Filipi 1:12 - NTSHOB NSI

¹² Fèt tshàm, me kô bin lèn ndù nu z'a na' ngù àm nà, ywimte ndù nkùn mebwô nèn à mbwe.

Filipi 1:12 Iomraidhean Croise

Esta 9:1

A lo be num maṅwù ntshob bàa gham z'a b'a ṅwù Adar là, mum lé'njù ntshob tat gham ntùm ṅwù, lé'njù ze ntshù' mfen ke ntù' nelo nsi num ba Yuda, ghakeban tshob nke mbéb tô yub là, nu kaṅ taṅ i, ba Yuda tù' bèn ntô ghakeban tshobe.

Yobkwi 76:10

Ngelaṅ Nsi lo nsi neghù nunetsine, neyôg njoṅ ghayennge' fa num nsitsha' là,

Netume 18:11

Ndonni me lèn ndù Tshùaben lo b'a mèn ndùb ntshùa tsemo' nsi fa, nummbe Nsi la'te ndùlala ndùse bo ke ngùtni zin nà.

Lukas 21:13

Tshen nu là nsi se' bin ndù bin kwé nta.

Mfa' Ghantum 8:4

Fètfèt tse bo sate là nèn ntùm dù' nzenze, nke nsa nkùn mebwô ntshob Nsi.

Roma 8:28

Là, bag bin lèn ndù, ntùm njoṅ tshu fa, Nsi num mfa' num nukebwô boa ben tse bo num nkô i là, ben ts'a tsiaṅ yub ndaṅndaṅ mb'a na' njà be ntùm nkwatenu mi là.

Roma 8:37

Là num njoṅ tshen nà fa, bag à bin b'a kua' ghatshùa ntsho njam mèn z'a kô be là.

Filipi 1:5

me num ndabte Nsi mba bin tamte num neywimte fa' nkùn mebwô fe mbwe lé'njù tà nse' nkum sènni là;

Filipi 1:7

Ndùlala, a b'a kua' nunetsin me ndù me kwate yen nu là num njoṅ zin fa, nummbe me num nket zin ntùm ntù àm, bin tse bag à bin zin fa tamte num kondèn, ntùm nkù tshàm, ntùm nekwénta mba ntùm netomte nkùn mebwô là.

Filipi 2:22

Là, mba yi là, bin lèn bamntù i ze nenùne, bag yi lo fa' nkùn mebwô mba tà bo mén nà.

Filipi 4:15

Bin ba Filipi, bin lèn ndù fe ngelaṅ me to' netshob nkùn mebwô là, ngelaṅ me lo Makédônia là, bag sàm ntse'te benkristô lo ke gha' ṅwa'ni nkàb, mb'a nda' bin.

Filipi 4:3

Ṅ, me bètt'o, wù ko' nshunfa' àm ndù o ywimte tshen bènnzwi là; bo lo le' ntsho num nu nkùn mebwô, bag à bo mba Klément mba tsemo' shun fa' tshàm tse ndèn mub be ntùm ṅwa'ni yôg là.

1 Timôtio 2:8

Ndùlala me kô ndù bandum ntùm njoṅ ndù fa, be le'te Nsi mbù' mbu nelàn tù, ke ya ntù, ke kam ntsha.

2 Timôtio 2:9

Me tshwèt njen nge' num i, kà bo kul àm mba ngaghù nukebwô là, là bo ke' kut ntshob Nsi.

2 Timôtio 4:17

Là Tshùaben lo be njam àm, ngù ntshob nkùn mebwô dun, ghakelèn Nsi ju'. A lo kwé àm ntshu ngwayit.