Filipi 3:10 - NTSHOB NSI

¹⁰ ndù me lèn i mba neta ze nelo num vù, mba ndù me tamte ntùm nge' tse, ngù mfuni vù se num àm,

Filipi 3:10 Iomraidhean Croise

Yérémia 9:23

Là, mèn z'a kô nenyàmte wul i là, nyàmt'é nummb'a ghù zenu, mbèn ndèn àm, ndèn ndù me b'a Tshùaben, z'a be ngù bwôntù, nu ndaṅndaṅ bo nunetsin num nsitsha' là; nummbe me ke tsiaṅt'a num yen nu là. Tshùaben bèn ntshobe.

Matio 20:23

A tshob bo ndù: A nenùne, bin nsi nu ntu' àm; là, mbe se' mba netswe num bag bu àm ze zwim mba ze kwéb là, a ke' b'a me bèn fà yen nà, là, a b'a ju ben tse Tàa na' nabte num bo là.

Yohané 10:18

Sàm mèn ke' kwé i me, là me bèn mfà i tu wul àm. Me ghù ngù' nefà i, me bèn ngù ngù' nekwé i mo' yoṅ i, yen ni b'a ntshù' me na' nkwé Tà là.

Yohané 17:3

Là yen ni b'a yôg matmat ndù bo lèn o, wù z'o be nda' ta' Nsi ntshù' ze nenùn nà, mba mèn z'o tum i là, Yésu Kristô.

Roma 8:17

A be ze bag à bin b'a bon nà, mba mba bag à bin b'a jùndà, jùndà Nsi, jùndà bag à bin Kristô: A be ze bag à bin bo be ntamte njen nge' kua' nenùne, ndùlala ndù bag à bin bo se' ntsho ntùm nkuni là.

Roma 8:29

Nummbe ben ts'a lèn yub tà fe mbwe là, a lo bèn nabte yub tà fe mbwe, ndù bo be mfuni Mén i, ndùlala ndù a be tuswe Tà netèt fètfèt yàme.

Roma 8:36

Ndaṅndaṅ mba bo kite ndù: Bo num nzwi yag njoṅ lé'njù fa num o, bo lo' yag mba njùmbwe tse bo zwi yub là.

2 Korintô 1:10

A yi bèn nsô yag ntùm lèn sen vù là, a nsi bèn sô yag bwe; bag num nywinte ndù a nsi bèn sô yag bwe mo' yoṅ i,

2 Korintô 1:5

Ndaṅndaṅ mba nge' Kristô be njàm bag ntshùate là, be ndaṅndaṅ nefite ntù tshag njam Kristô yàm ntshùate.

2 Korintô 13:4

Mba mba bo na' nkwimt'é num fanta'tù num nebot là, a b'a kua' ntùn num neta Nsi. Mba bag yag tse bag be ben nebot num i là, bag à bo nsi be ntùn num neta Nsi.

Galatia 2:20

A ke b'a me bèn mbèn nke njôge, là, a b'a Kristô z'a tshwèt njôg num àm nà. Ndonni, me ke njôg à ntùm mbàb wut, mbèn nke njôg à ntùm bamntù num Mén Nsi z'a kô àm, mbèn mfà tu wul i num tu àm nà.

Galatia 6:17

Ndonni kà sàm mèn bèn ngùtni àm, nummbe nsa' Kristô num num àm.

Efésô 4:13

tà kum ngelaṅ njoṅ be fa nsi kum ntùm bamntù ntshù', mba nelèn Mén Nsi, tamte tù' kua' ko' mèn ntùm mfi' ntse Kristô z'a dun nà.

Filipi 3:8

Kua' nenùne, me lo' njoṅ i fa mba bi là num nelèn Kristô Yésu Tshùaben àm z'a tshùate là; me lo bi njoṅ i fa num i, me num ndo' njoṅ i fa mba ju neghua' là, ndù me ghù Kristô;

Kolosé 1:24

Ndonni me tshwèt ntsiaṅte ntùm nge' tshàm num tu bin, nke nzwiagte tshu ts'a tsi num nge' Kristô ntùm mbàb wul àm nà num wul i z'a be ntse'te benkristô,

Kolosé 2:13

Bin tse bin na' mbe ben nekwù ntùm mfànnu mba ntùm nebe ke si ket mbàb wut zin nà, Nsi lo ghù bin yôg bin à Kristô, ndagte njoṅ mfànnu be fa be,

Kolosé 3:1

Ndùlala, a be ze bin à Kristô bam num vù là, bin diag tshu mfe tù dù' ze Kristô tswe nsi num bag bu Nsi ze zwim nà.

1 Pétro 1:3

Ghamte be Nsi mba Tà Tshùaben be Yésu Kristô: Ntùm kondèn i ze ndùb, a lo bèn mbwe be njam nelo num vù Yésu Kristô ndù be ghù nenywinte z'a be ntùn nà,

2 Pétro 1:13

Me lo' yen ni mba njo là nekam zin num miaglo ntùm ntag màm, njoṅ ngelaṅ fa ze me ke' ntùm yen ntàb li là.

1 Yohané 2:3

A be ze bag à bin ze ntshù' mi là, mba bag à bin lèn ndù be lo lèn i.

1 Yohané 2:5

Là mèn z'a lé' ntshob mi là, kua' nenùne, mba nkôni Nsi bwô miagte num i.

Apokalipse 1:18

me b'a ntùn; me lo kwù, tshù me b'a ntùn num ngu'ngu', me ghù fùn vù mba fùn ngô fe ben.