Daniel 8:4 - NTSHOB NSI

⁴ Me yen komnjù lo' ndô mi ntsham bag mbinyam yi, ntsham bag tu yi, ntsham bag ntèn yi. Sàm nyàm mba ntshù' ke bù' tu nsi mbwe i, sàm ju ke bèn nku'ni netum ntshu i. A lo ke ngù a mb'a kô là, nke nta ts'a neta.

Daniel 8:4 Iomraidhean Croise

1 Fenfen 22:11

Tshù, Sédékia nshum Kenaana lo lo' ndô tùn nse' yi ntshob ndù: Tshùaben tshob mb'o nsi lo' men ndô li lab Siria yi kà biagt'é.

ṄWA'NI YOB 10:7

Tu wul o lèn ndù me ke' vù ntsha, ndèn ndù sàm mèn ke bwe z'a b'a tshu' àm bu o là.

Yobkwi 44:5

O Nsi, o bèn mbe yàm mfen, o bèn ngù Yakob ntshùa ntsho.

Yobkwi 50:22

Bin tse bin be ndagte Nsi là, bin zete, mbwôg ndù a be ze me sé'te zin nà, sàm mèn ke ku'ni nekwé zine.

Yobkwi 7:2

Tshùaben Nsi àm, o bèn mbe yàm ndàlem, kwé àm bu ben bo tshwèt ntsho' nku màm kebàn nà, tshu' àm.

Ezékia 34:21

Mba bin na' ndo' fat sin bo tshwèttun sin ntèn nyu'nyu' njùmbwe yi, ndo' ndô min ntèn yub yi ma' njù là,

Daniel 11:16

Mèn z'a nsi lo nsi num i là nsi ghù mb'a kô là, sàm mèn ke tsin mbwe i se se. A nsi tsin ntùm mbwô ngô, biagte mba ke lo z'a vù bu i là.

Daniel 11:36

Mfen nsi ghù mb'a kô là, ka'te bèn nyàmte wul i, ko' tu njoṅ nsi fa; a nsi tshob nu ke to' tshob num Nsi ba nsi, ke nèn be mbwe tà nkum ndùse yantù dunte là; nummbe mba ke lo ze bo na' ntàm nu bwe là nsi bumte.

Daniel 5:19

a tshùa num nezi z'a fà yi là, njoṅ nzwit benntùn fa, njoṅ ngôngô fa mba njoṅ ntshob fa nke mvètte, nke mbwôg mbwe i. Kà nke nzwi mèn ze ntù i kô là, nkag mèn ze ntù i kô là ntùn, nkôg mèn ze ntù i kô là, mbù'te mèn ze ntù i kô là.

Daniel 5:30

Bo zwi Baltazar, mfen Kaldéa be yen tèttswe' là.

Daniel 7:5

Mbatte nyàm bàa fute mbù tshwèt, ntsin tù bag ntshù'. A lo ghù nkitnsa ntshu i ntat netèt nsô mi, bo nke ntshob yi ndù: Lo nsi mfèt mbàb yàme.

Daniel 8:7

Me yen i a lo' à yantù nèn yi num komnjù; a tsham komnjù, mbe' ndô mi mbàa, komnjù ke ku'ni nebù' tu i nsi mbwe i. A ma' i nsi, nyiaṅt'é, sàm mèn ke ku'ni nekwé komnjù ntshu i.

Mika 5:8

Tshùaben, a bwô ndù o bù' bu o nsi num ghamaṅt'o. A bwô ndù o biagte ghakeban tsho!

Nebwôgte 33:17

Yosèf ghù à neta ta' fot mfô, ndô mi b'a mba ndô nyatnyàm nà. A num ndo' ndô mi là ntsham ngôngô yi, tà nèn nkum dù' tsha' te ndù i là. Tshen nà b'a ben Efraim tse bo b'a ntshu'ntshu' là, ben Manasé tse bo b'a ntsha'ntsha' là.