Daniel 9:3 - NTSHOB NSI

³ Me kaṅ wul àm ndôte Tshùaben Nsi, ndù me le't'é, ma' mbu yi ntùm netswe nziku'u, netôg nke'bàm bo nese' bwembwôge.

Daniel 9:3 Iomraidhean Croise

2 Samuél 12:16

David le'te Nsi num mén, ntswe nziku'u; ndùs'a bèn njam nà, a nô à num tsha' kà nzi à bwe.

Esdra 10:6

Ndùlala Esdra lo mbwe Ndà Nsi, nèn ntùm to'ndà Yohanan nshum Eliashib. A tsho bwe, ke jù ke bèn nu, nummb'a na' mb'a nsi vù num nukebwô ben bo fe ndà kuan nà.

Esdra 8:21

Me ghù bag tswe nziku' mbaṅ ta'ntse Ahava, ndùlala ndù bag fà wut nsi mbwe Nsi yag, ndù a ghù yag nkatte tôg kua' mebwô num bag, num bon tshage, mba num njoṅ tshu tshag fa.

Esdra 9:5

A be num ngelaṅ ju bwôntù, me lo nsi ntùm nge' ze me be bwe là, bag nzwe tshàm mba kummbaṅ sàm ndù njoṅ i fa fagte; me te nkekwi' màm nsi, ntshag mbu Tshùaben Nsi àm,

Néhémi 9:1

A be kum lé'njù ntshob kuà ṅam mbàa be ntùm yen ṅwù là, bon Israél kùmte, ndù bo ma' nke'mbàm, nse' mbabe, num netswe nziku'u.

Esta 4:16

Nèn nkùmte ba Yuda tse bo be Suse là, bin à bo tswe nziku' num tu àm, ke jù ke nu num lé'njù tat, ke tèttswe' ke mbwôgtshù lo. Mba kua' tu wul àm nsi tswe nziku' bag à ghafa' tshàm tse bènnzwi. Yen nà nsi be tôg me tsho ndà mfen, mba mba ntshù' be nsi là. A be be vù mba m'a' kwù.

ṄWA'NI YOB 42:6

A ndùlala, tuswe ko àm, me kaṅ ntù àm, nô ntùm mbab bo bwembwôge.

Yobkwi 35:13

Ngelaṅ bo na' nke ngon nà, tu wul àm nke nse' bwembwôge, nke mfà wut nsi ntùm netswe nziku'u, nke mben tu àm nsi num kunndà sàm, nde'te Nsi.

Esaya 22:12

Tshùaben tàndà ntsho tshwèt ntsiaṅ zin sènni; ndù bin se' ndàne, ndab ntù zine, nkom tu zin mbèn ntôg nke'bàm.

Yérémia 33:3

Bin tsiaṅ lén sàm, me nsi bùnte; me nsi soṅ tshu ndùbndùb, tshu ts'a lemte là, ts'o ke' lèn nà.

Ezékia 36:37

Tshù ju ze Tshùaben Nsi tshob li: Me nsi be fà ju là tunndà Israél faṅ ndù bo diag àm. Me nsi ghù bo yàme, mbe bwoṅ yube;

Daniel 6:10

A tshùa ndùlala mfen Darius kite kàn bo ntshù'.

Daniel 9:2

a be mbwe ngu' mb'a be num fen nà, tu wul àm Daniel, me nke nsiaṅe, nke ntswe' ntun num Ṅwa'ni Nsi, njen ndù Yérusalém z'a vù là nsi tswe ngu'njù ṅam sammbàa, ndaṅndaṅ mba Tshùaben tshùa num ntshu ngatshob ntshob Nsi i Yérémia ntshob là.

Daniel 9:20

Me lo ke nke' ntshobe, nke nde'te Nsi, nke mbam nukebwô àm bo nukebwô yàm nzwit mèn, Israél; me lo ke nke' ma' mbu Tshùaben Nsi àm, num nu mbat nelàn z'a be ze Nsi àm nà;

Daniel 9:4

Me lo ke nde'te Tshùaben Nsi àm, nke ntshob yi ndù: Tshùaben Nsi ndùb bo ze nekuni, wù z'o be ndé' kàn so, nke nko ndèn ben tse bo be nkô o mbèn nke nze ntshù' mu là;

Yoél 1:13

Ghale'te Nsi, bin taṅ kob tun bin, ndàn wut tsine, a bwô ndù ghaton tshu tômbwôg tsham zwe, bin tôg nke'mbàm, nse' nzi nsivù, me ghafa' Nsi àm. Nummbe nefà tshu bwôntù mba netshùm ndu' nsi mi, ntùm ndà Nsi zin.

Yoél 2:12

Tshùaben bèn ntshob ndonni ndù: Bin nse' ntèl àm njoṅ ntù tsin fa, ntùm netswe nziku'u, ntùm ntsenyà, ntùm nelàne.

Yona 3:5

Ba Ninive bam Nsi, ntswe nziku' njoṅ yub fa, ma' nke'mbàm num bo, neto' num ben ndùbndùb nèn nkum num ben nke'nke'e.

Matio 17:21

Yen lèn ywètkebwô li ke' be tum k'a ke nda' ntùm le'te Nsi mba netswe nziku'u.]

Lukas 2:37

ntù' mfôg mènnzwi, nèn nkum num ngu' ntshob kuà ṅam fome, ke be tum Ndà Nsi, nke mfa' Nsi tèttswe' mba mbwôgtshù, ntswe nziku'u, nke nde'te Nsi.

Mfa' Ghantum 10:30

Kôrneliô tshob ndù: A ndonni lé'njù tat, me lo ke nde'te Nsi ndà àm num nyam tat mbwôgtshù, tshù, mo' mèn tsin mbwe àm ndù a ket nzwe ṅwa'ṅwa',