Filipi 2:9 - NTSHOB NSI

⁹ A ndùlala, Nsi lo bù't'é tù, mfà lén s'a tshùa njoṅ ndèn fa là yi ntùm kondèn,

Filipi 2:9 Iomraidhean Croise

Neto'te 3:15

Me nsi yab nkembàn netèl o bin mènnzwi, netèt nzwil o bo ze nzwit. Nzwil i nsi ke nya' tu o, tu wul o, o ke nya' i, tshôg tun ku i.

Yobkwi 110:1

Yobkwi David. Tshù, Tshùaben Nsi tshob Tshùaben àm mfen ndù: Tswe num bag bu àm ze zwim, tà nkum ngelaṅ ze me nsi yab ghakeban tsho tun nku mu ndù bo be nko' nku mu là.

Yobkwi 110:5

Tshùaben b'a num bag bu o ze zwim, a be mbe'te fenfen mum lé'njù yantù se,

Yobkwi 89:27

Tu wul i nsi tsiaṅ lén sàm: O b'a tàa. Nsi àm mba gholoṅ yôg sàm!

Yobkwi 91:14

Mb'a be nkô àm nà, me nsi tshu' i; me nsi tshètt'é mb'a lèn lén sàm nà.

Esaya 52:13

Yen mbe ngafa' àm nsi sine, ku'u; a nsi zi, bo nyàmt'é.

Esaya 53:12

A ndùlala, me nsi fà ze dù' boa ben ndùbndùb. A nsi ghabte ntsha' boa ben neta, nummb'a lo fà wul i vùkob ze tu, bo bèn njab i netèt ben kebwô, nummb'a ket nukebwô benntùn yàme, mbèn nke mbu' mbu Nsi num tu ghavù ntsha.

Esaya 9:7

Tshùaben tshob ta' ntshob num Yakob, mbe ndù men ntshob là nsi vù num Israél.

Daniel 7:14

Bo fà netô yi, mfà nkuni yi, mfà nufen yi. Njoṅ nzwit benntùn fa mum ntshob nzenze nke mfa' yi. Ze netô b'a netô yen nà z'a ke nsi mi, ndù a tswe matmat là. Sàm ju ke nsi bagte nufen se.

Matio 11:27

Tà lo fà njoṅ tshu fa me; sàm mèn ke' lèn Mén, mb'a nda' Tà; sàm mèn ke bèn ndèn Tà, mb'a nda' Mén, mba mèn ze Mén kô nela't'é yi là.

Matio 28:18

Là Yésu se' mbaṅ bo ntshob men ntshob li bo ndù: Nsi fà njoṅ ngù' fa me fe kamànyam mba num nsitsha'a.

Lukas 10:22

Tàa lo fà njoṅ tshu fa me; sàm mèn ke' lèn mèn ze Mén be yi là, mb'a nda' Tà; sàm mèn ke bèn ndèn mèn ze Tà be yi là, mb'a nda' Mén, mba mèn ze Mén kô nela't'é yi là.

Yohané 13:3

Yésu be lèn ndù Tà lo fà njoṅ tshu fa ntùm mbu mi, ndù a fe à Nsi, mbèn nke nèn tèl à Nsi,

Yohané 17:11

Me ke' bèn mb'a ntùm njù, là bo b'a ntùm njù; mba me là me tshwèt nse' tèl o. Tà ze nelàn, lé' ben ts'o na' mfà yub me là ntùm lén su, ndùlala ndù bo be ntshù' ndaṅndaṅ mba be là.

Yohané 17:12

Ngelaṅ me be bag à bo là, me lo lé' ben ts'o na' mfà yub me là ntùm lén su. Me lo zi tshùalo num bo, sàm mèn netèt bo ke' bi, mb'a nda' mèn nebi, ndùlala ndù ṅwa'ni Nsi bumte.

Yohané 17:5

Ndonni, wù Tà, kuni àm mbaṅ tu wul o lèn nkuni mi me ghù mbaṅ o, kà njù njôg mbe là.

Mfa' Ghantum 5:31

Nsi bù' i bu i ze zwim, a be mfen mba ngayôg benntùn, ndù a fà nekaṅ ntù mba nelagte nukebwô Israél.

Efésô 1:10

A nsi ghù njoṅ i fa ngelaṅ lé'njù nsi dune, a tamte njoṅ tshu fa ts'a be mfe kamànyam mba num nsitsha' là, te njam Kristô z'a be tu là.

Kolosé 1:18

A b'a tu wut ntse'te benkristô; a b'a neto'te, mbe tuswe netèt fe ben, ndùlala ndù a be mbwe mèn ntùm njoṅ i fa,

2 Tésalônikà 1:12

a nsi tshùa ndùlala, lén Tshùaben be Yésu be neghamte num bin, a ghamte zin num i, njam kondèn Nsi be mba Tshùaben Yésu Kristô.

Héber 1:4

a tù' mèn ndùb ntshùa ba Angél, lén s'a kwé ntùm ntsi' là kwé mbwe ndèn ba Angél.

Héber 1:9

o lo kô nunetsin, mbàn nukebwô, a ndùlala, Nsi, Nsi o lo yo' o mfèt neṅwate ntshùa shunku tsho,

Héber 12:2

nte miag num Yésu z'a be neto'te mba nemiagte bamntù là, yi z'a na' nga tsiaṅte ze be la'te yi, njen nge' fanta'tù, ngwag tuswe, ntswe nsi num bag ko'fen Nsi ze zwim nà.

Héber 2:9

Là bag à bin yen mèn ze Nsi kôgt'é num mo' mén ngelaṅ mbwe ba Angél là, z'a tshùa njam nge' vù z'a yene, Nsi te nkuni mba ghamte num i là; njam kondèn Nsi, a lo bwô ndù a kwù num tu njoṅ benntùn fa.

1 Pétro 3:22

yi z'a nèn kamànyam, ntswe num bag bu Nsi ze zwim, ba Angél, ba ngù' mba ba neta fà wut nsi mbwe i là.

2 Pétro 1:17

Nummbe a lo kwé ghamte mba nkuni Nsi Tà, ngelaṅ nze mèn na' ntshob yi ntùm nkuni ndùb ndù: Yen ni b'a Mén àm ze me num nkô i, mbèn njab ntù àm fa num i là.

3 Yohané 1:7

Nummbe bo nèn num lén Tshùaben ke kwé sàm ju ghakelèn Nsi.

Apokalipse 1:5

mba njam Yésu Kristô, ngakwénta ze nenùne, tuswe mén netèt fe ben mba mfen fenfen num nsitsha' là. Ghamte be mèn z'a num nkô be, z'a lànte be num nukebwô be ntùm lem tse,

Apokalipse 11:15

Mbatte Angél sammbàa tô nta: Ba nze ndùbndùb tshob mfe kamànyam ndù: Nufen njù tù' se Tshùaben be mba Kristô i, a nsi be mfen num ngu'ngu'.

Apokalipse 19:16

Bo kite mo' lén num kum se mba num tammbwe i: Mfen fenfen ba Tshùaben.

Apokalipse 3:21

Mèn z'a tshùa ntsho là, me nsi ghù bag yi tswe num ko'fen sàm, ndaṅndaṅ mba tu wul àm na' ntshùa ntsho, ntswe bag Tàa num ko'fen se là.

Apokalipse 5:12

Bo tshob kua' nze neta ndù: Mén njùmbwe ze bo na' nse tô i là ku'ni nekwé ngù', fu', zenu, neta, ghamte, nkuni mba nyàmte.