Filipi 4:3 - NTSHOB NSI

³ Ṅ, me bètt'o, wù ko' nshunfa' àm ndù o ywimte tshen bènnzwi là; bo lo le' ntsho num nu nkùn mebwô, bag à bo mba Klément mba tsemo' shun fa' tshàm tse ndèn mub be ntùm ṅwa'ni yôg là.

Filipi 4:3 Iomraidhean Croise

Yobkwi 69:28

Kwi'te mfànnu num mfànnu mube, ndùlala ndù kà bo ghù yub bag i ntùm kondèn o.

Netume 32:32

Me le't'o ndù o lagte nukebwô yub, mba me bèn nde't'o ndù o bwete lén sàm ntùm ṅwa'ni z'o kite là.

Esaya 4:3

Bo nsi tsiaṅ tshé' ba Yérusalém boa tse Yérusalém ben nelàne, mba we lo ze bo kite lén se Sion netèt benntùn nà.

Ezékia 13:9

Bu àm lo nsi num ghatshob ntshob Nsi tse tshob njem b'a tse banban, ntshob mub be be mi tatte là; bo ke nsi be netèt mbumte yàm nzwit mèn. Bo ke nsi kite lén sob mum ṅwa'ni tunndà Israél. Bo ke nsi tsho mum ngô Israél. Yen ngelaṅ nà bin nsi lèn ndù me b'a Tshùaben Nsi.

Daniel 12:1

Mikaél nsi lo nsi num yen ngelaṅ nà. A b'a mfen ndùb z'a be ntsin mbaṅ yu nzwit mèn nà. Yen ngelaṅ nà nsi b'a ze nge', lèn nge' z'a ke' to' be, tà nse' nkum sènni, fe mba ngô be là. Nzwil o nsi tum ntshu vù yen ngelaṅ nà, benntùn tshen nà tse bo nsi tèt ndèn mub mum Ṅwa'ni là.

Lukas 10:20

Là mba ndùlala, kà bin tsiaṅt'a mba ba ywètkebwô fà wut nsi mbwe bin nà, là, a bwô bin tsiaṅt'a num mba bo kite ndèn min mfe kamànyam nà.

Roma 12:1

Ndùlala, fèt tshàm, me tsiaṅ zin ntshùa num kondèn Nsi, ndù bin fà wut tsin mba ju nele'te Nsi, ze ntùn, ze nelàne, z'a bwô Nsi là; yen ni b'a zin nefa' z'a ku'ni là.

Roma 16:12

Bin tsha'te Trifène mba Trifôs tse bo be mfa' Tshùaben neshu là. Bin tsha'te Pèsida nshun ze tanjoṅ z'a fa' num Tshùaben yàm nà.

Roma 16:9

Bin tsha'te Urbanô, nshun fa' àm num Kristô, mba nshun nkôni àm Stakis.

Filipi 1:12

Fèt tshàm, me kô bin lèn ndù nu z'a na' ngù àm nà, ywimte ndù nkùn mebwô nèn à mbwe.

Filipi 1:16

Là tshen ben ni ke mfa' à ntùm nkôni, bo lèn ndù Nsi lo yab àm ndù me kwé nta nkùn mebwô.

Filipi 1:27

Nda' ndù bin zin mba bonla' là, mb'a ku'ni num nkùn mebwô Kristô là. Ndùlala ndù me yene, a be ze me se' la' bin nà; nju'u, a be ze me ke' se' la' bin nà. Ndù bin tsin tù ntùm ta' Ywèt ntshù', njam bamntù nkùn mebwô, ntamte, nke nde' ntsho ntùm ntù ntshù',

Filipi 1:5

me num ndabte Nsi mba bin tamte num neywimte fa' nkùn mebwô fe mbwe lé'njù tà nse' nkum sènni là;

Filipi 1:7

Ndùlala, a b'a kua' nunetsin me ndù me kwate yen nu là num njoṅ zin fa, nummbe me num nket zin ntùm ntù àm, bin tse bag à bin zin fa tamte num kondèn, ntùm nkù tshàm, ntùm nekwénta mba ntùm netomte nkùn mebwô là.

Filipi 4:2

Me le'te Evôdia, me le'te Sintiké ndù bo ghù nkwate ntshù' num Tshùaben.

Kolosé 1:7

Epafra, nshun fa' yag ze nkôni na' mbèn ntswite zin njoṅ yen nà fa, a b'a kua' ngafa' Kristô bin,

Apokalipse 13:8

Njoṅ ba ntùm njù fa nsi ghamt'é, ben tse bo ke' kite lén sob fe ngelaṅ nenabte njù, ntùm ṅwa'ni yôg mén njùmbwe ze bo na' nse tô i là.

Apokalipse 17:8

Nyàm z'o yen nà lo be, a ke' bèn mbe; a nsi tum ntùm ghem njam nsi, nèn ntùm nebi, ba ntùm njù tse bo ke' kite ndèn mub ntùm ṅwa'ni yôg fe ngelaṅ nenabte njù là, nsi be yen nyàm tshàme, nummbe a lo be, a ke' bèn mbe, mbe ndù a ke nsi bèn be.

Apokalipse 20:12

Me yen fe ben, tse ndùb mba tse nke'e, ndù bo tsinte tù mbwe ko'fen. Me yen ba ṅwa'ni ndù bo gha' nte nge, mo' ṅwa'ni gha' nte nge, a b'a ṅwa'ni yôg. Bo tsho'te fe ben, mba we lo num mfa' mi, mba bo kite ntùm ṅwa'ni là.

Apokalipse 20:15

Bo ma' mba we lo ze bo ke' yen ndù bo kit'é ntùm ṅwa'ni yôg là ntùm lagmbwôge.

Apokalipse 21:27

Sàm ju nesagte, sàm ngaghù nu ṅu' mba sàm ngatatte ke nsi tsho bwe, nda' ben tse bo kite yub ntùm ṅwa'ni yôg mén njùmbwe là nsi bèn tsho bwe.

Apokalipse 3:5

Mèn z'a tshùa ntsho là nsi ket nzwe fôgtab be ndaṅndaṅ, me ke nsi bwete lén se ntùm ṅwa'ni yôg, me nsi kwé nta lén se mbwe Tàa mba mbwe ba Angél tse.