Filipi 2:3 - NTSHOB NSI

³ Kà bin ghù sàm ju ntùm ntsha ke njam ghamte banban no, là ntùm nefà wut nsi, mba we lo netèt bin ke ndo' mo' mèn mb'a tshùa i là,

Filipi 2:3 Iomraidhean Croise

Tànkùt 13:10

A b'a nda' ko'tewut bèn nke ntènte ndù ntanta be nsi, là zenu be mbe boa ghaju' ntage.

Lukas 18:14

Me tshob bin ndù: Yen mèn ni lo be bèn njam ndà i ndù nu i tsin, ze mo' ke tsin. Nummbe mèn z'a num ndo' wul i nèn yi tù là, bo nsi tèn i fà nsi; mèn z'a num ndo' wul i nèn yi nsi là, bo nsi bù' i fà tù.

Roma 12:10

Bin tshùa num nkôni fètfèt nke nku'ni wut tsin bin bin, mba we lo ke ndo' mfèl i mb'a tshùa i là.

Roma 13:13

Bag à bin zin mb'a bwô là, mba bon mbwôgtshù là, ke b'a ntùm neyôg yôg kebwô ke yôg ngùa lo, ke b'a ntùm nediag ntsha, ke ghe'te lo,

Roma 2:8

a nsi fà yantù mba tshùagntù ghadiag ntsha, ghakebam nenùne, là ghabam nuketsin;

1 Korintô 15:9

Nummbe tu wul àm b'a metsit mèn netèt ghantum, me ke' ku'ni ndù bo tsiaṅ àm ngantum, nummbe me lo tsho' nku ntse'te ben Nsi kebàn.

1 Korintô 3:3

nummbe bin ke' à ben mbàb wut. Tshù, ghe'te mba ntsha ke' netèt bin; bin ke b'a ben mbàb wut ké? Bin ke ke nzin à num ze mat mènntùn ké?

2 Korintô 12:20

Nummbe me tshwèt mbwôg nese' la' bin, ke tèt zin mba me kô là; mbèn mbwôg nese' la' bin, bin yen àm mba bin ke' kô là, me tshwèt mbwôg ndù kà nediag ntsha, ghe'te, tshùagntù, ntsha, nebagte lén mèn, netsin tsham, ko'tewut, tshu'tu be netèt bin.

Galatia 5:15

Là, a be ze bin num nke ntshôgte mbèn mfèt wut tsin bin bin nà, bin zete ndù kà bin sate wut tsin bin bin.

Galatia 5:26

Kà bag à bin diag nkuni banban, kà bag à bin ke nkam ntsha be be, ke bèn nke nge'te netèt be, be be.

Efésô 4:2

ntùm nefà wut nsi, ntùm nefite mba ntùm nefènte, nke mfènte wut tsin bin bin ntùm nkôni,

Efésô 5:21

Bin ke nju'ni bin bin ntùm nebwôg Kristô.

Filipi 2:14

Bin ghù njoṅ i fa ke tshobte tun ntô, ke ta ntshu,

Kolosé 3:12

Ndùlala, bin Nsi tsho' zine, bin ben nelàn mba tse Nsi kô zin nà, bin ma' kondèn, bwôntù, nefà wut nsi, fite, fènntù num bin,

Kolosé 3:8

Là ndonni, mba bin zin ghua' njoṅ tshen tshu là fa: Yantù, tshùagntù, nukebwô, netshabte, ntshob kebwô, bin ghua' njoṅ tshen tshu là fa num ntshu bin.

1 Timôtio 6:4

mb'a b'a mèn ze ko'tewut ma' fù miag i là, a ke' lèn sàm ju, a ghù ngokèt tantshu mba ntshob banban, dù' ze ghe'te, ntsha, tshabte, nkwate kebwô tum bwe là.

1 Pétro 3:8

Miagtenu b'a ndù bin ghù nkwate ntshù', ntamte njen nge', ndun nkôni fètfèt mba kondèn, ntùm nefà wut nsi,

1 Pétro 5:5

Be ndaṅndaṅ, benkristô, bin fà wut nsi mbwe ghakwé mbwe. Njoṅ zin fa ke mfà wut nsi bin bin, nummbe Nsi be ntshètte ghako'tewut, là, a num mfà kondèn ghafà wut nsi.