Filipi 3:9 - NTSHOB NSI

⁹ mbe num i, nkwé nunetsine, ke b'a yàm nunetsin z'a fe à ntshù' là, là nunetsin z'a fe à bamntù Kristô là, nunetsin z'a fe à Nsi, ze bamntù be mfà là;

Filipi 3:9 Iomraidhean Croise

Neto'te 7:23

Tshù mba Tshùaben biagte njoṅ bon tshu neyôg fa num nsitsha'a, neto' num mènntùn tà nèn nkum num nyàm, nyàm tse bo be nsoṅ bam sob nsi là. A biagte mba nsaṅ mi a mfe kamànyam nà. Tshùaben biagte yub num nsitsha'a. Nda' Noa boa njoṅ tshu fa ts'a ghù ntùm sitima là na' mbèn ntù'.

1 Fenfen 8:46

A be ze bo ghù nukebwô num o, nummbe sàm mèn ke bwe z'a ke' be ghù nukebwô là, o ya ntù num bo, mfà yub mum mbu ngakeban, ndù a lo' yub nèn yi ndà kuan mum ze ngô, yen ngô là sag ke neghebte lo,

2 Kronika 32:25

Là, Ezékia lèn mebwô ze Tshùaben ghù yi là, ka'te ko' ntù i, yantù Tshùaben kam num i mba num Yuda bo Yérusalém.

2 Kronika 32:31

Là, ngelaṅ fenfen Babilon tshag ntum mbaṅ i num nelèn nsà z'a tôg ntùm ngô là, Nsi ghua' i ndo' ndaṅt'é yi, ntshùa ndùlala lèn ju z'a be ntù i là.

Yobkwi 14:3

Njoṅ yub fa fàn manze, bo ke' bèn njwimte sàm ju. Ngaghù numebwô ke bwe, mba nda' ta' i ntshù'.

Yobkwi 143:2

A ke' bwô ndù o tsho'te ntsha ngafa' o, nummbe sàm mènntùn ke' be netsin mbwe o.

Yobkwi 19:12

Mba ngafa' o num nzi'te yen ju là. Nda' mèn z'a be nze njoṅ i fa là b'a ze ndùb.

Nzenu 7:20

Nummbe sàm mèn netsin mba ntshù' ke num nsitsha'a z'a ku'ni neke ngù be mebwô ke to' fàn nu là.

Esaya 46:13

Me ghù yôg se me na' mbù là ghebte, a ke' bèn mb'a ngùanesà. Netshu' zin ze me na' mbùt nu tse là ke bèn ngubte. Me nsi ghù Sion yob ngu'u, nkuni màm be Israél.

Esaya 53:11

A nsi lôte ntàm mfa' mi, dun tsiaṅte. Mèn netsine, ngafa' àm, nsi ghù benntùn yàm be ben netsine, njam nelèn ze bo lèn i yi là; tu wul i nsi ket mfànnu mube.

Esaya 53:6

Be na' mb'a tshakendà mba njùmbwe là. Mba we lo na' nke mbwe à ze manze. Tshùaben lo ghù mfànnu njoṅ be fa tsho tu i.

Esaya 6:5

Ndùlala me tshob ndù: Njennge' mba me là, m'a kwù. Tshù, me b'a mèn ze nkub ntshu mi ke' làn nà; me ke ntswe à netèt ben tse nkub ntshu mub ke' làn nà. Tshù là, miag màm yen mfen Tshùaben tàndà ntsho.

Yérémia 23:6

Yuda nsi yôg num ze ngelaṅ fen, Israél tswe mebwô, ke ke mbwôge. Bo nsi ke tsiaṅ i ndù: Tshùaben b'a yag nunetsine.

Yérémia 33:16

Num tshen lé'njù là, Yuda nsi yôg tse, Yérusalém tswe ntùm fite, lo tswi lén se ndù: Tshùaben b'a yag nunetsine.

Daniel 9:24

Bo yab ngabnjù ṅam sammbàa num yu nzwit mèn mba ngô o ze nelàne, num neghù ndù mfànnu tsine, nukebwô mi, num nebiagte mfànnu, ndo' nunetsin z'a tswe matmat là nse' yi. Bo yab tshen ngabnjù l'a num neghù ndù njem ze ghatshob ntshob Nsi yen ntshob là bumte mba ndù bo yo' Mèn nelàn dù' z'a làn neshu là.

Matio 9:13

Bin nèn nzi'te tun men ntshob li ndù: Me kô à kondèn ke b'a ju nele'te Nsi. Nummbe me ke na' nse' netsiaṅ à ben netsine, là ben kebwô.

Roma 1:17

Nummbe nunetsin Nsi tswite wul i bwe, a num nto' num bamntù, miagte num bamntù, ndaṅndaṅ mba bo na' nkite ndù: Mèn netsin nsi yôg à njam bamntù là.

Roma 10:10

Nummbe bamntù be ngù mèn kwé nunetsine, ntshob bamntù ghù mèn kwé yôg.

Roma 16:7

Bin tsha'te Andrônikô mba Yunia, ba la' bag, shun tshàm ndàtsha, lén sob ju'ni netèt ghantum, bo lo bwôg be benkristô me.

Roma 5:21

ndùlala ndù mba nukebwô na' ntô njù ntùm vù là, be ndaṅndaṅ mba kondèn nsi tô njù njam nunetsin num yôg matmat, ntshùa njam Yésu Kristô, Tshùaben be.

Roma 8:1

Ndùlala, ndonni sàm nevù ntsha ke' bèn mbe num ben tse bo be num Kristô Yésu là.

Roma 8:3

Ntshù' lo ke ku'ni neghù yen nà, nummbe mfa' mbàb wut lo ghù a bot, là Nsi z'a tum ko' Mén i num nukebwô ntùm mbàb wut z'a fute ze nukebwô là, lo keb ntsha nukebwô ntùm mbàb wut,

1 Korintô 1:30

Là Nsi lo ghù bin tamte num Kristô Yésu, z'a tù' zenu z'a fe Nsi, mbèn ntù' nunetsine, nu nelàne, mba netshu' be là,

2 Korintô 5:17

Ndùlala a be ze mèn be num Kristô là, mb'a b'a mèn nswe; njwèn tse tôg; tshù, njoṅ i fa tù' tse nswe.

2 Korintô 5:21

Mèn z'a be ke to' ghù nukebwô là, Nsi lo lo' i mba nukebwô là num tu be, ndùlala ndù be tshùa num i, ntù' nunetsin Nsi.

Galatia 2:16

Là bag à bin lèn ndù mènntùn ke' tù' mèn netsin à num mfa' ntshù', là nda' njam bamntù num Yésu Kristô, mba be ze be lo bam Kristô Yésu, ndùlala ndù be tù' ben netsin njam bamntù num Kristô, ke b'a num mfa' ntshù', nummbe sàm mèn ke nsi tù' mèn netsin num mfa' ntshù'.

Nebwôgte 27:26

Ndon tu mèn z'a ke' zwiagte ntshob yen ntshù' li, ke bèn nke ntshùb ntshob mi là! Yen ngelaṅ nà ngô bùnte ntshob ndù: Amén!

Filipi 3:6

mbe ngatsho' nku ntse'te benkristô kebàn num nkôni ntshù', mbe ke lo' num nunetsin z'a ntùm ntshù' là.

2 Timôtio 1:9

z'a na' njôg be, ntsiaṅ be ntùm netsiaṅ nelàne, ke b'a mum mfa' be, là num ko' nkwatenu mi mba kondèn i z'a na' mfà be num Kristô Yésu fe tà ndùke lo là.

Titô 3:5

a yôg be, ke b'a num mfa' nunetsin mi be na' mfa' là, là ntùm kondèn i, a lo yôg be, ngù Ywèt Nelàn fà nebwe nswe mba yôg nswe be, njam nesôg wut,

Héber 6:18

ndùlala ndù a tshùa njam tshu bàa ts'a ke' be bate, ts'a ke' ku'ni netatte num bwe là, mfà kua' ko' nefitentù be tse be na' nkù nde, nke ndiag netshùb nenywinte z'a be mbwe be là.

Yakobo 3:2

nummbe njoṅ be fa num ntam tshu yàm nku; a be ze mèn ke' tam ntshob nku là, mb'a b'a mèn z'a bwô miagte là, mèn z'a ku'ni netshùb mba njoṅ wul i fa là.

2 Pétro 1:1

Me Simon Pétro, nkuan mba ngantum Yésu Kristô. Me kite yen ṅwa'ni li à ben tse bo kwé bamntù tanjoṅ ndaṅndaṅ mba bag là, njam nunetsin Nsi be mba ngayôg be Yésu Kristô là.

1 Yohané 3:4

Mba we lo z'a ghù nukebwô là fàn ntshù', nukebwô b'a nefàn ntshù'.