Filipi 1:5 - NTSHOB NSI

⁵ me num ndabte Nsi mba bin tamte num neywimte fa' nkùn mebwô fe mbwe lé'njù tà nse' nkum sènni là;

Filipi 1:5 Iomraidhean Croise

Mfa' Ghantum 2:42

Bo nke nkagtùn ntùm ju nezi'te ghantum mba ntùm netamte fètfèle, nke mbe'te bàn, mbèn nke nde'te Nsi njoṅ yub fa.

Roma 11:17

Là, a be ze bo na' nkeb memo' nkaṅtù, a be ze bo lo' o, wù tù mà tshwèt, njab num dù' yube, o tamte bin ngatù mba nzit ten nà,

Roma 12:13

Bin tomte ben nelàn ntùm bwoṅ; bin ke nkù ntù nelo' ba ghùn.

Roma 15:26

Nummbe Makédônia mba Akaya lo yen ndù a bwô neghù ma'te num bwoṅbwoṅ netèt ben nelàn bo be mà Yérusalém nà.

1 Korintô 1:9

Nsi b'a mèn nenùne, yi z'a na' ntsiaṅ zin ndù bin tamte bin à Mén i Yésu Kristô, Tshùaben be là.

2 Korintô 8:1

Fèt tshàm, bag kô bin lèn kondèn ze Nsi fà ba ntse'te benkristô Makédônia là;

Efésô 3:6

Sen tsham nà b'a ndù mba ghakelèn Nsi be yub à jùndà, mbe be nkam wut ntshù' ngù yub bag i num nka'ni num Kristô Yésu njam nkùn mebwô,

Filipi 1:12

Fèt tshàm, me kô bin lèn ndù nu z'a na' ngù àm nà, ywimte ndù nkùn mebwô nèn à mbwe.

Filipi 1:16

Là tshen ben ni ke mfa' à ntùm nkôni, bo lèn ndù Nsi lo yab àm ndù me kwé nta nkùn mebwô.

Filipi 1:27

Nda' ndù bin zin mba bonla' là, mb'a ku'ni num nkùn mebwô Kristô là. Ndùlala ndù me yene, a be ze me se' la' bin nà; nju'u, a be ze me ke' se' la' bin nà. Ndù bin tsin tù ntùm ta' Ywèt ntshù', njam bamntù nkùn mebwô, ntamte, nke nde' ntsho ntùm ntù ntshù',

Filipi 1:7

Ndùlala, a b'a kua' nunetsin me ndù me kwate yen nu là num njoṅ zin fa, nummbe me num nket zin ntùm ntù àm, bin tse bag à bin zin fa tamte num kondèn, ntùm nkù tshàm, ntùm nekwénta mba ntùm netomte nkùn mebwô là.

Filipi 2:12

Ndùlala, fètfèt tse nkôni, bin ke nju' ntshu be ndaṅndaṅ, ke b'a nda' ngelaṅ me be netèt bin nà; là bin ghù ntshùate ngelaṅ me be ngùanesà là, bin fa' num ko' yôg sin ntùm bwôg mba nevètte.

Filipi 2:22

Là, mba yi là, bin lèn bamntù i ze nenùne, bag yi lo fa' nkùn mebwô mba tà bo mén nà.

Filipi 4:3

Ṅ, me bètt'o, wù ko' nshunfa' àm ndù o ywimte tshen bènnzwi là; bo lo le' ntsho num nu nkùn mebwô, bag à bo mba Klément mba tsemo' shun fa' tshàm tse ndèn mub be ntùm ṅwa'ni yôg là.

Filémon 1:17

Ndùlala, a be z'o be ndo' àm mba nshunku o là, o lo' i mba tu wul àm nà.

Héber 3:14

Nummbe bag à bin Kristô tamte, a be ze bag à bin tshùb mbwe bamntù be kua' mebwô tà nèn miagte là.

2 Pétro 1:1

Me Simon Pétro, nkuan mba ngantum Yésu Kristô. Me kite yen ṅwa'ni li à ben tse bo kwé bamntù tanjoṅ ndaṅndaṅ mba bag là, njam nunetsin Nsi be mba ngayôg be Yésu Kristô là.

1 Yohané 1:3

ju ze bag na' njen mbèn nju' là, bag tshwèt nsoṅ zine, ndù mba bin zin tamte num bag, là, yag netamte b'a bag à Tà mba Mén i Yésu Kristô.

1 Yohané 1:7

Là, a be ze bag à bin zin ntùm nka', mba tu wul i be ntùm nka' là, mba bag à bin tamte be be, lem Yésu Mén i lànte be num njoṅ nukebwô fa.