Biblia Todo Logo
Bìoball air-loidhne

- Sanasan -




Filipi 4:6 - NTSHOB NSI

6 Kà bin nywin num sàm ju, là njoṅ ngelaṅ fa, bin tshùa njam le'te Nsi, le'te boa neghamte ntshob tshu ts'a bwoṅ bin nà Nsi.

Faic an caibideil Dèan lethbhreac




Filipi 4:6
45 Iomraidhean Croise  

Mba tà ndùlala, a bwô Tshùaben Nsi àm kù' ntoṅ nju' le'te bo ze nema' mbu ngafa' i; a bwô ndù o nz'é, o ju' le'te z'a tshwèt nde't'o yi sènni là.


Mfen Ezékia bo ngatshob ntshob Nsi Esaya nshum Amots le'te Nsi num yen nu là, nkua' ntshob Nsi.


Ndùlala me nsi tswite manze tsho ben tse bo be mfàn nu là; ben kebwô nsi bèn njam tèl o.


Tu wul àm, me be nkua' Nsi, Tshùaben nsi yôg àm.


Ntshu i dùmte ntshùa ṅwa'a, là ntsho be ntùm ntù i; ntshob mi be mbotte ntshùa mfèt, là njôg mba mbi netshùag mi mo' ju ke' bomt'é là.


Yôg sàm mba ghamt'àm ke mb'a num Nsi. A b'a ngabloṅ z'a be nkabt'àm nà, yàm ndàlem b'a num Nsi.


Jule'te ghatshùagntù num mbag Tshùaben. Là, ze nele'te ben netsin be mbwô i neshu.


Lem tsho tshunu Tshùaben ndù ntàmtenu mu bumte.


Wù yàm bwoṅtambia' z'o lem ntùm gholoṅ nà, wù z'o lemte neshu là, ghù me yen se o, ghù me ju' nze o, nummbe nze o bwô neshu mba se o bèn mbwô neshu.


Ndùse me fà ṅwa'ni ze me jun nà yi Baruk nshum Nérija là, me le'te Tshùaben ntshob yi ntùm yàm le'te ndù:


Bin tsiaṅ lén sàm, me nsi bùnte; me nsi soṅ tshu ndùbndùb, tshu ts'a lemte là, ts'o ke' lèn nà.


Sadrak, Mésak mba Abed-Négo bùnte ntshob mfen Nébukanetsar ndù: A ke' ywimte ndù bag fà mbùn ntshob wù num yen nu là.


A tshùa ndùlala mfen Darius kite kàn bo ntshù'.


Ngelaṅ bo nsi te zin mbwe bo là, kà bin lab wut tsin num nu ze bin nsi tshob là, mba mat ze bin nsi tshob yi là; bo nsi fà nu ze bin nsi tshob là bin be num yen nyam nà.


Dù' ngumndot dù' ze bo ma' nsa bwe là, b'a mèn z'a num nju' ntshob Nsi, là nelab wut num yôg se ntùm njù mba nekô nu nkàb se' mfam ntshob mbile, a ke yam ntàm mi là.


Ndùlala kà bin ke ndab wut tsin num ndamnjù, nummbe ndamnjù nsi lab wut num ze nu. Mba sit lé'njù lo bo ze nge'.


Kà bin fute yube, nummbe Tà zin lèn ju z'a bwoṅ bin nà, ke bin yoṅ mbètt'é mba nebètte.


Tshùaben bùnte ntshob yi ndù: Marta, Marta, o tshwèt ngùtni wul o, mbèn nke ndab wul o num tshu yàme.


A bèn ntshob ghazi'te nu i ndù: A b'a ju z'a ghù kà me tshob bin ndù: Kà bin lab wut tsin num yôg sine, num ju ze bin jù là, num ju ze bin ma' num bin nà.


Kà bin ke ndiag ju ze bin nsi jù là, mba ju ze bin nsi nu là; kà bin ghùtni wut tsin num tshen tshu là.


Yésu tshob bo tànkùt, ndo' nda'te mb'a bwô ndù mèn ke nde'te Nsi ke bot njoṅ ngelaṅ fa là.


Nsi ke' ku'ni neghù nunetsin ben ts'a tsho' yube, tse bo num nkua' yi tèttswe' mba mbwôgtshù là ké? A ke nsi fènte yub ké?


Nsi lo be tsiaṅ o ndù o à be nkuan ké? Kà ghùtni wul o! Là, a be z'o ku'ni nebe mba yu tu là, o fa'!


Me kô ndù bin tswe ke lab wut. Mèn z'a ke' nandà là num ndab wut num tshu Tshùaben, nke ndiag nebwô Tshùaben.


mba tu wut tsin nsi nywinte yag ntùm le'te Nsi, ndùlala ndù ju kondèn, ze benntùn yàm nsi bètte num tu bag là, be tu nu nele'te Nsi benntùn yàm num tu yage.


Nke ngamte Nsi mba Tà njoṅ ngelaṅ fa, num njoṅ tshu fa, num lén Tshùaben be Yésu Kristô.


Bin fà wut tsin ntùm nzenze le'te Nsi mba nele'te, nke nde'te Nsi njoṅ ngelaṅ fa ntùm Ywèle; bin zi tshùalo num bwe ntùm njoṅ nekagtùn fa, nke nde'te Nsi num njoṅ ben nelàn fa,


A bwô ndù fite Kristô ze bo na' ntsiaṅ zin num bwe ntùm ta' wut ntshù' là kwé ntsho'ngu' ntùm ntù tsine. Bin be ghalèn numebwô.


Ke mba ke lo ze bin ghù, ke ntùm ntshobe, ke ntùm mfa' lo, bin ghù njoṅ i fa à num lén Tshùaben Yésu, ntshùa njam i, mfà ghamte Nsi Tà.


Bin kagtùn ntùm le'te Nsi, nzi tshùalo ntùm bwe num neghamte Nsi.


Ndùlala me bwôgmbwe ntshob yen ni mba mbwe nu là ndù a bwô nele'te Nsi, nde't'é, mbètt'é, ndabt'é num njoṅ benntùn fa,


Là kua' mfôg mènnzwi z'a be tù' i là num nywinte num Nsi, nke nkagtùn ntùm nebu' mbu mba nele'te Nsi, tèttswe' mba mbwôgtshù.


Miagte ngelaṅ num njoṅ tshu fa ghebte. Ndùlala bin ze nu, nzi tshùalo, nde'te Nsi.


bin yab njoṅ tsin nelab wut fa num i, nummbe a num nywin num bin.


Ana bùnte ntshob ndù: Nga me tshùaben àm, me b'a ta' mènnzwi z'a ghù sobni ntù i là; me ke' nu ndu' ke neta ndu' lo. Là, me lo nke nké' ntù àm mbwe Tshùaben.


David b'a ntùm sobni ndùb, nummbe ngô lo ke ntshob mbe bo a' tamte David ndoṅ. Njoṅ yub fa lo b'a ntùm zwentù, mba we lo be ndùlal'a num nshum tse boa ngonngon tse. Là David tshùb fènntù, njé'te num Tshùaben Nsi i.


Samuél lo' ta' loṅ nte netèt Mitspa bo Shen, ntsiaṅ lén se ndù Eben-Ezer, ntshob ndù: Tshùaben ywimte yag tà nkum nsen ni.


Lean sinn:

Sanasan


Sanasan