Filipi 3:6 - NTSHOB NSI

⁶ mbe ngatsho' nku ntse'te benkristô kebàn num nkôni ntshù', mbe ke lo' num nunetsin z'a ntùm ntshù' là.

Filipi 3:6 Iomraidhean Croise

2 Samuél 21:2

Mfen tsiaṅ ba Gabaon, num netshob nu bo. Ba Gabaon lo ke b'a ba Israél, là bo na' mb'a tshé' ba Amor; ba Israél lo so wut num bo, nu ngu bo; mba tà ndùlala Saulo diag be nebiagte yube, nummb'a lo ghù nkôni num bon Israél boa bon Yuda neshu.

2 Fenfen 10:16

a tshob ndù: Se' be nène, o nsi yen njoṅ nkôni ze me ghù num Tshùaben nà. A kel i ntùm kalig se bo yi nèn.

Nzenu 7:16

Kà ke ngù nunetsine ntshùate, ke bèn ndo' wul o mba neta nzenu là. Ke bèn ngù o nke mbagte wul o à?

Lévitiko 13:16

Mba tà ndùlala, a be z'a be mànjam, dù' ntùn nà kaṅ mfôg là, mb'a bwô ndù ng'é bèn nèn njen ngale'te, a tsha' i;

Matio 23:25

Nge' num bin ghalèn ṅwa'ni Nsi mba ba Férésia ghamfùm, nummbe bin num nsôg njam mvèn ntu' mba nka, là ntùm bwe be ndù a dun lamte tshu mba tshu kebwô.

Matio 5:20

Nummbe me tshob bin ndù: A be ze zin nunetsin ke' tshùa ze ghalèn ṅwa'ni Nsi mba ba Férésia là, mba bin ke nsi tsho ntùm nufen kamànyam.

Lukas 1:6

Ntu tshob bàa fa na' mb'a ben netsin mbwe Nsi, mbèn nke nze ntshù' mba ntag Tshùaben ke fànte.

Mfa' Ghantum 21:20

Bo be ju' ndùlala, ngamte Nsi, ntshob yi ndù: Mfèt yag, o yen mba ba Yuda ntsha'ntsha' bam nu Yésu là; là njoṅ yub fa num nkô ntshù' Mosé,

Mfa' Ghantum 22:5

Ngale'te Nsi ze ndùb mba njoṅ ghakwé mbwe fa b'a tshàm ghakwénta. Me na' nke nkwé ṅwa'ni à bo kà nèn ntèt fètfèt yi Damas num nekut ben tse bo be bwe là, ndo' yub nse' yi Yérusalém ndù bo naṅ ntsha tu bo.

Mfa' Ghantum 26:5

Mba bo lèn àm fe mbwe là, bo ku'ni nekwé nta, a be ze bo kô là ndù me lo yôg netèt bo ntùm bag nu ba Férésia z'a b'a bag nu ndaṅndaṅ ntùm nu neghamte Nsi yag là.

Mfa' Ghantum 8:3

Mbe se' mba Saulo là, a nke mbagte ntse'te benkristô, nke ntsho ntùm mba', nsoṅ bandum mba bènnzwi nèn yi bo ma' yub ndàtsha.

Roma 7:9

Me lo ke njôg tà ngelaṅ mbwe, ngelaṅ ze ntshù' be ke be là, là, ngelaṅ ntshù' se' là, nukebwô bèn ngù yôg, tu wul àm me kwù.

1 Korintô 10:32

Kà bin be ju fa'te ba Yuda, ba Grikia mba ntse'te ben Nsi,

1 Korintô 15:9

Nummbe tu wul àm b'a metsit mèn netèt ghantum, me ke' ku'ni ndù bo tsiaṅ àm ngantum, nummbe me lo tsho' nku ntse'te ben Nsi kebàn.

Filipi 2:15

ndùlala ndù bin be ke lo', mbe nelàne, ntù' bon Nsi tse lo' ke num bo là netèt zwiaṅ ben kebwô mba ben neṅu'te, tse bin num nké' netèt bo mba nka' ntùm njù,

Filipi 3:9

mbe num i, nkwé nunetsine, ke b'a yàm nunetsin z'a fe à ntshù' là, là nunetsin z'a fe à bamntù Kristô là, nunetsin z'a fe à Nsi, ze bamntù be mfà là;

1 Timôtio 1:13

me ze me na' mb'a ngatshabte, ngatsho' nku kebàn, ngatshab ntshu là; là Nsi lo ko ndèn màm, nummbe me lo ghù yen n'a ke lèn, ngelaṅ me na' mbe ke yoṅ mbam nà.

Ghasa'kame 6:30

Ndùlala, bo kua' nèn ntshob Yoas ndù: Lo' mén o nse' yi, a' kwù. A sate tômbwôg Baal, mbèn mbe'te neto tù z'a mbaṅ bwe là.