Filipi 2:6 - NTSHOB NSI

⁶ Yi z'a be ndaṅndaṅ mba Nsi là, a lo ke tshùb yen dù' ndaṅndaṅ nà mbwe Nsi ntùm ghe'te,

Filipi 2:6 Iomraidhean Croise

Esaya 7:14

A ndùlala ze tu wut Tshùaben nsi fà ta' nsa bin nà. Tshù nsa mbit li: Ménngon nsi be jùm, bwe mén mandum, tswi lén se ndù Emmanuél, yen nà bagt'a ndù: Bag à bin Nsi bèn mbe.

Esaya 8:8

A nsi tsho Yuda, dun bwe, lo' njoṅ dù' fa. A nsi ko' tà kum tô mèn, sa mbu mi njoṅ bag fa. A nsi dun ntùm yu ngô fafa me Emmanuél!

Esaya 9:6

Nufen se nsi b'a ze ndùb, fite ke ndù i be num diaṅkwa tà njam i David bo nufen se. Tshùaben nsi te nufen se bèn tomt'é njam nu ndaṅndaṅ bo nunetsine, ndonni kà nèn miagte A b'a ju ze nkôni Tshùaben tàndà ntsho nsi ghù là.

Yérémia 23:6

Yuda nsi yôg num ze ngelaṅ fen, Israél tswe mebwô, ke ke mbwôge. Bo nsi ke tsiaṅ i ndù: Tshùaben b'a yag nunetsine.

Mika 5:2

A ndùlala, Nsi nsi ghua' yube, tà nkum ndùse mènnzwi z'a bwô ndù a bwe nsi bwe, tshé' fèt tse bèn njam ntamte num bon Israél là.

Sakaria 13:7

Ṅwi, lo nsi num yàm ngabéb mbwe, bo mèn z'a be nshunku àm nà. Tshùaben tàndà ntsho bèn ntshobe. Lab ngabéb mbwe, ndù njùmbwe sate! Yen ngelaṅ nà me nsi bù' bu àm nsi num tse nke'nke'e.

Matio 1:23

Tshù, ménngon nsi be jùm, bwe mén mandum, bo tswi lén se ndù Emmanuél, yen nà bagt'a ndù: Be à Nsi bèn mbe.

Yohané 1:18

Sàm mèn ke' yoṅ nto' yen Nsi; a b'a nkwi Mén Nsi ntshù' z'a be num ndàntù Tà là, a b'a yi bèn nto't'é.

Yohané 10:30

Me mba Tà, bag b'a ntshù'.

Yohané 10:33

Ba Yuda bùnte yi ndù: Bag ke' tamt'o ndoṅ à num fa' mebwô, là num tshabte: Nummbe o b'a mènntùn, nke ndo' tu wul o ngù Nsi yi.

Yohané 10:38

Là, a be ze me tshwèt mfa' là, bin ke bam àm nà, bin bam men mfa' là, ndùlala ndù bin lène, mbèn mbam ndù Tà num num àm, me be num Tà.

Yohané 14:28

Bin lo ju' mba me tshob bin ndù: Me tshwèt nène, bèn se' bin nà. A be ze bin kô àm nà, mba bin nsi tsiaṅte mba me tshwèt nèn tèt Tà là, nummbe Tà b'a mèn ndùb ntshùa àm.

Yohané 14:9

Yésu tshob yi ndù: Me tswe bag à bin ngelaṅ yàme, o ke' lèn àm ké Filibo? Mèn z'a yen àm nà yen Tà. O tshob ndù la'te Tà bag à ndùke?

Yohané 17:5

Ndonni, wù Tà, kuni àm mbaṅ tu wul o lèn nkuni mi me ghù mbaṅ o, kà njù njôg mbe là.

Yohané 20:28

Tomas bùnte ntshob yi ndù: Tshùaben àm mba Nsi àm!

Yohané 5:18

A tshùa num ndùlala ba Yuda bèn nke ndiag nezwi i, ke b'a nda' mb'a ke mbagte lé'njù Sabbat là, là num mb'a ke mbèn ntshob ndù Nsi b'a kua' Tàab, nke ndo' wul i ndaṅndaṅ mba Nsi là.

Yohané 5:23

ndùlala ndù njoṅ benntùn fa ghamte Mén mba bo be ngamte Tà là: Mèn z'a ke' be ghamte Mén nà, ke' be ghamte Tà z'a tum i là.

Roma 9:5

ba tà b'a tshobe; num ze mat mbàb wut, Kristô fe à bo, yi z'a tshùa njoṅ i fa là, Nsi ngambotni yoṅ ntshù'. Amén.

2 Korintô 4:4

ghakeban tse nsi yen njù li kag fù num nkwatenu mube, ndùlala ndù kà bo yen nka' z'a fe nkùn mebwô nkuni Kristô, z'a b'a mfuni Nsi là.

2 Korintô 8:9

Nummbe bin lèn kondèn Tshùaben be Yésu Kristô, yi ngankàb lo tù' mbwoṅ num bin, ndùlala ndù bin tù' ghankàb njam bwoṅ i.

1 Timôtio 1:17

Ghamte mba nkuni ngu'ngu' be mfen njoṅ njù fa, Nsi z'a ke' be kwù, ze bo ke' be yen i, z'a be nda' tù' i là. Amén.

1 Timôtio 3:16

Kua' nenùne, tsham neghamte Nsi b'a se ndùb: A lo tswite wul i ntùm mbàb wut, ntù' mèn netsin njam Ywèle, a lo la'te wul i ba Angél, bo lo tshob i netèt ghakelèn Nsi, bo lo bam i ntùm ntù, bo lo bù' i tù ntùm nkuni.

Titô 2:13

kà nke mbéb fen s'a be ntùm nenywinte là, mbéb nese' nkuni Nsi ndùb mba ngayôg be Kristô Yésu,

Héber 1:3

a b'a nkô nkuni Nsi mba mfuni tu wut Nsi, a num nket njoṅ tshu fa ntshob mi mi neta; a lo be miagte nelànte nukebwô, ntswe num bag bu Nsi ze zwim mfe tù;

Héber 1:6

A tshob ntùm mo' dù', ngelaṅ z'a ke mbèn nso tuswe i ntùm njù là ndù: A bwô ndù njoṅ Angél Nsi fa vù nsi mbwe i.

Héber 1:8

là ntshob num Mén ndù: Nsi, ko'fen so b'a ngu'ngu', mba ndù: Kôg nunetsin b'a kôg nufen se;

Héber 13:8

Yésu Kristô z'a lo mbe nkôg là, b'a be yi sènni kà nèn miagte.

Apokalipse 21:6

A tshob me ndù: Tu wul àm, me b'a Alfa mba Oméga, neto'te mba nemiagte. Tu wul àm, me nsi fà ntse mi me lo' ntùm tumnsintse yôg là mèn ze ntù i kù là banban.