Filipi 1:11 - NTSHOB NSI

¹¹ bin dun ntàm nunetsin mi a be njam Yésu Kristô là num nkuni mba nenyàmte Nsi.

Filipi 1:11 Iomraidhean Croise

Yobkwi 1:3

A be ndaṅndaṅ à mba tù se bo bwe kaṅntse, a nke njam ntàm mi num ngelaṅ i; mfu mi ke be tsho' là. Mba ke lo ze mènfen num ngù là be ngwù lag.

Esaya 5:2

A tshu' dù', nsô ndoṅ bwe, njwit mo' mbwô tù ndu' bwe. A kut ta' ba' netèt bwe, mbom dù' netshàb ndu' tèt bwe. Nke nywinte ndù a nsi yàm ntàm ntùn, l'a yàm à ntàm kebwô.

Esaya 60:21

Nda' ben netsin nsi bèn be netèt yu nzwit mèn; ngô nsi tù' à yub matmat. A b'a metob tù se me bèn mbwe là, a b'a fa' mbu màm, a b'a num ghamt'àm.

Esaya 61:11

Nummbe ndaṅndaṅ mba tsha' be ngù ju bèt, ndaṅndaṅ mba tshu neywit be mbit nka' là, Tshùaben Nsi nsi ghù yôg bo nunetsin bèt num miag njoṅ ngôngô fa be ndaṅndaṅ.

Esaya 61:3

ndù me fà kétmbùm ghayennge' Sion ke b'a bwembwôge, ndù me fà mfèt tsiaṅte bo ke b'a mi nsivù, ndù me fà nzwe nyàmte bo ke b'a ywèt nenywine. A nsi tshùa ndùlala bo tsiaṅ yub térébintô nunetsine, ntù mi Tshùaben bwe num ghamt'é là.

Matio 5:16

Ndùlala ndù nka' zin ké' mbwe benntùn ndù bo yen mfa' min mi mebwô, ngamte Tà zin z'a be mfe kamànyam nà.

Yohané 15:16

A ke b'a bin na' mbèn ntsho' àm, là, a b'a me na' mbèn ntsho' zine, mbèn njab zine, ndù bin nène, mba ndù bin yam ntàme, mba ndù ntàm min bèn ntswe, ndùlala ndù mba ke lo ze bin nsi bètte Tà num lén sàm nà, a fà bin.

Yohané 15:2

Mba sit kaṅtù lo s'a be num àm ke be yam ntàm nà, a num nkeb i; mba sit lo s'a num njam ntàm nà, a num mfét'é, ndùlala ndù a yam ntàm ntshùate.

Yohané 15:8

Yen ni b'a nkuni Tàa, ndù bin yam ntàm yàme, ndùlala bin nsi tù' ghazi'te nu àm.

Roma 15:28

Ndùlala, ngelaṅ me nsi miagte yen nà, kà fà men ntàm nà gha tse là, me tshùa la' bin kà nèn Pànyà.

Roma 6:22

Là, ndonni ze bin tum kuan bu nukebwô, ntù' kuan Nsi là, bin tshwèt nkàb ntàm num nu nelàn ze miagt'é b'a yô matmat là.

1 Korintô 10:31

Ndùlala, ke bin jù, ke bin nu, ke bin ghù mba ke lo, bin ghù njoṅ i fa num ghamte Nsi.

2 Korintô 9:10

Mèn z'a fà nzwit ju ngaywit ju, mfà bàn yi num jujù là, nsi fà nzwit ju bin, ghù a yàme, a nsi ghù ntàm nunetsin zin yàme.

Efésô 1:12

ndù be nyàmte nkuni mi, be tse be num nywinte num Kristô tà fe mbwe là.

Efésô 1:14

tshen Ywèt là b'a tsho'tu ntsi' be tà kum ngelaṅ be nsi kwé netshu' z'a be ntsi' be là, ndùlala ndù be nyàmte nkuni Nsi.

Efésô 2:10

nummbe bag à bin b'a ju ze Nsi nabte là, ndù a lo nabte be à num Kristô Yésu num mfa' mebwô mi a nabte tà fe mbwe, ndù bag à bin ke nzin ntùm bwe là.

Efésô 5:9

nummbe ntàm nka' b'a njoṅ bwôntù fa, nunetsine, mba nenùne.

Filipi 4:17

A ke b'a ndù me ke ndiag à nda', là me ke ndiag à ntàm yàm num zin ṅwa'ni njo.

Kolosé 1:10

ndù bin zin num mat z'a ku'ni num Tshùaben nà, ndùlala ndù bin bwô i miagte, nke njam ntàm ntùm nzenze mfa' mebwô, nke nku' nèn mbwe ntùm nelèn Nsi,

Kolosé 1:6

z'a se' la' bin ndaṅndaṅ mb'a be netèt bin fe lé'njù ze bin na' nju'u, ndèn kondèn Nsi ntùm nenùn nà.

2 Tésalônikà 1:12

a nsi tshùa ndùlala, lén Tshùaben be Yésu be neghamte num bin, a ghamte zin num i, njam kondèn Nsi be mba Tshùaben Yésu Kristô.

Titô 3:14

A bwô ndù mba tse be ben zi'te nenèn mbwe ntùm mfa' mebwô ndù bo ywimte mfa' mi a tshwèt nànte là, ndùlala ndù kà bo be ke ntàme.

Héber 12:11

Njoṅ nelab fa ke ke mb'a tsiaṅte, là nenywine, num ngelaṅ mbile, là, a num mfà tàm fite z'a be nunetsin nà ben tse bo zi't'é là ngelaṅ mànjam.

1 Pétro 2:12

Bin ghù yôg mebwô netèt ghakelèn Nsi tse bo num ntshabte zine, nke ndo' zin mba ben kebwô là, ndù mfa' min mi mebwô gha' miag mube, bo ghamte Nsi ntùm lé'njù nelôte.

1 Pétro 2:5

Mba tu wut tsin tse bin be mba ndoṅ ntùn nà, bin tamte nkut ba' Ywèle, ntù' ntshufa' le'te Nsi ze nelàne, ndù bin fà tshule'te Nsi tse Ywèt ts'a bwô Nsi njam Yésu Kristô là.

1 Pétro 2:9

Là bin b'a nzwit ze Nsi tsho' là, ntshufa' le'te Nsi mfen, ngô nelàne, nzwit ben tse Nsi tse'te là, ndù bin tshob mfa' mebwô mèn z'a tsiaṅ zin ntùm njame, num nka'ni i ze neghamte là.

1 Pétro 4:14

Bin b'a ghafen, a be ze benntùn tshabte zin num lén Kristô là, nummbe Ywèt nkuni, Ywèt Nsi num ntswe num bin.