Filipi 2:12 - NTSHOB NSI

¹² Ndùlala, fètfèt tse nkôni, bin ke nju' ntshu be ndaṅndaṅ, ke b'a nda' ngelaṅ me be netèt bin nà; là bin ghù ntshùate ngelaṅ me be ngùanesà là, bin fa' num ko' yôg sin ntùm bwôg mba nevètte.

Filipi 2:12 Iomraidhean Croise

Esdra 10:3

A bwô ndù bag à bin Nsi be wat kàn ndonni, ndù bag nsi ta' tshen bènnzwi là fa boa bon tse bo bwe là, ghù ndaṅndaṅ mba tshùaben àm boa ben tse bo be mbwôg ntshù' Nsi be nsi tshob bag là. A bwô neghù à kua' mb'a ntùm ntshù' là.

Yobkwi 119:120

Mbàb wul àm be mvètte bwôg num o, me nke mbwôg tsho tsho'te ntsha.

Yobkwi 2:11

Bin fa' Tshùaben ntùm nebwôge, bin ke ntsiaṅte ntùm nevètte,

Tànkùt 10:16

Nkàbfa' mèn netsin be mfà yôg, ntsho'fa' ngatshùagntù nke njam nukebwô.

Tànkùt 13:4

Ntù ndô be nkô tshu tse be mbu mi ke ku' bwe là, là mba ke lo ntù ghafa' kô là, bo ku'ni neghù.

Esaya 66:2

Mbu màm bèn nabte njoṅ tshen tshu là fa. Njoṅ i fa be ntùn à mba me bèn nkô là. Tshùaben bèn ntshobe. Tshù mèn ze me nsi te lag num i li: A b'a num mèn z'a tshwèt njen nge', ndù ntù i bot, a nke mvètte mbwe ntshob màm nà.

Esaya 66:5

Bin ju' ntshob Tshùaben, njoṅ zin fa tse bin be mbwôg ntshob mi là. Tshù ju ze fèt tsin tse bo num mbàn zine, nke ma' zin njam num lén sàm be ntshob li: A bwô ndù Tshùaben la'te nkuni mi, bag yen zin tsiaṅte. Nda' ndù tuswe nsi ko yube.

Matio 11:12

Fe num tse lé'njù Yohané nganyu' benntùn ntse tà nse' nkum ndonni, bo tshwèt nkagtùn netsho ntùm nufen kamànyam ntùm neta, ben neta tshwèt ntsho bwe tùn.

Matio 11:29

Bin ket sàm kele'e, nzi'te yàm nu; me b'a mèn nefite mbèn mbe ngafà wut nsi ntùm ntù, bin nsi fon fite mum ntù tsine.

Mfa' Ghantum 16:29

Ngabéb ndàtsha bètte nka' nkù nde nèn tshaṅ ndàtsha, ngwù num nku Paulo mba Silas, nke mvètte,

Mfa' Ghantum 9:6

Là, lo tù ntsho ntùm ngô, bo nsi tshob ju z'a bwô ndù o ghù là wù.

Roma 2:7

A nsi fà yôg matmat ben tse bo num nkagtùn ntùm mfa' mebwô, nke ndiag ghamte, nku'ni mba nebe ke kwù là;

1 Korintô 15:58

Fèt tshàm tse nkôni, ndùlala kà bin magte, kà bin nyi'te, bin dun nkôni nefa' fa' Tshùaben njoṅ ngelaṅ fa, ndèn ndù fa' sin ke b'a banban num Tshùaben.

1 Korintô 2:3

Mba me là, me lo be netèt bin à ntùm nebwôge, mba ntùm nevèt yàme.

1 Korintô 4:14

Me ke' kite yen ni à nelo' ma' tuswe yi num bin, a b'a nelo' ntagte zin yi mba bon tshàm tse me num nkô yub là.

2 Korintô 7:15

nkôni i num bin num njàm ntshùate ngelaṅ z'a tshwèt nkwimte zin neju' ntshu, mba mba njoṅ zin fa na' ndo' i ntùm nebwôge, mba nevètte là.

Efésô 6:5

Ba kuan, bin ke nju' ntshu tà tsin tse mbàb wut ntùm nebwôge, mba nevètte, bin ke nju'ni bo ntù mebwô mba bin ke nju'ni Kristô là,

Filipi 1:27

Nda' ndù bin zin mba bonla' là, mb'a ku'ni num nkùn mebwô Kristô là. Ndùlala ndù me yene, a be ze me se' la' bin nà; nju'u, a be ze me ke' se' la' bin nà. Ndù bin tsin tù ntùm ta' Ywèt ntshù', njam bamntù nkùn mebwô, ntamte, nke nde' ntsho ntùm ntù ntshù',

Filipi 1:29

Yen nà b'a ndù Nsi lo fà kondèn bin num Kristô, ke b'a nda' ndù bin bam i, là ndù bin yen nge' num i,

Filipi 1:5

me num ndabte Nsi mba bin tamte num neywimte fa' nkùn mebwô fe mbwe lé'njù tà nse' nkum sènni là;

Filipi 1:6

me yab ntù àm num yen nà: Mèn z'a to' sen fa' mebwô là num bin nà, a nsi miagt'é tà kum mum lé'njù Kristô Yésu.

Filipi 2:19

Me tshwèt nywinte num Tshùaben Yésu netum Timôtio bin ndende, ndù mba yàm ntù tswe'te, ngelaṅ me nsi lèn zin tshô là.

Filipi 4:1

Fèt tshàm tse nkôni, tse me tshwèt nkù ntù num bo là, tsiaṅt'àm mba tshe'ngu' sàm, fèt tshàm tse nkôni, bin tsin tù num Tshùaben.

Filipi 4:15

Bin ba Filipi, bin lèn ndù fe ngelaṅ me to' netshob nkùn mebwô là, ngelaṅ me lo Makédônia là, bag sàm ntse'te benkristô lo ke gha' ṅwa'ni nkàb, mb'a nda' bin.

1 Tésalônikà 1:3

Bag num nkwimte fa' bamntù zine, nke nkwimte fa' nkôni sine, nke nkwimte zin neju' ntshu ntùm nenywinte num Tshùaben be Yésu Kristô mbwe Nsi z'a be Tà be là.

2 Timôtio 2:10

A ndùlala, me tshwèt mfènte njoṅ i fa num ben tse Nsi tsho' yub là, ndùlala ndù mba bo yub kwé yôg s'a be num Kristô Yésu là, bo nkuni mi a tswe yoṅ ntshù' là.

Héber 12:1

Ndùlala, mba njoṅ tshen ghakwénta li diaṅ be mbum mba ndot là, be ghua' njoṅ lèt fa mba nukebwô z'a lat num be là, nkù nde ntùm fènntù, nkum dù' ze bo la'te be là,

Héber 4:1

Ndùlala, mba nka'ni netsho ntùm fit'é ke' là, bag à bin bwôge, nzete ndù kà sàm mèn netèt bin kwate ndù a fàn manze.

Héber 4:11

Bag à bin nànte ntùm yen fite là, mbwôg ndù kà sàm mèn fi'te nebe ke bam, ngwù nsi.

Héber 5:9

mbwô miagte, ntù' ntun yôg matmat num njoṅ benntùn fa tse bo num nju' ntshu i là,

1 Pétro 2:11

Fèt tshàm tse nkôni, me tsiaṅ zin tse bin b'a ghùn mba ghakatte là ndù bin kù ghe'te mbàb wut ts'a num ma' mèn ntsho là.

2 Pétro 3:18

là bin ku' ntùm kondèn mba nelèn Tshùaben be mba ngayôg be Yésu Kristô. Ghamte be yi fe ndonni tà nèn nkum miagte lé'njù. Amén.