Daniel 8:2 - NTSHOB NSI

² Ndùse me yen yen njem nà là, a tswe mba me b'a Suse tètla' bag ngô Elam nà; ndùse me be mum njem nà, me tù' be tshù mb'a kaṅ ta'ntse Ulaï.

Daniel 8:2 Iomraidhean Croise

Neto'te 10:22

Tshù ndèn bon Sém tse bandum ni: Elam, Assur, Arpakshad, Lud bo Aram.

Neto'te 14:1

A lo be num ngelaṅ Amrafèl, mfen Shinear, Arjok, mfen Elasar, Kedorlaomer, mfen Elam, bo ngelaṅ Tidal, mfen Gojim,

Néhémi 1:1

Ntshob Néhémi, nshum Hakalia. A lo be ntùm ṅwù Kisle, num mbatte ngu'njù ṅam mbàa mba Artasastia be num fen nà, me Néhémi be Suse, tètla' diba.

Esta 1:2

Ndùlala mfen Asuérus tswe nsi num diaṅkwa mà Suse, tètla' ngô.

Esta 2:8

Ndùse bo na' njoṅ ntshob ntshù' mfen nà, bo yoṅ nkùmte mbe' yàm ngonngon Suse, tètla' ngô, Hégai nke ndôte yube. Bo lo' mba Esta ze nèn yi ntshwèt mfen, Hégai ngalôte bènnzwi nke mbéb yube.

Esta 3:15

Tshen ṅwa'ni là nèn à be ndende mba mfen na' ntshob là. Bo sa yen ntshù' là mba Suse z'a be tètla' diba là; ngô tswe à ntùm nenywin bo bwôg ndùse mfen bo Haman ke nu tshob ndu' là.

Esta 7:6

Esta bùnte ndù: Ngafétte, ngakeban b'a Haman, tshùagkèt mandum nà! Bwôg ghom Haman mbwe mfen bo màbwengub.

Esta 8:15

Mardokai tum ndà mfen, ndù a ghù nzwe fen num i, nenàfi bo fôgtab, ngù ta' kétmbùm gol, ta' kummbaṅ nzwe mediba bo nzwe meba. Tusô Suse nke ntsiaṅte, nke ntshag nze yub tù ntùm ṅwate.

Esta 9:11

Bo soṅ mfen njoṅ benntùn tse bo zwite yub Suse tètla' diba là.

Esta 9:15

Ba Yuda tse bo be Suse là bèn nkùmte mum lé'njù ntshob kuà gham ntùm ṅwù Adar, nzwite benntùn Suse ntu nkù tat. Nda' ndù bo ke lag tshob ntsha'.

Esaya 11:11

Num yen ngelaṅ nà, Tshùaben nsi bèn nyit bu i, tshu' tshé' ben tse bo sate nèn Asiria bo Egipto, Patros bo Etiopia, Elam, Shinear, mba Hamat, mba ngô tètntse ts'a be num dibantse là.

Esaya 21:2

Me lo yen mo' kuni njem: Ngafùte tshwèt ndo' fùte ngù nu yi, ngasate dù' nke nsate. Elam, ko'o, ze Media, kab mbu num i. Me nsi ghù netsham zwe fa tsine.

Yérémia 25:25

njoṅ fenfen Zimri fa, njoṅ fenfen Elam fa, njoṅ fenfen Media fa,

Ezékia 1:1

A lo be mbatte ngu'njù ṅam ntat, mum lé'njù tàn mum ṅwù kuà mba me be netèt kuan tse bo be mbaṅ ta'ntse Kebar là, kamànyam gha' nte nge, me yen njem ts'a fe Nsi là.

Ezékia 32:24

Elam b'a bwe bo ze ntshu ntsho ndù bo diaṅ fi se mbume. Njoṅ yub fa lo kwùt'a num ntshùag ṅwi. Bo lo be swe' nèn bam tsha' mb'a ba kesiket. Bo na' mbèn nke nkag bwôg mum ngô ben tse bo be ntùn nà. Tuswe lo tsho tu bo boa ben tse be bo kwù là.

Daniel 10:4

Mum lé'njù ntshob kuà ṅam mbàa ntùm mbwe maṅwù, me lo be kaṅ ta'ntse ndùb z'a b'a Hiddékél là.

Daniel 7:15

Me Daniel, ntù àm lo tume, njem tse me yen nà zwiaṅt'àm.

Daniel 7:2

Daniel tshob ndù: Ndùse me ke ndôte mum njem tèttswe' là, tshù, me yen fetmbaṅ fe num bag kamànyam kuà nse' nyi'te dibantse ndùb.

Daniel 8:1

A lo be kum ngu'njù tat mba mfen Baltazar be num fen nà, me Daniel, me yen mo' njem, njam ze me mbwôgmbwe njen nà.

Daniel 8:3

Me bù' miag màm ndôte, njen komnjù ndù a tsin mbaṅ ta'ntse, ndù a ghù ndô tu i; men ndô là lo sage, là mo' sag neshu ntshùa mo'o. Ndô z'a sag ntshùa mo' là bil à njam.

Nesiaṅe 12:6

A tshob bo ndù: Bin ju' ntshob màm. A be ze ngatshob ntshob Nsi be netèt bin nà, mba me Tshùaben, bèn nse' ntùm njem ntshob nu yi.

Héber 1:1

A lo be mo' ngelaṅ, Nsi tshùa njam ghatshob ntshob Nsi, ntshob nu ba tà yoṅ yàme, mba ntùm mat nzenze;

Apokalipse 9:17

Tshù, me yen ba nyàmdiaṅ ntùm njem, ben tse bo ko' num bo là ghù tshètntsho mbwôge, yakintô mba sôlfa; tu ba nyàmdiaṅ be mba tu ba ngwayit là; mbwôge, nzembwôge, mba sôlfa lo ke ntum ntshu bo.