Filipi 4:9 - NTSHOB NSI

⁹ Tshu tse bin na' nzi'te, nkwé, nju'u, mbèn njen num àm nà, bin ze tshen tshu là. Ndùlala bin à Nsi fite nsi be.

Filipi 4:9 Iomraidhean Croise

Esaya 41:10

Kà bwôg sàm ju, nummbe bag wù bèn mbe. Kà ke ma' miag ngabwôg, nummbe me b'a Nsi o. Me so neta num o, me se' ywimt'o; me lo' bu àm ze tshùa ntsho ze zwim ntomt'o yi.

Esaya 8:10

bin tàmte ba nu, là bo nsi biagte tshen nu là, bin sa'a, là mèn ke nsi ju' ju ze bin tshob là. Njoṅ i fa b'a nummbe Nsi b'a num yag njam.

Matio 1:23

Tshù, ménngon nsi be jùm, bwe mén mandum, bo tswi lén se ndù Emmanuél, yen nà bagt'a ndù: Be à Nsi bèn mbe.

Matio 28:20

bin tswite yub neze njoṅ tshu fa tse me na' ntshob bin nà. Tshù, bag à bin bèn ke be njoṅ lé'njù fa, tà kum miagte njù.

Matio 7:21

A ke b'a mèn z'a ke ntshob me ndù: Tshùaben, Tshùaben nà bèn nsi tsho ntùm nufen kamànyam, a b'a nda' mèn z'a be ngù nekô Tà z'a be mfe kamànyam nà.

Lukas 6:46

Numke bin nke ntsiaṅ àm ndù: Tshùaben, Tshùaben, ke ghù ju ze me num ntshob à?

Lukas 8:21

A bùnte ntshob bo ndù: Mà mba fèt tshàm b'a ben tse bo num nju' ntshob Nsi, nke nze là.

Yohané 13:17

Bin nsi b'a ghafen, a be ze bin lèn tshen tshu li mbèn nke nze là.

Yohané 15:14

Bin b'a shun tshàm, a be ze bin be ngù ju ze me tshob bin nà.

Yohané 2:5

màab tshob ghafa' ndù: Bin ghù mba ke lo z'a nsi tshob bin nà;

Mfa' Ghantum 9:6

Là, lo tù ntsho ntùm ngô, bo nsi tshob ju z'a bwô ndù o ghù là wù.

Roma 15:33

Nsi fite be njoṅ zin fa. Amén.

Roma 16:20

Nsi fite nsi gho' Satan tun nku min ndende. Kondèn Tshùaben Yésu Kristô be njoṅ zin fa. Amén.

1 Korintô 10:31

Ndùlala, ke bin jù, ke bin nu, ke bin ghù mba ke lo, bin ghù njoṅ i fa num ghamte Nsi.

1 Korintô 14:33

Nummbe Nsi ke' b'a ngatshu'tu, là Nsi fite. Ndaṅndaṅ mb'a be ntùm ntse'te benkristô fa là,

1 Korintô 4:16

Ndùlala me tsiaṅ zin ndù bin be ghafi't'àm!

2 Korintô 13:11

Fèt tshàm, ndonni bin tsiaṅte, bin tsin num manze mebwô, bin ke ntagte wut tsin bin bin. Bin ghù nkwate ntshù', bin tswe ntùm fite, Nsi nkôni mba fite be bin.

Nebwôgte 5:1

Mosé tsiaṅ ba Israél fa, ntshob bo ndù: Israél, bin ju' ntshù' boa nkàn mi me soṅ zin yi sènni là. Bin zi'te njoṅ i fa kua' mebwô, nke nze njoṅ i fa kua' mebwô.

Filipi 3:17

Fèt tshàm, bin tù' ghafi't'àm; là bin ke nzete num ben tse bo num nzin ndaṅndaṅ mba bin na' njen mfi' num bag là.

Filipi 4:7

Fite Nsi z'a tshùa njoṅ zenu fa là nsi béb ntù tsin mba nkwatenu min num Kristô Yésu.

1 Tésalônikà 1:6

Mba bin zin lo tù' ghafi'te yage, mba ghafi'te Tshùaben, nkwé ntshob ntùm nge' yàme, ntùm tsiaṅte Ywèt Nelàne,

1 Tésalônikà 2:14

Fèt tshag, bin lo tù' ghafi'te ba ntse'te ben Nsi tse bo be mà Yudéa num Kristô Yésu là, nummbe mba bin zin lo yen be lèn nge' ntshù' bu ko' ba la' bin, mba tu wut tshob na' njen nge' bu ba Yudéa là.

1 Tésalônikà 5:23

A bwô ndù tu wut Nsi fite lànte zin miagte, mbèn ndem njoṅ zin nebe fa, Ywèle, ntù mba wut ndù a be ke lo' ntùm lé'njù se Tshùaben be Yésu Kristô nsi se' ntùm nkuni mi là.

2 Tésalônikà 3:4

Bag tshwèt nywinte num Tshùaben num bin, ndù bin tshwèt ngù, ndù bin nsi ghù tshu tse bag na' ntshob bin nà.

2 Timôtio 4:22

Tshùaben be bo ywèt tsho. Kondèn be bin.

Yakobo 1:22

Bin tù' ghaze ntshobe, ke fà wut tsin nda' num neke nju'u, nke mfùte wut tsin zin tu.

2 Pétro 1:10

Fèt tshàm, a ndùlala, bin nànte kua' neshu, mfà tànntù netsiaṅ zin mba netsho' zin. Nummbe bin ghù ndùlala mba bin ke nsi vù sàm lé'njù.

1 Yohané 3:22

mba ke lo ze be bètte yi là, mba be nsi kwé yi; nummbe bag à bin num nze ntshù' mi, nke ngù tshu ts'a bwô i là.