Filipi 3:8 - NTSHOB NSI

⁸ Kua' nenùne, me lo' njoṅ i fa mba bi là num nelèn Kristô Yésu Tshùaben àm z'a tshùate là; me lo bi njoṅ i fa num i, me num ndo' njoṅ i fa mba ju neghua' là, ndù me ghù Kristô;

Filipi 3:8 Iomraidhean Croise

1 Fenfen 14:10

Tshù ju z'a ghù me lo' nge' nse' yi mum tunndà Yéroboam nà. Me nsi biagte mba we lo z'a b'a ze mèn Yéroboam nà, kuan boa bonla' tse bandum ntùm ngô Israél. Me nsi bé'te tunndà Yéroboam mba bo be mbé'te nenà nsindà là, k'a miagte mbi ze.

2 Fenfen 9:37

fe Yézabél tù' ju netshab dù' yi num nà, ntùm nà mà Yizréel, kà mèn ke ku'ni nebèn ndèn ndù a b'a Yézabél.

ṄWA'NI YOB 20:7

mb'a nsi bi à be nebi mba bwe tse là, ben tse bo na' nke njen i là nke ntshob ndù: A b'a yà?

Yobkwi 126:6

Bo be ndo' ntsenyà nèn yi, ndo' ntsenyà nèn yi ngelaṅ neywile; bo be mbe fe, nke nkob kwi, mbe fe ndo' tsha tshu mfe yi.

Yobkwi 73:25

We ze be me ghù mfe kamànyam k'a ke nda' wù à? Me ke' kô sàm ju num nsitsha'a, k'a ke nda' wù.

Esaya 53:11

A nsi lôte ntàm mfa' mi, dun tsiaṅte. Mèn netsine, ngafa' àm, nsi ghù benntùn yàm be ben netsine, njam nelèn ze bo lèn i yi là; tu wul i nsi ket mfànnu mube.

Malashi 2:3

Tshù, me nsi bagte tshu tse bin ywit là, me nsi tam mbèt num se zine, mbèt nyàm tse bin nton me là; bo nsi lo' zin bin à bo nèn yi.

Nesiaṅe 14:30

Me tshob nsaṅlaṅ bwe, bin ke nsi tsho ntùm ngô ze me na' mbù nete zin bwe là, kà ke nda' Kaléb, nshum Yéfuné bo Yoshua, nshum Nun.

Lukas 1:43

Yen nu li fe m'a yà, kà mà Tshùaben àm nse' nelôt'àm à?

Lukas 11:20

Là, a be ze me num ndo' à ntubu Nsi, nke nta' ywètkebwô yi là, mb'a b'a ndù nufen Nsi se' tà nkum mbaṅ bin.

Yohané 14:20

Num sen lé'njù là, bin nsi lèn ndù me b'a num Tàa, bin be num àm, me be num bin.

Yohané 14:7

A lo mbe ndù bin lèn àm, mba bin lèn mba Tàa, fe ndonni bin lèn i, bin à yen i.

Yohané 16:3

Bo nsi ghù tshen tshu là, nummbe bo lo ke lèn Tà, ke lèn mba me.

Yohané 17:3

Là yen ni b'a yôg matmat ndù bo lèn o, wù z'o be nda' ta' Nsi ntshù' ze nenùn nà, mba mèn z'o tum i là, Yésu Kristô.

Yohané 17:8

Nummbe me lo fà ntshob mi o fà me là bo. Bo kwé ndèn kua' nenùn ndù me fe à mbaṅ o, mbam ndù a b'a wù bèn ntum àm.

Yohané 20:13

Tshen ni tshob yi ndù: Mènnzwi, o làn à numke? A tshob bo ndù: Nummbe bo sô Tshùaben àm, me ke' lèn dù' ze bo yab i bwe là.

Yohané 20:28

Tomas bùnte ntshob yi ndù: Tshùaben àm mba Nsi àm!

Mfa' Ghantum 20:24

Là yôg sàm ke b'a ju tanjoṅ num miag màm k'a ke nda' ndù me miagte nde mi me tshwèt nkù là, mbèn ngù ndù fa' se me na' nkwé Tshùaben Yésu là bumte; yen nà b'a ndù nekwé nta mfà num nkùn mebwô kondèn Nsi.

Roma 8:18

Nummbe me kwate ndù nge' z'a be num yen ngelaṅ ni là ke' ku' mo' ju num nkuni mi a nsi tswite wul i num be là.

Roma 8:39

ke mfe tù lo, ke mànjam nsi lo, ke zit ju ze Nsi nabte là lo, ke' ku'ni nefagte be num nkôni Nsi z'a be num Kristô Yésu Tshùaben be là.

1 Korintô 2:2

Nummbe me lo yen ndù a ke' bwô me lèn sàm ju netèt bin, k'a ke nda' Yésu Kristô, yen nà ze bo kwimt'é num fanta'tù là.

1 Korintô 9:10

k'a ke ntshob à nda' num be à? Nummbe bo lo kite men ntshob l'a num be; ndùlala, a bwô ngadù' nà dù' nà ntùm nenywinte, ngalab nsa nywinte neghù ze bag i.

2 Korintô 4:4

ghakeban tse nsi yen njù li kag fù num nkwatenu mube, ndùlala ndù kà bo yen nka' z'a fe nkùn mebwô nkuni Kristô, z'a b'a mfuni Nsi là.

2 Korintô 4:6

Nummbe Nsi z'a tshob ndù: Nka' ké' ntùm njam nà, lo ké' ntùm ntù tshage, ndù nelèn nkuni Nsi z'a be num se Kristô là tswite wul i.

Galatia 1:16

nela'te Mén i me, ndù me tshob i netèt ghakelèn Nsi; yen ngelaṅ nà, me nèn Arabia be ndùse, ke kwé ntag mbàb mba lem,

Efésô 4:13

tà kum ngelaṅ njoṅ be fa nsi kum ntùm bamntù ntshù', mba nelèn Mén Nsi, tamte tù' kua' ko' mèn ntùm mfi' ntse Kristô z'a dun nà.

Filipi 1:1

Paulo mba Timôtio, ghafa' Kristô Yésu, num njoṅ ben nelàn fa num Kristô Yésu tse bo be Filipi boa ghalôte mba ghafa' là.

Filipi 3:10

ndù me lèn i mba neta ze nelo num vù, mba ndù me tamte ntùm nge' tse, ngù mfuni vù se num àm,

Filipi 3:12

Ke b'a ndù m'a tshùbe, ke b'a ndù m'a miagte nezine, là me ke nànt'a ndù me tshùbe, mba Yésu Kristô na' ntshùb tu wul àm nà.

Filipi 3:7

Là tshu ts'a na' mbe bin me là, me lo' yub mba bi là num Kristô.

2 Timôtio 4:6

Mba me là, bo à to' nefétt'àm, ngelaṅ nenèn ku' me.

Héber 3:14

Nummbe bag à bin Kristô tamte, a be ze bag à bin tshùb mbwe bamntù be kua' mebwô tà nèn miagte là.

1 Pétro 2:7

Ndùlala, a b'a ghamte bin tse bin bam nà, là loṅ se ghabomndà ghua' là kaṅ ntù' loṅ tôgndà,

2 Pétro 1:2

Kondèn mba fite be bin yàm yàme, njam nelèn Nsi mba Yésu Tshùaben be.

2 Pétro 1:3

Neta i z'a be ze Nsi là lo fà njoṅ tshu fa ts'a ku'ni num yôg mba num neghamte Nsi là be, ngù be lèn mèn z'a tsiaṅ be njam ko' nkuni mi mba fa' se se mebwô là;

2 Pétro 1:8

Nummbe, a be ze tshen tshu là be num bin, njam nà, mba bo ke nsi ghù bin tswe banban, ke yam ntàme, num nelèn Tshùaben Yésu Kristô.

2 Pétro 3:18

là bin ku' ntùm kondèn mba nelèn Tshùaben be mba ngayôg be Yésu Kristô. Ghamte be yi fe ndonni tà nèn nkum miagte lé'njù. Amén.

1 Yohané 1:3

ju ze bag na' njen mbèn nju' là, bag tshwèt nsoṅ zine, ndù mba bin zin tamte num bag, là, yag netamte b'a bag à Tà mba Mén i Yésu Kristô.

1 Yohané 2:19

Bo tum à netèt be, là bo lo ke b'a tse be ben, nummbe bo na' mb'a tse be ben mba bo lo ghô bag à bin bo; là bo tum ndù be lèn ndù sàm mèn netèt bo ke b'a ze be mèn.

1 Yohané 5:20

Là bag à bin lèn ndù Mén Nsi se'e, a fà zenu be ndù be lèn mèn nenùne; bag à bin b'a num mèn nenùne, num Mén i Yésu Kristô, a yi bèn mbe Nsi nenùne, mba yôg matmat.