Filipi 1:16 - NTSHOB NSI

¹⁶ Là tshen ben ni ke mfa' à ntùm nkôni, bo lèn ndù Nsi lo yab àm ndù me kwé nta nkùn mebwô.

Filipi 1:16 Iomraidhean Croise

ṄWA'NI YOB 16:4

Mba me lo ngù netshob be ndaṅndaṅ ndùse bin lo mbèn mbe num yàm dù' là! Mba me lo' ntshob ma'ni zin yi, mba me ko' nshua' mbe' màm num bin.

ṄWA'NI YOB 6:14

Mèn ke njen nge' mb'a be nshun i ko ndèn mi tag ndùlala, mb'a ke be bwôg Nganeta Ntshùate.

Yobkwi 69:26

A bwô ndù yub dù'ntswe sate. Kà benntùn bèn ntswe ntùm tshob ntàb.

1 Korintô 9:17

Me lo nke ngù à ntùm yàm nekô mba m'a' ghù ntsho'fa'. Là mb'a ke' b'a ntùm yàm nekô là, a b'a fa' se bo yab àm bwe là.

2 Korintô 2:17

Bag ke b'a mba ben yàm tse bo num ndo' ntshob Nsi nta ntàn yi là, là, a b'a ntùm nenùne, a b'a num ze tu Nsi mba mbwe Nsi ze bag num ntshob num Kristô là.

Filipi 1:10

ndù bin laṅte, ndèn tshu ts'a ywimte là, ndùlala ndù bin be ben nelàne, ke be ju fa'te mum lé'njù Kristô;

Filipi 1:12

Fèt tshàm, me kô bin lèn ndù nu z'a na' ngù àm nà, ywimte ndù nkùn mebwô nèn à mbwe.

Filipi 1:5

me num ndabte Nsi mba bin tamte num neywimte fa' nkùn mebwô fe mbwe lé'njù tà nse' nkum sènni là;

Filipi 1:7

Ndùlala, a b'a kua' nunetsin me ndù me kwate yen nu là num njoṅ zin fa, nummbe me num nket zin ntùm ntù àm, bin tse bag à bin zin fa tamte num kondèn, ntùm nkù tshàm, ntùm nekwénta mba ntùm netomte nkùn mebwô là.

Filipi 2:22

Là, mba yi là, bin lèn bamntù i ze nenùne, bag yi lo fa' nkùn mebwô mba tà bo mén nà.

Filipi 4:15

Bin ba Filipi, bin lèn ndù fe ngelaṅ me to' netshob nkùn mebwô là, ngelaṅ me lo Makédônia là, bag sàm ntse'te benkristô lo ke gha' ṅwa'ni nkàb, mb'a nda' bin.

Filipi 4:3

Ṅ, me bètt'o, wù ko' nshunfa' àm ndù o ywimte tshen bènnzwi là; bo lo le' ntsho num nu nkùn mebwô, bag à bo mba Klément mba tsemo' shun fa' tshàm tse ndèn mub be ntùm ṅwa'ni yôg là.