Filipi 2:2 - NTSHOB NSI

² bin zwiagte tsiaṅt'àm, yen nà b'a ndù bin kwate ju ntshù': Bin ghù nkôni ntshù', mbe ntù ntshù', bin ghù ta' nkwate ntshù'.

Filipi 2:2 Iomraidhean Croise

Yobkwi 122:8

Num nkôni fèt tshàm, shun tshàm, bam ndù me tshob ndù: Fite be wù.

Yohané 3:29

Mèn z'a ghù mènnzwi là b'a ndu mènnzwi, nshun ndu z'a tsin nsen nà, nju' nz'é là, tsiaṅte ntùm tsiaṅte neju' nze ndu. Yen tsiaṅte là z'a b'a yàm nà dun.

Mfa' Ghantum 1:14

Bo lo ke nkagtùn njoṅ yub fa ntùm ntù ntshù' ntùm le'te Nsi boa bènnzwi, mba Maria mà Yésu mba fèt Yésu.

Mfa' Ghantum 2:1

Lé'njù Pentekôte lo be se' ndù njoṅ yub fa tse'te dù' ntshù'.

Mfa' Ghantum 2:46

Bo nke nkagtùn nèn Ndà Nsi njoṅ lé'njù fa ntùm ntù ntshù', nke mbe'te bàn, mbèn nke njù jujù yub ntùm tsiaṅte mba ntùm nefite ntùm ndà tshobe,

Mfa' Ghantum 5:12

Tshùaben lo ke ntshùa njam ghantum, ngù nsà mba tshu netshàm yàm netèt benntùn. Njoṅ yub fa nke ntse'te ntùm ntù ntshù' bam ntshundà Salomon.

Roma 12:16

Bin ghù be nkwate ntshù' bin bin; kà bin ko'te nkwatenu mine, là bin ghù ndù nefà wut nsi tshagte zine. Kà bin yen wut tsin mba ghazenu là.

1 Korintô 1:10

Fèt tshàm, me tsiaṅ zin num lén Tshùaben be Yésu Kristô; bin be ntshu ntshù', kà fagte be netèt bin, là bin tamte ntùm ta' ywèt ntshù' mba ntùm ta' nkwate ntshù'.

2 Korintô 13:11

Fèt tshàm, ndonni bin tsiaṅte, bin tsin num manze mebwô, bin ke ntagte wut tsin bin bin. Bin ghù nkwate ntshù', bin tswe ntùm fite, Nsi nkôni mba fite be bin.

2 Korintô 2:3

Me lo kite yen n'a ndù kà ben tse me tshwèt nywinte tsiaṅte bo là fà ngùtni me, ngelaṅ me nsi se' là, nummbe me tshwèt nywinte ndù tsiaṅt'àm b'a ze njoṅ zin fa.

2 Korintô 7:7

ke b'a nda' num ze nese'e, là mba num nefitentù ze bin na' mfite ntù i yi là, nummbe a soṅ yag zin nekù ntù, ntsenyà min mba nkôni min num àm, ndùlala me bèn ntsiaṅte neshu.

Filipi 1:4

njoṅ ngelaṅ fa, ntùm njoṅ le'te Nsi tshàm fa, num njoṅ zin fa, me num nde'te Nsi ntùm tsiaṅte;

Filipi 2:16

nke nket ntshob yôg ndù bin be nta'nsoṅ me mum lé'njù Kristô là, nummbe me lo ke kù nde à banban, ke bèn ngùtni wul àm à banban.

Filipi 2:20

Nummbe me ke' ghù sàm mèn z'a ghù nkwate num bin mba yi, nke nywin kua' nenùn num zin tshô là.

Filipi 4:2

Me le'te Evôdia, me le'te Sintiké ndù bo ghù nkwate ntshù' num Tshùaben.

Kolosé 2:5

mba mba tu wul àm ke' be netèt bin nà, mba bin ta ntùm bamntù zin num Kristô là,

2 Tésalônikà 2:13

Fèt tshag, bin tse Tshùaben kô zin nà, a bwô ndù bag ke ndabte Nsi num tu bin njoṅ ngelaṅ fa, nummbe Nsi lo tsho' zin fe neto'te num yôg ntùm nelàn Ywèle, mba ntùm bamntù nenùne.

2 Timôtio 1:4

me tshwèt nkù ntù neyen o, me kwimte ntsenyà mo, ndù me dun tsiaṅte.

Filémon 1:20

Mfèl àm, ṅ, bam ndù me jù bin o num Tshùaben; tswe'te ntù àm num Kristô.

2 Yohané 1:4

Me lo tsiaṅte neshu mba me na' njen tsemo' bon tshu, bo nke nzin ntùm nenùne, mb'a be ntùm ntshù' mi bag na' nkwé Tà là.

3 Yohané 1:4

Me ke' ghù mo' tsiaṅte ndùb z'a tshùa neju' ndù bon tshàm tshwèt nzin ntùm nenùn nà.