Filipi 3:5 - NTSHOB NSI

⁵ Me lo si ket num mbatte lé'njù fome, me b'a nzwit Israél, ntùm tunndà Benjamin, ze Héber, mbe ze Férésia num ntshù',

Filipi 3:5 Iomraidhean Croise

Neto'te 14:13

Mo' mèn z'a kù là nèn nsoṅ Abram ze Héber; a ke ntswe à mbaṅ ntù mbwe' mi a be Mamré là. Amor mfèt Eshkol bo Aner lo wat kàn boa Abram.

Neto'te 17:12

Mén mandum nkum lé'njù fom netèt bin bo si ket se; bin ke ngù ndùlala num njoṅ zwiaṅ njù fa; k'a b'a kuan tse bo bwe yub ntùm ndà ke tse bo jun yub ntshùanze lo,

Neto'te 40:15

Tshù, bo na' ndo' àm à ntùm ngô ba Héber, mba nsen ni bo ma' àm ndàtsha ke be ndù me ghù sàm ju.

Neto'te 41:12

Bag à mo' ménnshum lo be bwe, ze Héber, ngafa' mfen ghabéb ntshwèt. Bag lo soṅ i njem tse bag yen nà, a tote mba ze njem we lo yi.

Yona 1:9

Yona bùnte, ntshob ndù: Me b'a mén Héber, nke mbwôg Tshùaben, Nsi mfe kamànyam z'a nabte dibantse mba tsha' là.

Lukas 1:59

A be kum lé'njù fome, bo se' nesi ket mén nà, nke ntsiaṅ i Sakaria num lén tàab.

Lukas 2:21

A lo be kum lé'njù fome, z'a bwô ndù bo si ket mén nà, bo tswi lén se ndù Yésu, lén se Angél na' mfà kà màab ndél i là.

Lukas 5:38

Là, a bwô nenaṅ ndu' nswe ntùm ntu' nswe.

Mfa' Ghantum 22:3

Paulo lo' nu nèn yi mbwe: Me b'a mèn Yuda ndù bo bwe àm à Tarsô mà Kilikia, là ndù me ku' à ntùm yen dù' li mbaṅ nku Gamliél, nzi'te neze ntshù' ba tà be mb'a ku'ni là, nke nkô Nsi mba njoṅ zin fa sènni là.

Mfa' Ghantum 23:6

Paulo be lèn ndù ntse'te ghatsho'te ntsha ghù benntùn bag bàa, bag ba Sadukai mba bag ba Férésia, nkua'a, ntshob netèt bo ndù: Fèt tshàm, me b'a mèn num bag ba Férésia, mbe mèn ba Férésia. Bo ke ntsho't'àm à num nenywinte mba num nelo benntùn num vù.

Mfa' Ghantum 6:1

A lo be num tshen lé'njù là, ghazi'te nke nkwi'te, là ba Yuda tse bo fe Grikia là nke nzwete tun ntô num ba Héber, nummbe bo lo ke ngwag tshob fôg bènnzwi ntùm fa' neghabte jujù s'a ke ntôg njoṅ lé'njù fa là.

Roma 11:1

Ndùlala, me tshob ndù: Nsi ghua' nzwil i ké? Nga, a ke b'a ndùlala. Nummbe mba tu wul àm b'a ze Israél, mèn ntùm nzwit Abraham, ntùm tunndà Benjamin.

2 Korintô 11:22

Bo b'a ba Héber ké? Mba me yàm! Bo b'a ba Israél ké? Mba me yàm! Bo b'a nzwit Abraham ké? Mba me yàm!

1 Samuél 4:6

Ba Filistia ju' yen tshu'te là, ntshob ndù: Yen tshu'te li ntùm mbàn ba Héber bagt'a ndùke? Bo soṅ yub ndù Koṅ Kàn Tshùaben bèn nzin nkum ntùm mbàn.