Filipi 3:3 - NTSHOB NSI

³ Nummbe bag à bin bèn mbe nesi ket ze nenùne, be tse be num mfa' ntùm Ywèt Nsi là, be tse be num nta' nsoṅ num Kristô Yésu, be tse be ke' be nywinte num mbàb wut là.

Filipi 3:3 Iomraidhean Croise

Yobkwi 105:3

Bin ta' nsoṅ num lén se se nelàne. A bwô ndù ntù ben tse bo be ndiag Tshùaben nà tsiaṅte.

Esaya 45:25

A nsi tshùa njam Tshùaben njoṅ nzwit Israél fa tù' ben netsine, bo bèn ngamte yube.

Yérémia 4:4

Bin si ket num miag Tshùaben, bin lànte wut tsin bo ntù tsin me ba Yuda boa ba Yérusalém, mbwôg ndù kà yantù àm kam mba ta' mbwôg là, nkù, sàm mèn ke ku'ni nebiagt'é. A be ndùlala mb'a b'a num tshùagntù zin boa mfa' mine.

Malashi 1:11

Neto' ntumnyam nèn nkum mbinyam, lén sàm b'a se ndùb netèt ngôngô; bo be nton tshu nelamte num nku'ni lén sàm njoṅ dù' fa; bo be mfà ts'a làn nà, nummbe lén sàm b'a se ndùb netèt ngôngô, Tshùaben tàndà ntsho bèn ntshobe.

Roma 1:9

Nsi ze me num mfa' yi ywèt tshàm ntùm nkùn mebwô Mén i là, b'a ngakwénta màm ndù me num ntsi lén sin ke bot;

Roma 15:17

Ndùlala, me ku'ni neta' nsoṅ num Yésu Kristô, num tshu ts'a be tse Nsi là.

Roma 7:6

Là, ndonni nkù ntshù' keb num be, ngelaṅ ze bag à bin kwù, mfagte bag à bin ju z'a ke ntaṅ be là, ndùlala ndù bag à bin fa' ntùm yôg nswe s'a fe Ywèt là, ke bèn mb'a ntùm njwèn yôg miag ṅwa'ni.

Roma 8:15

Bin lo ke kwé à Ywèt kuan num nebèn nke mbwôge, là bin lo kwé à Ywèt bon nekwiagte, tse bag à bin be nkua' ntùm bwe ndù: Abba! Tà!

Roma 8:39

ke mfe tù lo, ke mànjam nsi lo, ke zit ju ze Nsi nabte là lo, ke' ku'ni nefagte be num nkôni Nsi z'a be num Kristô Yésu Tshùaben be là.

Roma 9:6

Yen nà ke b'a ndù ntshob Nsi vù nsi; nummbe njoṅ benntùn fa tse bo tum num Israél là ke bèn mbe ba Israél;

2 Korintô 11:18

Mba benntùn yàm tshwèt nta' nsoṅ à num ze mat mbàb wut là, mba me yàm a' ta' nsoṅe.

Galatia 5:25

A be ze bag à bin ke njôg à ntùm Ywèt là, bag à bin zin à ntùm Ywèle.

Galatia 6:16

Ben tse bo nsi zin num yen mfi' li là, fite mba kondèn be num bo mba num Israél Nsi.

Efésô 6:18

Bin fà wut tsin ntùm nzenze le'te Nsi mba nele'te, nke nde'te Nsi njoṅ ngelaṅ fa ntùm Ywèle; bin zi tshùalo num bwe ntùm njoṅ nekagtùn fa, nke nde'te Nsi num njoṅ ben nelàn fa,

Nebwôgte 10:16

Ndùlala, a bwô bin kaṅ ntù zine, ke bèn nke ntùn be tu nèn mbwe.

Nebwôgte 30:6

Tshùaben Nsi o nsi fà kaṅntù wù bin nzwil o, a tshùa ndùlala o ke nkô i ngô ntù o fa mba zwiag so fa, ntôg ndùlala njôge.

Filipi 1:1

Paulo mba Timôtio, ghafa' Kristô Yésu, num njoṅ ben nelàn fa num Kristô Yésu tse bo be Filipi boa ghalôte mba ghafa' là.

Filipi 3:12

Ke b'a ndù m'a tshùbe, ke b'a ndù m'a miagte nezine, là me ke nànt'a ndù me tshùbe, mba Yésu Kristô na' ntshùb tu wul àm nà.

Filipi 3:14

me tshwèt nànte nèn dù' ze me nèn nà, ndù me kwé ntsho'ngu' mfe tù, ntsho'ngu' netsiaṅ Nsi num Kristô Yésu.

Kolosé 2:11

A b'a num i ze bin si ket, nesi ket ze bu mènntùn ke' bèn ngù là, nesi ket z'a b'a nesô wut là, tshù ze nesi ket Kristô là:

Yuda 1:20

Fèt tshàm tse nkôni, là bin, bin kut wut tsin num bamntù zin ze nelàne, bin le'te Nsi ntùm Ywèt Nelàne,