin nzwil o li: Bin a' ke si ket njoṅ bon bandum fa.

Neto'te 17:19

Là Nsi bèn ntshob ndù: A ke b'a ndùlala! Kua' nzwi o Sara nsi bwe mén mandum wù, o yab lén se ndù Isak. Me nsi wat kàn bag yi, wal à kàn s'a tswe matmat là, mba bag nzwil i.

Neto'te 18:14

Mo' ju ze b'a tshùa Tshùaben nà num bwe ké? Be kua' num sen lé'njù li, num yen ngelaṅ njù li, me nsi bèn se' mbaṅ o, me nsi be se' ndù Sara ghù mén mandum.

Neto'te 25:21

Isak bu' mbu Tshùaben num tu nzwi i, nummb'a na' mb'a kebwe. Tshùaben ju' yi. Rébéka nzwi i jùm.

Yobkwi 113:9

A be mfà ba' mènnzwi z'a na' mbe kebwe là. ndo' i ngù mà z'a be ntsiaṅte là yi netèt bon tse. Aléluya! Ghamte be Nsi.

Yobkwi 118:21

Me tshwèt nyàmt'o, nummb'o lo bùnte me, nummb'o lo yôg àm.

Esaya 8:3

Me nèn ntèt nzwi àm, ngatshob ntshob Nsi, a jùm, mbwe mén mandum. Tshùaben tshob me ndù: Tswi lén se ndù: Bin nànte ndo' ntsha'.

Daniel 10:12

A tshob me ndù: Daniel kà bwôg sàm ju; nummbe fe lé'njù s'o to' netshùb men ntshob là ntù o, mbèn mfà wul o nsi mbwe Nsi o là, Nsi lo ju' ntshob mu, a ju z'a ghù kà me nse' là.

ṄWA'NI OSÉ 1:4

Tshùaben tshob Osé ndù: Tswi lén se ndù Yesréel, nummb'a tù' metsit ngelaṅ me naṅ ntsha tu tunndà Yéhu num lem ts'a fètte mà Yesréel là; me nsi ghù ndù ze nufen tunndà Israél mi i.

ṄWA'NI OSÉ 1:6

Gomer bèn njùme, mbwe mén mènnzwi. Tshùaben tshob Osé ndù: Tswi lén se ndù mèn bo ke' kô i là: Lo-Ruhama; nummbe me ke nsi bèn ghù kondèn num tunndà Israél. Me ke nsi bèn ko ndèn mi.

Matio 1:21

A nsi bwe mén mandum, o tswi lén se ndù Yésu. Nummbe a nsi bèn yôg ben tse num nukebwô tshobe.

Matio 14:27

là Yésu tshob bo ndende ndù: Bin fèn ntù, a b'a me, kà bin bwôg!

Matio 28:5

Là Angél tshob men ntshob li bènnzwi ndù: Kà bin bwôg, nummbe me lèn ndù bin ke ndiag à Yésu ze bo kwimt'é num fanta'tù là.

Marko 16:6

Là, a tshob bo ndù: Kà bin bwôg. Bin diag à Yésu ze Nazarèt ze bo kwimt'é num fanta'tù là: A bam num vù, a ke b'a nsen ni. Tshù dù' ze bo yab i bwe li.

Lukas 1:14

O nsi tsiaṅte, bèn ṅwate, mba benntùn yàm nsi tsiaṅte num ze nebwe.

Lukas 1:30

Angél tshob yi ndù: Kà bwôg me Maria, o b'a mènfen ntùm kondèn Nsi.

Lukas 2:21

A lo be kum lé'njù fome, z'a bwô ndù bo si ket mén nà, bo tswi lén se ndù Yésu, lén se Angél na' mfà kà màab ndél i là.

Mfa' Ghantum 10:31

ntshob me ndù: Kôrneliô, Nsi ju' le't'o, mbèn nkwimte tshu tsho ts'o num mfà ghayennge' là.

Ghasa'kame 6:23

Tshùaben tshob yi ndù: Tswe fite, kà bwôg, o ke nsi kwù.

1 Samuél 2:21

Tshùaben tam ntse Ana, a lét, mbwe nshumnshum tat boa ngonngon bàa. Mbe se' mba Samuél là, a nke nku' z'a mbwe Tshùaben.