Filipi 4:5 - NTSHOB NSI

⁵ A bwô ndù njoṅ benntùn fa lèn bwôntù zine. Tshùaben ghebte.

Filipi 4:5 Iomraidhean Croise

Matio 6:25

A b'a ju z'a ghù me tshob bin ndù: Kà bin ke ndab wut tsin num yôg sine, ntshob ndù: Bag jù à ke? Bag nsi nu à ke? Mba num wut tsine, ntshob ndù: Bag nsi ma' à ke? Yôg ke' tanjoṅ ntshùa jujù, wut ke bèn ntanjoṅ ntshùa nzwe ké?

Matio 6:34

Ndùlala kà bin ke ndab wut tsin num ndamnjù, nummbe ndamnjù nsi lab wut num ze nu. Mba sit lé'njù lo bo ze nge'.

Lukas 21:34

Là bin bam nà num tu wut tsine, mbwôg ndù kà ntù tsin bot ntùm nejù yàme, ntùm nebum ndu', ntùm nelab wut num yôg sin ntùm yen njù li, mba ndù kà sen lé'njù là be ṅwag num bin, bin ke lèn.

1 Korintô 16:22

A be ze mèn ke' kô Tshùaben nà, ndon tsho tu i. Maranata (Tshùaben tshwèt nse'e).

1 Korintô 6:7

Num njoṅ bag tse fa, bin à vù, a be ze ntsha be ntum netèt bin nà. Be bin ke fènte nuketsin ké?

1 Korintô 8:13

A ndùlala, a be ze mo' jujù nsi fa'te mfèl àm nà, mba me ke nsi bèn fèt mbàb, mbwôg ndù kà mfèl àm fa'te num àm ngwù nsi.

1 Korintô 9:25

Njoṅ ghamaṅ ndù' fa num ntshùb ntù num njoṅ tshu fa; tshen ben ni ke ngù à nekwé tshe'ngu' s'a num mbagte là, là bag à bin nsi kwé s'a ke nsi bagte là.

2 Korintô 10:1

Tu wul àm Paulo, me tshùa njam fite mba bwôntù Kristô ntsiaṅ zine, me ze me num mbe fimèn netèt bin, mbe dummèn num bin, ngelaṅ me be ngùanesà là.

2 Tésalônikà 2:2

kà bin nyi'te ndende ntùm nkwate zin, ke vôgte, ke num ntshob Ywèle, ke num mo' ntshobe, ke num mo' ṅwa'ni ze bo tshob ndù a fe à bag lo, mba lé'njù Tshùaben à se' là.

Titô 3:2

ke tshabte sàm mèn, ke be ngazwentù, là ghabwôntù tse bo num nda'te njoṅ fite fa num njoṅ benntùn fa là.

Héber 10:25

kà bag à bin ghua' ko' ntse'te be, mb'a be matnu tsemo' benntùn nà, bag à bin tagte wut be, be be; bin ghù ndùlala, mba bin yen ndù lé'njù tshwèt ngebte là.

Héber 10:37

Nummbe, a tù' à metsili, metsit ngelaṅ, mèn z'a se' là nsi se'e, a ke nsi ghubte.

1 Pétro 1:11

bo lo diag nelèn mèn mba ngelaṅ ze Ywèt Kristô z'a be num bo, ngelaṅ z'a bwôgmbwe nkwé nta num nge' Kristô mba nkuni mi a nsi tum njam bwe là.

1 Pétro 4:7

Miagte ngelaṅ num njoṅ tshu fa ghebte. Ndùlala bin ze nu, nzi tshùalo, nde'te Nsi.

Apokalipse 22:20

Mèn z'a kwé nta tshen tshu li là, tshob ndù: Ṅ, me tshwèt nse' ndende. Amén, Tshùaben Yésu, se'e!

Apokalipse 22:7

Tshù, me tshwèt nse' ndende. Mènfen b'a mèn z'a lé' ntshob nu ghatshob ntshob Nsi mi a ntùm yen ṅwa'ni li là.