Filipi 4:4 - NTSHOB NSI

⁴ Bin tsiaṅte num Tshùaben njoṅ ngelaṅ fa, me tshob bin mo' yoṅ i ndù bin tsiaṅte!

Filipi 4:4 Iomraidhean Croise

Yobkwi 146:2

Me nsi ghamte Tshùaben num njoṅ lé'njù yôg sàm fa. Me nsi ke yob kwi Nsi àm ngelaṅ me ke' ntùn nà!

Yobkwi 33:1

Ben netsin, bin tsiaṅte num lén Tshùaben! Ghamte be mbe mebwô ben tse bo ghù ntù netsin nà.

Habakuk 3:18

Mba ndùlala me kô netsiaṅte num Tshùaben, me kô netsiaṅte num Nsi ngayôg àm.

Matio 5:12

Bin tsiaṅte, ṅwate ntùm tsiaṅte, nummbe ntsho'fa' min b'a mi ndùb mfe kamànyam, a be ndaṅndaṅ mba bo na' ntsho' nku ghatshob ntshob Nsi tse bo be mbwe bin nà kebàn nà.

Mfa' Ghantum 16:25

A be nguan tshaṅ tèttswe', Paulo mba Silas nke nde'te Nsi, mbèn nke njob kwi ngamt'é yi; ghandàtsha nke nju' mba bo tshwèt njob là.

Mfa' Ghantum 5:41

Ndùlala ghantum tum netèt ghatsho'te ntsha ntùm tsiaṅte, nummbe Tshùaben lo yen ndù bo ku'ni nekwé tuswe num lén se.

Roma 12:12

Bin tsiaṅte ntùm nenywinte, mfènte ntùm nge', nkagtùn ntùm nele'te Nsi.

2 Korintô 6:10

mba ben nenywin nà, là ndù bag num ntsiaṅte njoṅ ngelaṅ fa; mba bwoṅbwoṅ nà, là ndù bag nabte ghankàb yàme, mba ben tse bo ke' ghù sàm ju là, là ndù bag ghù njoṅ tshu fa.

Galatia 1:8

Là, a be ze kua' tu wut tshage, ke Angél mfe kamànyam no, tshob mo' nkùn mebwô bin, ke b'a ze bag na' ntshob bin nà, ndon tsho tu i.

Filipi 2:18

Mba bin zin tsiaṅte be ndaṅndaṅ, bin tsiaṅte bag à bin.

Filipi 3:1

Fèt tshàm, ndonni bin tsiaṅte num Tshùaben. Me ke' be lô nekite be tshu ntshù' bin, nummbe a' tomte zine.

1 Pétro 4:13

Là bin tsiaṅte mba bin tamte bin à Kristô ntùm nge' tse là, ndù bin bèn ntsiaṅte ntùm tsiaṅte ngelaṅ Kristô tswite nkuni mi là.