Filipi 3:1 - NTSHOB NSI

¹ Fèt tshàm, ndonni bin tsiaṅte num Tshùaben. Me ke' be lô nekite be tshu ntshù' bin, nummbe a' tomte zine.

Filipi 3:1 Iomraidhean Croise

1 Kronika 15:28

Njoṅ ba Israél fa lo' à tshu'te tsiaṅte, num nze ba mandô, ba nta boa ba netsha'a, nze ndoṅ boa ndoṅ nse', kà nket Koṅ Kàn Tshùaben nko' nèn yi Yérusalém.

1 Kronika 16:10

Bin ta' nsoṅ num lén se se nelàne! A bwô ndù ntù ben tse bo num ndiag Tshùaben nà ke ntsiaṅte.

1 Kronika 29:22

Bo jù mbèn nu mbwe Tshùaben ntùm tsiaṅte ndùb; bo ghom Salomon nshum David fen num mbatte bàa, njo' i mbwe Tshùaben mba mfen nà. Bo yo' Tsadok mba ngafà jule'te là.

Néhémi 8:10

Néhémi tshob bo ndù: Bin nèn mfèt mbàb nzile, nu neta ndu' mi à botte là. Bin tum mo' bag i ben tse bo ke' na sàm ju là, nummbe bo fà sen lé'njù li Tshùaben be. Kà bin neghùtni wut tsine, nummbe tsiaṅte Tshùaben nsi bèn mbe zin neta.

ṄWA'NI YOB 22:26

Nganeta Ntshùate nsi be tsho tsiaṅte, o ke mbù' tu o nsi ndôte miag Nsi.

Yobkwi 149:2

A bwô ndù Israél ke ntsiaṅte num Mbom i, bon Sion ke ṅwate num mfen yub.

Yobkwi 32:11

Ben netsin, bin tsiaṅte num Tshùaben, mbe ntùm ṅwate. Bin tse ntù tsin làn nà, bin fà nze zin tù ntùm tsiaṅte.

Yobkwi 33:1

Ben netsin, bin tsiaṅte num lén Tshùaben! Ghamte be mbe mebwô ben tse bo ghù ntù netsin nà.

Yobkwi 37:4

Yab yu tsiaṅte num Tshùaben, a nsi fà ju ze ntù o tshwèt nkô là wù.

Yobkwi 42:4

Ntsenyà màm b'a yàm jujù; mbwôgtshù mba tèttswe'. Ngelaṅ bo be ntshob me njoṅ ndù fa ndù: Nsi o b'a yà là.

Yobkwi 5:11

Nsi, lo' yub mba ghavù ntsha là, ghù bo vù nsi ntùm njabnu mube, ta' yub mbwe o num nukebwô tshob ts'a yàm neshu là. Yoṅ yub mbwe o num tatu yube.

Yobkwi 97:1

Tshùaben tshwèt nsa' njù; tsha' tswe ntùm tsiaṅte. A bwô ndù ba ngô tètntse ts'a yàm nga' mbu là tsiaṅte.

Esaya 41:16

O nsi ke'te yube, fetmbaṅ ket yub nèn yi. Zim nsi sate yub fa. Là wù, o nsi tsiaṅte num Tshùaben. O nsi yab yu ghamt'â num Mèn Nelàn Israél.

Esaya 61:10

Me nsi tsiaṅte num Tshùaben. Ntù àm nsi dun ṅwate num Nsi àm, nummb'a ma' nzwe yôg num àm, ndaṅndaṅ mba tshe' ndu ngon be nkwi wul i, ndaṅndaṅ mba nkwa mi ménngon be nkwi wul i yi kà ntsin mbwe ndu i là.

Esaya 65:14

Ghafa' tshàm nsi yob nkwi ntùm tsiaṅte z'a ntù bo là, là, tu wut tsin nsi ke kua' ntùm zwe z'a ntù bin nà. Bin nsi làn wut tsine, nummbe ntù tsin nsi tum mum nge' z'a tsho zin nà.

Yoél 2:23

Bon Sion, bin ṅwate, bin tsiaṅte num Tshùaben Nsi zin nummb'a nsi fà mbaṅ sàn bin, ndo' ngù mebwô yi. A ghù mbaṅ ndùbndùb lo num bin, ngù mbaṅ sàn mba mbwe mbaṅ lo, mb'a na' mbe mbwembwe là.

Sofoni 3:14

Tshag nz'o tù ntùm tsiaṅte me ngon Sion! Tshag nz'o tù ntùm ṅwate me Israél! Tsiaṅte, ṅwate njoṅ ntù o fa num yu netshùa ntsho me ngon Yérusalém!

Sofoni 3:17

Tshùaben Nsi o b'a netèl o, a b'a mba ngayob ngu' là, sa'nde' z'a be njôg be. A nsi lo' o ghù ze mà tsiaṅte ndùb yi; a nsi tswe ntshu mi' ntùm nkôni; a nsi ghù ṅwate yàm num tu o.

Sakaria 10:7

Efraim nsi be mba ngayob ngu'u là; ntù tshob nsi ghù tsiaṅte ze ndu' fà là. Bon tshob nsi yen i be ntùm ṅwate. Ntù tshob nsi tsiaṅte num Tshùaben.

Matio 5:12

Bin tsiaṅte, ṅwate ntùm tsiaṅte, nummbe ntsho'fa' min b'a mi ndùb mfe kamànyam, a be ndaṅndaṅ mba bo na' ntsho' nku ghatshob ntshob Nsi tse bo be mbwe bin nà kebàn nà.

Lukas 1:47

Ywèt tshàm tsiaṅte num Nsi ngayôg àm.

Roma 5:11

Ke b'a nda' ndùlala, bag à bin num nta' nsoṅ num Nsi ntshùa njam Tshùaben be Yésu Kristô z'a fà netamte be fe ndonni là.

2 Korintô 13:11

Fèt tshàm, ndonni bin tsiaṅte, bin tsin num manze mebwô, bin ke ntagte wut tsin bin bin. Bin ghù nkwate ntshù', bin tswe ntùm fite, Nsi nkôni mba fite be bin.

Efésô 6:10

Njôg mbe, bin be ben neta num Tshùaben mba ntùm ngù' neta i.

Nebwôgte 12:18

Là, a b'a mbwe Tshùaben Nsi o z'o nsi jù bwe là, mb'a kua' dù' z'a tsho' là. O nsi jù à bwe bin nshum o, ngon o, ngafa' o ze mandum mba ze mènnzwi, mba mèn Lévi z'a be la' o là; a b'a mbwe Tshùaben Nsi o z'o tsiaṅte bwe num bon tshu ntùn ts'o ghù ndù Tshùaben bèn mfà wù là.

Nebwôgte 16:11

O nsi tsiaṅte ntùm dù' ze Tshùaben Nsi o tsho' nete lén se bwe là, mbwe tu wul i, wù bin nshum o, ngon o, ngafa' o ze mandum mba ze mènnzwi, mén Lévi z'a la' o là, ngùn, ménntse mba mfôg mènnzwi tse bo be ndà o là.

Filipi 3:3

Nummbe bag à bin bèn mbe nesi ket ze nenùne, be tse be num mfa' ntùm Ywèt Nsi là, be tse be num nta' nsoṅ num Kristô Yésu, be tse be ke' be nywinte num mbàb wut là.

Filipi 4:4

Bin tsiaṅte num Tshùaben njoṅ ngelaṅ fa, me tshob bin mo' yoṅ i ndù bin tsiaṅte!

Filipi 4:8

Fèt tshàm, ndonni njoṅ tshu nenùn fa, njoṅ tshu neghamte fa, njoṅ tshu netsin fa, njoṅ tshu nelàn fa, njoṅ tshu nkôni fa, njoṅ tshu ntshob mebwô fa, a be ze ju bwô là, a be ze ju ku'ni nenyàmte là, bin kwate tshen tshu là.

1 Tésalônikà 4:1

Fèt tshag, ndonni bag le'te zine, ntsiaṅ zin num lén Tshùaben Yésu: Me lo tswite zin mb'a bwô ndù bin zine, kà mbwô Nsi là, a ndaṅndaṅ mba bin tshwèt nzin nà, bin ghù ntshùate.

1 Tésalônikà 5:16

Bin ke ntsiaṅte njoṅ ngelaṅ fa,

Yakobo 1:2

Fèt tshàm, bin lo' yen nà mba tsiaṅte là, ngelaṅ ze nzenze laṅte vù num bin nà,

1 Pétro 3:8

Miagtenu b'a ndù bin ghù nkwate ntshù', ntamte njen nge', ndun nkôni fètfèt mba kondèn, ntùm nefà wut nsi,

1 Pétro 4:13

Là bin tsiaṅte mba bin tamte bin à Kristô ntùm nge' tse là, ndù bin bèn ntsiaṅte ntùm tsiaṅte ngelaṅ Kristô tswite nkuni mi là.

2 Pétro 3:1

Fèt tshàm tse nkôni, yen ni b'a mbatte ṅwa'ni bàa ze me kite bin nà; ntùm tshen ṅwa'ni là, me num nkam zin num miaglo ntùm ntag màm, ndù bin ghù zenu nelàne,

1 Samuél 2:1

Ana le'te Tshùaben ntshob ndù: Ntù àm tshwèt ntsiaṅte num Tshùaben, Tshùaben lo ghù me bù' tu àm tù me lo gha' ntshu àm num ghakeban tshàm, nummbe me tshwèt ntsiaṅte num ywimte Tshùaben.