Filipi 1:1 - NTSHOB NSI

¹ Paulo mba Timôtio, ghafa' Kristô Yésu, num njoṅ ben nelàn fa num Kristô Yésu tse bo be Filipi boa ghalôte mba ghafa' là.

Filipi 1:1 Iomraidhean Croise

Marko 13:34

A b'a ndaṅndaṅ mba mo' mèn z'a be nèn nkatte, mfaṅ ndà i, mfà ngù' bônke' tse, mfà mba se fa' we lo, ntshob ngabéb nzendà ndù a zi tshùalo là.

Yohané 12:26

A be ze mèn tshwèt mfa' me là, a tam njam àm; dù' ze me be bwe là, mba ngafa' àm nsi be ze bwe. A be ze mèn tshwèt mfa' me là, mba Tà nsi nyàmt'é.

Mfa' Ghantum 1:20

Tshù, bo lo kite ntùm ṅwa'ni Yobkwi ndù: A bwô ndù dù'ntswe i tù' kônkwa ndù kà mèn tswe bwe, mba ndù: Mo' mèn lo' ze dù' fa.

Mfa' Ghantum 20:28

Bin lôte tu wut tsin mba bwoṅ njùmbwe ze Ywèt Nelàn yab zin ghalôte netèt bwe num nebéb ntse'te ben Nsi z'a na' ndo' à be kua' lem tse ntse'te yi là.

Mfa' Ghantum 9:13

Anania bùnte ndù: Tshùaben, me ju' benntùn yàm tshob ndù yen mèn nà ghù nukebwô yàm num ben tsho tse nelàn Yérusalém.

Roma 1:1

Me Paulo ngafa' Kristô Yésu z'a tsiaṅ àm ndù me be ngantum, ntsho' àm num nkùn mebwô Nsi,

Roma 1:7

Me kite yen ṅwa'ni li à njoṅ benntùn fa tse bo be mà Roma, tse Nsi kô yube, ben nelàn tse Nsi tsiaṅ yub là. Kondèn mba fite z'a fe Nsi, tà be, mba Tshùaben Yésu Kristô là, be bin.

1 Korintô 16:10

A be ze Timôtio se' là, kà bin bam ndù a lab wul i num sàm nu netèt bin, nummbe a num mfa' fa' Tshùaben mba tu wul àm nà.

2 Korintô 1:1

Me Paulo, ngantum Kristô Yésu njam ze nekô Nsi, mba Timôtio mfèt ben; bag kite yen ṅwa'ni li à ntse'te benkristô z'a be Korintô là, boa njoṅ ben nelàn fa tse bo be ntùm njoṅ ngô Akaya fa là.

Galatia 1:10

Ndonni me b'a num nu benntùn ké, ke num nu Nsi à? Me ke ndiag à nebwô benntùn ké? Me lo nke nke' mbwô benntùn, mba me ke' be nkuan Kristô.

Galatia 3:26

nummbe njoṅ zin fa b'a bon Nsi njam bamntù num Kristô Yésu.

Galatia 3:28

Ze Yuda ke' bèn mbe, ze Grikia ke bèn mbe, nkuan ke bèn mbe, ménla' ke bèn mbe, mandum ke bèn mbe, mènnzwi ke bèn mbe; nummbe njoṅ zin fa b'a ntshù' num Kristô Yésu.

Efésô 1:1

Me Paulo, ngantum Kristô Yésu, njam ze nekô Nsi, me kite yen ṅwa'ni li à ben nelàn tse bo be Efésô là mba ben tse bo bam Kristô Yésu là.

Efésô 1:15

Mba me yàm lo ju' bamntù zin num Tshùaben Yésu, mba nkôni zin num ben nelàne,

Efésô 6:24

Kondèn be boa njoṅ benntùn fa tse bo num nkô Tshùaben be Yésu Kristô ntùm nkôni z'a ke' be mi là.

Filipi 2:19

Me tshwèt nywinte num Tshùaben Yésu netum Timôtio bin ndende, ndù mba yàm ntù tswe'te, ngelaṅ me nsi lèn zin tshô là.

Filipi 2:5

Bin ghù men nkwate là netèt bin, nkwate mi bin ghù num Kristô Yésu là.

Filipi 3:12

Ke b'a ndù m'a tshùbe, ke b'a ndù m'a miagte nezine, là me ke nànt'a ndù me tshùbe, mba Yésu Kristô na' ntshùb tu wul àm nà.

Filipi 3:3

Nummbe bag à bin bèn mbe nesi ket ze nenùne, be tse be num mfa' ntùm Ywèt Nsi là, be tse be num nta' nsoṅ num Kristô Yésu, be tse be ke' be nywinte num mbàb wut là.

Filipi 3:8

Kua' nenùne, me lo' njoṅ i fa mba bi là num nelèn Kristô Yésu Tshùaben àm z'a tshùate là; me lo bi njoṅ i fa num i, me num ndo' njoṅ i fa mba ju neghua' là, ndù me ghù Kristô;

1 Tésalônikà 1:1

Paulo, Silvanô mba Timôtio, kite yen ṅwa'ni li à ntse'te benkristô Tésalônikà z'a be num Nsi Tà mba Tshùaben Yésu Kristô là. Kondèn mba fite be bin!

1 Tésalônikà 2:2

Bag lo bwôgmbwe njen nge' mba tshabte Filipi, mba bin lèn nà, là bag lo fèn ntù num Nsi be, ntshob nkùn mebwô Nsi netèt ntsho yàme.

2 Tésalônikà 1:1

Paulo, Silvanô mba Timôtio, kite yen ṅwa'ni li a ntse'te benkristô Tésalônikà z'a be num Nsi, Tà be mba num Tshùaben Yésu Kristô là.

2 Tésalônikà 1:10

ngelaṅ z'a nsi se' ndù ben tse tse nelàn ghamt'é, mba bin tse bin bam kwénta mag là. A nsi b'a ndùlala ntùm sen lé'njù là.

1 Timôtio 1:2

me kite yen ṅwa'ni li à Timôtio ko' mén àm ntùm bamntù, kondèn, nkôni, fite, se' njam Nsi Tà mba njam Kristô Yésu Tshùaben be.

1 Timôtio 3:8

Be ndaṅndaṅ, a bwô ghafa' be ben tse bo ku'ni là, ke be ghatshob ntshob mbàa, kà bo fà wut tshob num ndu' yàme, kà bo jù nkàb banban,

Titô 1:1

Me Paulo, ngafa' Nsi, là ngantum Yésu Kristô num netswe'te bamntù ben tse Nsi tsho' yub là, ndù bo lèn nunenùn ndaṅndaṅ mb'a be ntùm neghamte Nsi là,

Titô 1:7

Nummbe a bwô ndù ngalôte be kelo', yi z'a be ngalé' tshu Nsi là, k'a be ngaghamte wul i, ngayantù, ke be mbum ndu', ke be nzwe zwe', k'a jù nkàb banban,

Filémon 1:1

Me Paulo, ngandàtsha Kristô Yésu, mba Timôtio mfèl àm. Yen ṅwa'ni li b'a ze Filémon ze nkôni, nshun fa' yag,

Héber 13:23

Bin lèn ndù bo kag mfèt be Timôtio, a be z'a se' ndende là, mba bag yi nsi se' lôte zine.

Yakobo 1:1

Me Yakobo, ngafa' Nsi mba Yésu Kristô, kite yen ṅwa'ni li à tunndà ntshob bàa gham tse bo sate là, me tsha'te zine.

1 Pétro 2:25

Nummbe bin lo be mba njùmbwe tse bo fàn manze là, là ndonni bin bèn njam mbaṅ ngabéb mbwe mba ngalôte ntù tsine.

2 Pétro 1:1

Me Simon Pétro, nkuan mba ngantum Yésu Kristô. Me kite yen ṅwa'ni li à ben tse bo kwé bamntù tanjoṅ ndaṅndaṅ mba bag là, njam nunetsin Nsi be mba ngayôg be Yésu Kristô là.

Yuda 1:1

Me Yuda, nkuan Yésu Kristô, mfèt Yakobo, me kite yen ṅwa'ni li à ben tse Nsi Tà kô yube, ben ts'a lé' yub num Yésu Kristô, ben ts'a tsiaṅ yub là.

Apokalipse 1:1

Ju ze bo tswite Yésu Kristô là; Nsi lo fà i yi ndù a la'te tshu ts'a bwô ndù a se' là ghafa' tse, a lo tum Angél i ndù a la'te yen nà ngafa' i Yohané,

Apokalipse 1:20

Tsham nsa sammbàa b'a Angél ntse'te benkristô sammbàa, ndambo sammbàa be ntse'te benkristô sammbàa.

Apokalipse 19:10

Me vù nsi num nku mi, num neghamt'é, a tshob me ndù: Bàm nà, me b'a nshun fa' o, mba ze fèt tsho tse bo ghù kwénta Yésu là; ghamte Nsi. Nummbe kwénta b'a Ywèt ntshob ghatshob ntshob Nsi.

Apokalipse 2:12

Kite mba Angél ntse'te benkristô Pèrgamô. Tshù ju ze mèn z'a tshùb ṅwi netshùag njam bàa tshob là li:

Apokalipse 2:8

Kite mba Angél ntse'te benkristô Smirna. Tshù ju ze mbwe mèn mba miagt'é, mèn z'a na' nkwù, mbèn ntù' ntùn tshob li:

Apokalipse 22:9

A tshob me ndù: Bàm nà, kà ghù. Me b'a nshun fa' o mba ze fèt tsho ghatshob ntshob Nsi mba ben tse bo num ndé' ntshob yen ṅwa'ni li là. Ghamte Nsi!