Daniel 9:2 - NTSHOB NSI

² a be mbwe ngu' mb'a be num fen nà, tu wul àm Daniel, me nke nsiaṅe, nke ntswe' ntun num Ṅwa'ni Nsi, njen ndù Yérusalém z'a vù là nsi tswe ngu'njù ṅam sammbàa, ndaṅndaṅ mba Tshùaben tshùa num ntshu ngatshob ntshob Nsi i Yérémia ntshob là.

Daniel 9:2 Iomraidhean Croise

2 Kronika 36:21

ndùlala ndù ntshob mi Tshùaben tshùa num ntshu Yérémia ntshob là bumte ndù: Tsha' nsi tù' fam num ngu'njù ṅam sammbàa, tà nkum ndùse tsha' nsi tsiaṅ num tse lé'njù jùa Sabbat là.

Esdra 1:1

A lo be tam ngu' mba Kirus mfen Persia be num fen nà, ntshob mi Tshùaben tshùa num ntshu Yérémia ntshob là bumte. Ndùlala Tshùaben kamte ywèt Kirus mfen Persia, a tshob tà tù, mbèn nkite ṅwa'ni ntùm njoṅ ze nufen fa, nsa yen nu là ntshob ndù:

Yobkwi 119:24

Me ke ngù yôg mebwô à ntùm ntag mu, ntshù' mu mbit b'a tshàm ghafà ntage.

Esaya 64:10

Ndà Nsi yag ze nelàne, ze nekuni, dù' ze tà tshag ke ngamt'o bwe ntùm nkwi là, mbwôg se ka bwe. Njoṅ tshu tanjoṅ fa tse bag na' ngù bwe là, bo bagte fa.

Yérémia 1:1

Ntshob Yérémia, nshum Hilkija mo' mèn netèt ghale'te mà Anatot, ntùm ngô Benjamin.

Yérémia 25:18

A na' mb'a Yérusalém boa ntusô Yuda, fenfen tshob boa kamkam tshobe, num neghù bo tù' fam, ta' kônkwa ze mèn nsi be yen tôte fin nà. A b'a ta' mfi' nelo' nkwimte ba ndon yi, mba bo num nke' njen mba tà sènni là.

Yérémia 26:18

Mika ze Moréshet lo ke ntshob ntshob Nsi num ze ngelaṅ Ezékia, mfen Yuda, nke ntshob ngô Yuda ndù: Tshù mba Tshùaben tàndà ntsho tshob li: Bo nsi dù' Sion mba ta' nà là. Yérusalém nsi tù' à ta' fèt ndoṅ. Mbat ndà Tshùaben nsi tù' neta fèn.

Yérémia 26:6

mba me nsi ghù num yen ba' li mba me na' ngù num njwèn Ndà Nsi ze me na' nsate Silo là; ngù num sen tusô li kà nzwit benntùn fa num nsitsha' nke ndo' nso ndon yi là.

Yérémia 27:7

Njoṅ tshen ngô là fa nsi tù' kuan tse, mba tse nshum i, mba tse nshum nshum i, tà nkum ndùse ze ngô ze nsi tù' nkuan ngôngô yàme, boa fenfen ndùbndùb là.

Yérémia 29:10

Tshù mba me Tshùaben tshob li: Ndùse ngu'njù ṅam sammbàa nsi ku' num ze tu Babilon nà, me nsi se' lôte zine, zwiagte nka'ni mebwô mi me na' ngù bin, ndù me nsi lo' zin bèn yi nsen ni là.

Yérémia 7:34

Me nsi ghù tshu'te tsiaṅte bo tshu'te ṅwate mi ntùm ntusô Yuda mba num tse manze Yérusalém. Ménnshum z'a ka mènnzwi là ke nsi bèn yob kwi, ménngon ze bo ka i là ke yob kwi. Nummbe ngô nsi tù' b'a ta' kônkwa.

Nsindàvù 1:1

A tù' ghua' ju ndù à ndùke? A tusô se benntùn ke njàm bwe mbwe li ké? A tù' b'a mba mfôg mènnzwi là, ndù a na' ke ntô ngôngô. Màbwengub ntaṅ ngô tsiag. A ke mfà ntshub à kekô nkô.

Ezékia 29:11

Ku mènntùn ke nsi bèn te bwe, nku nyàm ke nsi bèn te bwe. A nsi tù' fam, mènntùn be ke bèn netswe bwe num ngu'njù ṅam nkuà.

Daniel 9:3

Me kaṅ wul àm ndôte Tshùaben Nsi, ndù me le't'é, ma' mbu yi ntùm netswe nziku'u, netôg nke'bàm bo nese' bwembwôge.

Mika 3:12

Là, a nsi tshùa num tu bin Sion tù' nà ze bo dù' là, Yérusalém tù' fam, mbat ndà Tshùaben nsi tù' fèn.

Sakaria 1:12

Ndùlala Angél Tshùaben tshob ndù: Tshùaben tàndà ntsho, o nsi be ke ko ndèn Yérusalém bo ngôngô Yuda ts'o ya ntù num bo fe ngu'njù ṅam sammbàa là tà kum à ndùke?

Sakaria 7:5

Bètte njoṅ benntùn fa mum ngô bo ghale'te Nsi, a be ze bo na' ntswe nziku'u, num mbatte ṅwù tàn bo mbatte ṅwù sammbàa, num ngu'njù ṅam sammbàa à num yàm tu là!

Matio 24:15

Ngelaṅ bin nsi yen nebagte mba nesate tsin dù' z'a lo mbe ke bwô ndù a tsin bwe mba ngatshob ntshob Nsi Daniel na' ntshob là; wù z'o tshwèt nsiaṅ nà, ju' mebwô,

Marko 13:14

Ngelaṅ bin nsi yen nebagte mba nesate tsin dù' z'a lo mbe ke bwô ndù a tsin bwe là (wù z'o tshwèt nsiaṅ nà, ju' mebwô). A bwô ndù ben tse bo be Yudéa là kù nèn num mbale;

Mfa' Ghantum 8:34

Njabmfenkun bùnte ntshob Filibo ndù: Me le't'o, ngatshob ntshob Nsi ke ntshob yen nu l'a num we? A b'a be num tu wul i ke mo' mènghua à?

1 Timôtio 4:13

Fà wul o num nesiaṅ ṅwa'ni Nsi, num ntage, num netswite, tà nkum ngelaṅ me nsi se' là.

Apokalipse 1:3

Mènfen b'a mèn z'a siaṅe, ghafen bèn mbe ben tse bo ju' ntshob nu ghatshob ntshob Nsi, nke nze tshu tse bo kite ntùm bwe là: Nummbe ngelaṅ ghebte.